Posts in ‘ប្រដាល់’ Category

នៅក្នុងការប្រកួត MMA នៃខ្សែរក្រវ៉ាត់ «One Championship 28» ឬ «Dynasty of Champions» ក្នុង​ប្រទេស​សិង្ហបូរី បណ្ដាទស្សនិកជន បានទស្សនានូវសន្ធឹកក្បាច់គុន ដ៏ពិសេសមួយ កម្រមាននរណា​បញ្ចេញ។ នោះ​គឺ​កីឡាករ​ប្រយុទ្ធ វូ ហ្សេ បានហក់បង្វិលខ្លួន ទាត់ផ្កាប់ចាន ទៅលើគូរប្រកួត កីឡាករ ហ៊ុយ វូគៀន (Hui Wu Qiang) ដែលកំពុងដេកផ្ងារខ្លួន នៅលើដី។

ប៉ុន្តែការហក់បង្វិលខ្លួននោះ បានជ្រុលជើង ទៅជាន់ចំលិង្គរបស់គូប្រកួត ដែលជាកាយវិការមួយ ហាមឃាត់​ដោយវិន័យនៃការប្រកួត របស់ MMA។ ប៉ុន្តែយ៉ាងណាក៏ដោយ ក៏លទ្ធផលនៃការប្រកួត រវាង​កីឡាករ​ទំងន់​«រុយ»​ទាំងពីរនាក់ ត្រូវបានទៅលើកីឡាករ វូ ហ្សេ នៅទីបំផុត ទោះជាកាយវិការខាងលើ ត្រូវបាន​ចៅក្រម​កាត់​ពិន្ទុ​ខ្លះ ពីកីឡាករក៏ដោយ៕

លោក ម៉ានី ផាគីអៅ បានបង្ហាញពីខ្សែជីវិតពិត ក្នុងនាមអ្នកប្រដាល់ នៃប្រទេសហ្វីលីពីន ក្នុងបទចម្រៀងមួយ ដែល​មាន​ចំណងជើងថា «ខ្ញុំនឹងប្រយុទ្ធ» ឬជាភាសាហ្វីលីពីន «ឡាឡាបានអាកូ (Lalaban Ako)» និងប្រែមកជាភាសាអង់គ្លេសថា «I Will Fight»។ ឃ្លីបវីដេអូ ដែលត្រូវបាន យកមកបង្ហោះ តាមបណ្តាញសង្គម និងបង្កឲ្យមានអ្នកគាំទ្រ យ៉ាងច្រើននោះ បាន​លើកឡើង ពីសភាពក្រៀមក្រំ ជាមួយនឹងការចូលរូមរំលែកទុក្ខ ក្នុងនាមជាពលរដ្ឋហ្វីលីពីន ទៅកាន់ពលរដ្ឋដូចគ្នា ដែល​កំពុង​រងទុក្ខ ជាពិសេស ចម្រៀងបានរៀបរាប់ថា លោកបានយកអាជីព ជាអ្នកប្រដាល់ ដើម្បីយកប្រាក់ ទៅ​សង្គ្រោះ​ជីវិត​ពលរដ្ឋ​ក្រីក្រក្នុងប្រទេស។

តាមន័យនៃបទចម្រៀងនេះ លោកផាគីអៅ ដែលជាប់ជាប់តំណាងរាស្ត្រ របស់ប្រទេសហ្វីលីពីនផងនោះ បានធ្វើការ​រៀប​រាប់​ពីជីវិតខ្លួន ដែលជាអ្នកប្រដាល់ ហើយព្យាយាម និងខិតខំ ប្រឹងប្រែងលើសង្វៀនប្រកួត បើទោះជាបែបមុខមាត់ ហូរ​ឈាម​ដាប​ខ្លួន និងរបួសយ៉ាងណាក៏ដោយ [...]

នៅក្នុងការប្រកួត TFC លើកនេះ ជាការប្រដាល់ចំបាប់ ជាប្រវត្តិសាស្ត្រ រវាងក្រុមពីរ៖ ក្រុមមួយ មកពីប្រទេសប៉ូឡូញ ហៅកាត់ថា Psycho Fans និងក្រុមមកពីប្រទេសស៊ុយអែត ហៅកាត់ថា Wisemen។

ដើម្បីអាចប្រកាសថា ជាអ្នកឈ្នះ លុះត្រាតែនៅក្នុងក្រុមណាមួយ មានកីឡាករម្នាក់នៅឈរបាន ខណៈកីឡាករម្ខាងទៀត ត្រូវបានផ្ដួលឲ្យដេកទាំងអស់។

ប៉ុន្តែបើសិនជាប្រិយមិត្ត មើលឃើញថាកីឡាចំបាប់នេះ វាអាក្រក់ជាងអ្វីទាំងអស់នោះ តែនៅមានកីឡាមួយទៀត ដែលអាក្រក់ជាងនេះ ទៅទៀត ហៅថា Hip Show នៅក្នុងប្រទេសរ៉ូស្សី។ ទស្សនាវដ្ដីមនោរម្យ.អាំងហ្វូ នឹងយក Hip Show មកបង្ហាញ នៅក្នុងអត្ថបទផ្សាយលើកក្រោយ៕

វីដេអូផ្សេងទៀត ពីប្រដាល់ចម្លែកនេះ៖