Posts in ‘សោភ័ណភាព’ Category

កញ្ញា អេមីលី រ៉ៃយ៍ (Emily Reay) ជាតិអង់គ្លេស អាយុ ១៧ឆ្នាំ ទើបនឹងត្រូវបាន សាលារបស់នាងបង្ក្រាប យ៉ាងចាស់ដៃ ពីករណី«ពណ៌សក់»របស់នាង។ មូលហេតុសំខាន់ បណ្ដាលមកពីសក់ក្បាល ដែលមានពណ៌ក្រហមឆេះ របស់នាង ត្រូវ​បានគណៈគ្រប់គ្រងសាលា Trinity School  នៃក្រុង Carlisle (ភាគកណ្ដាល នៃចក្រភពអង់គ្លេស) វិន្និច្ឆ័យថា មាន​សភាព ដូចសក់ក្បាលជនជាតិរ៉ូស្សី ជ្រុលពេក។ ប្រសិនជា អេមីលី ចង់បន្ដការសិក្សាទៅទៀត នាងចាំបាច់ត្រូវធ្វើតាម ការ​បង្គាប់​របស់​សាលា ហើយនាងគ្មានជម្រើសអ្វីឡើយ។

នាងបានរអ៊ូរទាំ ដាក់សារព័ត៌មាន «Metro» របស់អង់គ្លេសថា៖ «ខ្ញុំធ្វើពណ៌សក់បែបនេះ តាំងពី៣ឆ្នាំមកហើយ (...) តែ​គ្មាននរណានិយាយអ្វីសោះ។ សម្រាប់ខ្ញុំ ពណ៌សក់ដូច្នេះ ជាការបង្ហាញ នូវភាពទុកចិត្តដល់ខ្លួនឯង។» ប៉ុន្តែនៅពេល​ដែល​នាងបានត្រឡប់ ពីវិស្សមកាលនៃបុណ្យប៉ាក (បុណ្យរបស់សាសនាគ្រឹស្ទ៍) វិញ ស្រាប់តែលោកគ្រូអ្នកគ្រូ ក្នុង​សាលា​បានប្រាប់ [...]

គំនិតឆ្នៃប្រឌិតនេះ កើតចេញដំបូងគេ នៅក្រុង លីវើភូល (Liverpool) នៃចក្រភពអង់គ្លេស ដែលគេឲ្យឈ្មោះ ជាភាសា​អង់គ្លេសថា «Tittooing»។ Tittooing ជាវិធីសាស្ត្រ នៃការគូរចុងសុដន់ របស់នាងៗទាំងឡាយ ដោយប្រើប្រដាប់សាក់ ធុនមធ្យមមួយប្រភេទ។ វិធីសាស្ត្រនេះ មានស្ថិតនៅចន្លោះការសាក់នៅលើស្បែក និងការកែឆ្នៃសម្ផស្ស។ ប្រដាប់សាក់ ធុនមធ្យម នឹងបាញ់ទឹកពណ៌ពិសេសមួយ តាមរយៈម្ជុល នៅខាងមុខប្រដាប់នោះ ដើម្បីពង្រីកឬបន្ថែមរង្វង់ ដែលព័ទ្ធ​ជុំ​វិញ​ក្បាលសុដន់។

ស្ត្រីជាច្រើនឡើងៗ បានប្រើប្រាស់វិធីសាស្ត្រនេះ ដើម្បីជួយឲ្យសុដន់របស់ពួកនាង កាន់តែមានសម្ផស្សខ្លាំងឡើង ជា​ពិសេស នៅពេលដែលរង្វង់ ព័ទ្ធជុំវិញក្បាលសុដន់ មានពណ៌ស្លេកពេក ឬមានទំហំតូចពេក។ គេអាចដាក់ពណ៌ ទៅតាម​ការ​ចង់បានរបស់ម្ចាស់ខ្លួន ដូចជាពណ៌ក្រហមព្រឿងៗ ស៊ីជំពូ ឬពណ៌សាច់ក្រម៉ៅជាដើម។

ការប្រលងជាប់ ទទួលបានជ័យលាភី ជាបវរកញ្ញា នៅឆ្នាំនេះ បានបញ្ចប់ទៅ ក្រោមការតិះទៀន រិះគន់ និងចំងល់ច្រើន​រាប់មិនអស់។ យុវតី អារីយ៉ាណា មីយ៉ាម៉ូតូ ទើបនឹងត្រូវបានជាប់ជាបវរកញ្ញា ប្រចាំប្រទេសជប៉ុន ហើយកំពុងត្រៀមខ្លួន ទៅប្រលងបវរកញ្ញាចក្រវាឡ ឆ្នាំ២០១៥ បន្តទៀត។ សម្រាប់ប្រទេសជាច្រើនផ្សេងទៀតក្នុងលោក ប្រហែលជាមិន​ជា​ចាប់អារម្មណ៍ប៉ុន្មាន ឬទំនងជាស្ងើចសរសើរ ពីសម្រស់ស្ត្រីមួយរូប ដែលត្រូវតំណាង ឲ្យសម្ផស្សឲ្យស្ត្រី ក្នុងប្រទេស​នោះ បាន​ចេញ​ទៅប្រលងជាមួយនឹងបេក្ខនារី នៃប្រទេសដទៃទៀត។

ប៉ុន្តែ នៅជប៉ុន គំនិតជាតិនិយម ឬការស្រឡាញ់តែជាតិសាសន៍ខ្លួន នៅតែចាក់ឫសនៅឡើយ។ ជាពិសេស យុវតីកូន​កាត់ អាយុ២០ ដែលមានម្ដាយជាតិជប៉ុន និងឪពុកជាតិអាមេរិកាំងស្បែកខ្មៅម្នាក់ មិនត្រូវបានបណ្ដាជនជប៉ុន គិតថា​ជា​ពលរដ្ឋ​ពិសេស មានវប្បធម៌ដល់ទៅពីរនោះទេ តែនាងគឺជាផ្ទាំងស៊ីបមួយ សម្រាប់ការរិះគន់ ក្រោមពាក្យហៅថា «ជប៉ុន​មិន​ជប៉ុន» [...]