Posts in ‘នយោបាយ’ Category

ប្រធានស្ដីទីគណបក្សសង្គ្រោះជាតិ លោក កឹម សុខា នៅថ្ងៃនេះ បានអះអាងថា គណបក្សលោកនៅតែមាន​ជំហរឯកភាព​គ្នាល្អដដែល គ្មានការខ្វែងគំនិតគ្នា ដូចការចោទប្រកាន់របស់គណបក្សប្រជាជនកម្ពុជានោះទេ។ លោក កឹម សុខា បានហៅ​ការលើកឡើង របស់គណបក្សកាន់អំណាចថា ជាល្បិចកលបំបែកបំបាក់របស់គណបក្សប្រជាជន ដែលចង់បំភ្លើស​បោក​ប្រាស់ប្រជាពលរដ្ឋតែប៉ុណ្ណោះ ហើយល្បិចទាំងនេះ ត្រូវបរាជ័យហើយ។

លោក កឹម សុខា (អាវស) ក្នុងពេលថ្លែងទៅកាន់អ្នកគាំទ្រ ថ្ងៃទី១៥ខែសីហាឆ្នាំ២០១៣ នៅទីស្នាក់ការទួលគោក។ (រូបថត MONOROOM.info/ O.Vary)

រាជធានីភ្នំពេញ - «ពេលនេះ ល្បិចកលរបស់គណបក្សប្រជាជនកម្ពុជា ត្រូវបរាជ័យហើយ»។ នេះ គឺជាពាក្យរបស់លោក កឹម សុខា អនុប្រធាន និងជាប្រធានស្ដីទីគណបក្សសង្គ្រោះជាតិ [...]

ជាថ្មីម្តងទៀតមន្រ្តីជាន់ខ្ពស់របស់គណបក្សសង្រ្គោះជាតិ ដែលជាគណបក្សជំទាស់ បានធ្វើការចោទប្រកាន់ចំៗ ចំពោះ​គណបក្សប្រជាជនកម្ពុជា និងរដ្ឋាភិបាលបច្ចុប្បន្ន ដែលទទួលបានអំណាចគ្រប់គ្រងប្រទេស រហូតមកដល់ពេលនេះ មាន​រយៈពេលប្រហែជាជាង៣០ឆ្នាំទៅហើយនោះ ថាបានបំផ្លិចបំផ្លាញ សមិទ្ធិផលដ៏មានតម្លៃ របស់អតីតព្រះមហាវិរៈក្សត្រ នរោត្តម សីហនុ។ តែការចោទប្រកាន់នេះ ត្រូវបានមន្រ្តីជាន់ខ្ពស់ របស់គណបក្សប្រជាជនកម្ពុជា បដិសេធចោល និង​ថា​ជាការនិយាយបំភ្លើស។

លោក កឹម សុខា ថ្លែងក្នុងពិធីឧទ្ទិសកុសល ថ្វាយអតីតព្រះមហាវិរៈក្សត្រ។ (រូបថត គណបក្ស)

អនុប្រធានគណបក្សសង្រ្គោះជាតិ លោក កឹម សុខា ក្នុងពិធីសាសនា ដើម្បីឧទ្ទិសកុសល ថ្វាយដល់អតីតព្រះមហាវិរៈក្សត្រ នៅទីស្នាក់ការរបស់គណបក្ស ក្នុងខណ្ឌទួលគោក [...]

រដ្ឋាភិបាលកម្ពុជាបានអះអាងថា អង្គការសហប្រជាជាតិបានសម្តែងការទទួលស្គាល់ខ្លួនជាផ្លូវការ តែការអះអាងនេះ​ត្រូវ​បានគណបក្សសង្រ្គោះជាតិ ដែលជាគណបក្សជំទាស់ លើកឡើងថាវាអាចជារឿងមិនពិត។

លោកហ៊ុន សែន ក្នុងពេលដំណើរទស្សនកិច្ចរបស់លោក បាន គី-មូន អគ្គលេខាធិការ អ.ស.ប នៅកម្ពុជា កាលពីថ្ងៃ​ទី២៧​ខែតុលាឆ្នាំ២០១០។  (រូបថត AP/Heng Sinith)

រាជធានីភ្នំពេញ - ការអះអាងផ្ទុយគ្នា រវាង​រដ្ឋាភិបាល និងគណបក្សសង្រ្គោះជាតិ នៅពេលនេះ គឺស្របពេលដែល​ប្រទេស​កម្ពុជា កំពុងមានភាពទាល់ច្រក​នយោបាយ​នៅឡើយ។ ក្រុមអ្នកតំណាងរាស្រ្ត របស់គណបក្សសង្រ្គោះជាតិ ទាំង៥៥រូប នៅ​តែបន្តធ្វើពហិការមិនចូលរួមប្រជុំរដ្ឋសភា និងជម្រុញឲ្យសហគមន៍អន្តរជាតិ បដិសេធមិនទទួលស្គាល់​រដ្ឋាភិបាល​ឯកបក្ស [...]

