Posts in ‘ពិភពលោក’ Category

យន្ដហោះប្រភេទ ប៊ូអីង (Boeing 737) មួយគ្រឿង របស់ក្រុមហ៊ុនអាកាសចរណ៍ «UTair airlines» ដែលដឹកអ្នកដំណើរ១៦៦នាក់ រួមនឹងបុគ្គលិកបម្រើការលើយន្ដហោះ ចំនួន៦នាក់ផង បានរអិលធ្លាក់ផ្លូវ ចូលទៅក្នុងស្ទឹងមួយ នៅពេលចុះចតនៅព្រលានយន្ដហោះ ក្រុង «Sotchi» (ភាគខាងត្បូងប្រទេសរ៉ូស្ស៊ី) កាលពីយប់ថ្ងៃសុក្រ ឆ្លងចូលមកថ្ងៃសៅរ៍។

ស្លាបម្ខាងរបស់យន្ដហោះ បានរងការខូចខាតធ្ងន់ធ្ងរ មុននឹងផ្ទុះឆេះជាអគ្គិភ័យឡើង។

អាជ្ញាធរតំបន់ទទួលបន្ទុកផ្នែកសុខភាព បានប្រកាសឲ្យដឹងថា នៅក្នុងហេតុការណ៍នេះ មនុស្ស១៨នាក់ បានទទួលការថែទាំ និងការព្យាបាល ពីក្រុមគ្រូពេទ្យ។ នៅក្នុងចំណោមអ្នករបួសទាំងនេះ មាន៣នាក់ ជាកុមារ។

ការស៊ើបអង្កេតមួយ ត្រូវបានបើកធ្វើ ដើម្បីស្វែងរកការបញ្ជាក់ ពីមូលហេតុនេះគ្រោះថ្នាក់ខាងលើ ដែលបានកើតឡើង នៅវេលាម៉ោង ២និង៥០នាទី ទៀបភ្លឺព្រឹកថ្ងៃសៅរ៍ ទី០១ ខែកញ្ញា ឆ្នាំ២០១៨នេះ។

លោក ដូណាល់ ត្រាំ ប្រធានាធិបតីអាមេរិក បានបន្តយុទ្ធនាការបស់លោក ទៅមុខទៀត ក្នុងការរិះគន់អង្គការពាណិជ្ជកម្មពិភពលោក (ហៅកាត់ជាភាសាអង់គ្លេស «WTO» និងភាសាបារាំង «OMC»)។ ក្នុងថ្ងៃព្រហស្បត្តិទី៣០ ខែសីហា ឆ្នាំ២០១៨នេះ មេដឹកនាំអាមេរិករូបនេះ បានផ្ដល់កិច្ចសម្ភាសមួយ ទៅឲ្យទូរទស្សន៍ «Bloomberg News» ដោយគម្រាមដោយត្រង់ៗ ថាសហរដ្ឋអាមេរិកនឹងដកខ្លួន ចេញពីអង្គការអន្តរជាតិមួយនេះ បន្ទាប់ពីបានក្លាយ ជាសមាជិករបស់​អង្គការមួយនេះ រាប់ចាប់តាំងពីសង្គ្រាមលោកលើកទីពីរ រហូតមក។

លោក ដូណាល់ ត្រាំ បានថ្លែងឡើងថា៖ «បើពួកគេមិនធ្វើ ឲ្យមានការរីកចម្រើន [នៅក្នុងកំណែទម្រង់] ទេនោះ ខ្ញុំនឹងដកខ្លួនចេញ ពីអង្គការពាណិជ្ជកម្មពិភពលោក»។

លោកបានវាយតម្លៃ កិច្ចព្រមព្រៀង ដែលឈានទៅបង្កើតអង្គការនេះឡើង គឺជា «កិច្ចព្រមព្រៀង​ពាណិជ្ជកម្ម ដ៏អាក្រក់ជាងអ្វីទាំងអស់ ដែលមិនធ្លាប់បានធ្វើពីមុន»។

លោក ដូណាល់ [...]

ទូរទស្សន៍របស់អ៊ឺរ៉ុប ឈ្មោះ អ៊ឺរ៉ូញូ (Euronews) ដែលមានការិយាល័យរបស់ខ្លួន នៅក្នុងប្រទេសក្រិច បានរាយការណ៍ ពីគ្រោះរញ្ជួយដីនៅក្នុងប្រទេសក្រិច ដែលបានកើតឡើង កាលក្នុងព្រឹកថ្ងៃសុក្រ ទី៣១ ខែសីហានេះ ក្បែរបឹង «Plastiras» ដែលស្ថិតនៅខាងលិចក្រុង «Karditsa» ភាគកណ្ដាលប្រទេស។

រីឯទីភ្នាក់ងារព័ត៌មាន​ក្រិច «Ana» បានបញ្ជាក់បន្ថែមថា ការរញ្ជួយដី មានកម្លាំងខ្លាំង និងបានជះឥទ្ធិពល រហូតដល់ក្នុងក្រុង «Karditsa» និងក្រុង «Trikala» (ស្ថិតនៅខាងជើងបឹង)។ បណ្ដាជន​អ្នករស់នៅ ក្នុងក្រុងធំៗទាំងពីរ បាននាំគ្នា ចេញពីលំនៅដ្ឋាន និងពីអាគារការិយាល័យរបស់ផងខ្លួន មកនៅតាមដងផ្លូវទាំងអស់។

មកដល់ពេលនេះ វាហាក់ដូចជាលឿនពេក ក្នុងការនិយាយពីតុល្យភាពផ្លូវការ នៃគ្រោះថ្នាក់ធម្មជាតិមួយនេះ។ [...]

នាយនគរបាលប្រចាំតំបន់ លោក «Mike Williams» បានថ្លែងនៅក្នុងសន្និសីទកាសែត ដែលប្រព្រឹត្តិទៅ កាលពីមុននេះបន្តិចថា៖ «មានមនុស្សបីនាក់ បានស្លាប់នៅនឹងកន្លែង។ ម្នាក់ពីក្នុងចំណោមនោះ ជាជនសង្ស័យ ដែលបានធ្វើអត្តឃាត ដោយខ្លួនឯង។ (...) ខណៈមនុស្ស១១នាក់ផ្សេងទៀត បានរងរបួស និងត្រូវបញ្ជូនទៅព្យាបាល នៅឯមន្ទីរពេទ្យ។»

លោក «Mike Williams» បានបន្តថា អត្តសញ្ញាណនៃជនសង្ស័យ ត្រូវបានដឹងរួចហើយ គឺជាយុវជនអាយុ ២៤ឆ្នាំ មួយរូប ឈ្មោះ «David Katz» ជាអ្នកស្រុក «Baltimore» ដែលជាក្រុងធំបំផុត នៃរដ្ឋម៉ារីឡេន (Maryland) ស្ថិតនៅភាគឦសាននៃសហរដ្ឋអាមេរិក។

យុវជនរូបនេះ ជាបេក្ខជនមួយរូប នៃការប្រកួតលេងហ្គេម «Madden NFL 19» ដែលកំពុងប្រព្រឹត្តិទៅ នៅក្នុងមណ្ឌលកំសាន្ដ «Jacksonville» ខាងលើ។ នាយនគរបាលបានបន្ថែមថា យុវជន «David Katz» បានប្រើកាំភ្លើងខ្លី ដើម្បីបាញ់រះ នៅក្នុងពេលប្រកួតនោះ។

[...]

មេដឹកនាំនៅក្នុងពិភពលោក នាំគ្នាសំដែងការសោកស្ដាយ និងរំលឹក ពីវីរភាពនៃអតីតអគ្គលេខាធិការ នៃអង្គការសហប្រជាជាតិ និងជាម្ចាស់ពានរង្វាន់ណូបែល​សន្តិភាព លោក កូហ្វូ អាណាន់ ដែលមានដើមកំណើត ជាជនជាតិហ្គាណា ហើយទើបនឹងទទួលមរណភាព ក្នុងជន្មាយុ ៨០ឆ្នាំ នៅក្នុងមន្ទីរពេទ្យមួយ នៃប្រទេសស្វីស។

គឺមូលនិធិរបស់លោក ឈ្មោះ «Kofi Annan Fondation» ជាអ្នកប្រកាសឲ្យដឹង តាមរយៈសេចក្ដីប្រកាសព័ត៌មានមួយ ស្ដីពី«មរណភាពដ៏សោកសៅ កាលពីថ្ងៃសៅរិ៍ ទី១៨ ខែសីហា ឆ្នាំ២០១៨ម្សិលម៉ិញ ដោយសាររោគាពាធ ដែលមានរយៈពេលដ៏ខ្លីមួយ»។ សេចក្ដីប្រកាសព័ត៌មាន​នោះ បានអះអាងថា ភរិយា និងកូនចៅរបស់លោក បានស្ថិតនៅក្បែរលោក ក្នុងប្រទេសស្វីសដែលលោករស់នៅ រហូតលុះត្រាដង្ហើមចុងក្រោយ។

ភ្លាមៗ ក្រោយដំណឹងដ៏ក្រៀមក្រំ មេដឹកនាំទាំងឡាយ នៅជុំវិញពិភពលោក នាំគ្នាសំដែងភាពក្ដុកក្ដួល និងការរំលែកមរណទុក្ខ ចំពោះអតីតអគ្គលេខាធិការ នៃអង្គការពិភពលោក [...]