រាជធានីភ្នំពេញ - លោក ឡៅ ម៉ុងហៃ ដែលជាអតីតមន្រ្តី​ធ្វើការ​នៅអង្គការសហប្រជាជាតិ និងជាអ្នកវិភាគ​ឯករាជ្យ បាន​លើកឡើងនៅក្នុង​វិទ្យុអាស៊ីសេរីផ្សាយ​ជា​ខេមភាសា​កាលពីយប់មិញថា កិច្ចព្រមព្រមព្រៀងក្រុងប៉ារីសនេះ នៅ​តែ​មាន​សុពលភាពដដែល ហើយលោកបានហៅ​ការលើក​ឡើង​របស់មន្រ្តីរដ្ឋាភិបាល លោក ជាម យៀប ថាជាការ​និយាយ​ខុស​ទាំងស្រុង។ ហេតុផលដែលនិយាយខុស ត្រូវបានអ្នក​វិភាគ​រូបនេះបកស្រាយថា កិច្ចព្រមព្រៀងនេះ មានឧបករណ៍​សំខាន់​ចំនួន ៣ ដែលបញ្ជាក់ថា មិនទាន់អស់​សុពលភាព។

ទី១ កិច្ចព្រមព្រៀង ស្តីពីដំណោះស្រាយបញ្ហានយោបាយរួម នៃជំម្លោះកម្ពុជា នៅក្នុងប្រទេសកម្ពុជា។ ទី២ កិច្ចព្រម​ព្រៀង​ស្តីពីការធានានូវអធិបតេយ្យភាព ឯករាជ្យភាព បូរណភាពទឹកដី និងភាពមិនអាចឲ្យប្រទេសណាមួយ រំលោភបាននូវ​បូរណភាពទឹកដីកម្ពុជា។ ទី ៣ សេចក្តីថ្លែងការណ៍ ស្តីពីការស្តារ និងការកសាងប្រទេសកម្ពុជាឡើងវិញ។

លោក ឡៅ ម៉ុងហៃ បន្ថែមថា [...]

នៅថ្ងៃទី១០ ខែតុលា ឆ្នាំ២០១៣ នេះក្រុមអ្នកតំណាងរាស្រ្ត មកពីគណបក្សប្រជាជនកម្ពុជា ដែលជាគណបក្សគ្រប់គ្រង់អំណាច បានសម្រេចធ្វើការបោះឆ្នោតជាឯកច្ឆ័ន ជ្រើសតាំងសមាសភាព សមាជិកគណៈកម្មការជំនាញទាំង៩ របស់រដ្ឋសភា ខណៈក្រុមអ្នកតំណាងរាស្រ្ត របស់គណបក្សសង្រ្គោះជាតិ បន្តធ្វើពហិការមិនចូលរួមជុំ។

គួរម្លឹកថា បើគិតពីថ្ងៃប្រកាសលទ្ធផលបោះឆ្នោតផ្លូវការ ថ្ងៃទី៨ ខែកញ្ញា ឆ្នាំ២០១៣ រហូតមកដល់ពេលនេះ គណបក្សសង្រ្គោះជាតិ នៅតែប្រកាន់គោលជំហរ មិនទទួលស្គាល់លទ្ធផលបោះឆ្នោត ដែលប្រកាសឲ្យដឹង ដោយគណៈកម្មាធិការជាតិរៀបចំការបោះឆ្នោត (គ.ជ.ប) ថាគណៈបក្សសង្រ្គោះជាតិទទួលបាន៥៥អាសនៈ រីឯគណបក្សប្រជាជនកម្ពុជា ទទួលបាន៦៨អាសនៈ។

លោក យឹម សុវណ្ណ មន្រ្តីអ្នកនាំពាក្យគណបក្សសង្រ្គោះជាតិ បានថ្លែងប្រាប់ទស្សនាវដ្តីមនោរម្យ.អាំងហ្វូ នៅថ្ងៃទី១០ ខែតុលា ឆ្នាំ២០១៣ នេះថាគណបក្សសង្រ្គោះជាតិ នៅតែប្រកាន់គោលជំហរដដែល គឺមិនទទួលស្គាល់រដ្ឋសភា [...]