វាយប្រហារមុខព្រះវិហារកាតូលីក (ប៉ារីស)៖ ជនសង្ស័យស្រែកថា «ដើម្បីប្រទេសស៊ីរី»
រូបភាពនៃការវាយប្រហារ ដោយ«ញញួរ» ត្រូវបានទូរទស្សន៍បារាំង «CNews» ទទួលបាន និងយកមកផ្សាយ នៅមុននេះបន្តិច។ ហេតុការណ៍បានកើតឡើង កាលពីល្ងាចម្សិលម៉ិញ នៅលើទីលានខាងមុខ ព្រះវិហារកាតូលីក «Notre-Dame» ដ៏ល្បីល្បាញ នៃរដ្ឋធានីប៉ារីស ដែលសម្បូរពោរពាស ដោយទេសចរណ៍។ ជនសង្ស័យ មានអាយុ ៤០ឆ្នាំ បានប្រកាសដោយខ្លួនឯងថា ជា«យុទ្ធជនម្នាក់ នៃទឹកដីព្រះជាម្ចាស់» ដែលជាភាសាមួយ តែងតែត្រូវបានយកមកប្រើ ដោយបណ្ដាភេរវជន របស់អង្គការភេរវនិយម ក្រុមរដ្ឋអ៊ីស្លាម។
ជនសង្ស័យ ដែលកាន់អត្តសញ្ញាណបណ្ណ ជានិស្សិតមកពីប្រទេសអាល់ហ្សេរី បានស្រែកឡើង នៅពេលធ្វើសកម្មភាពនោះថា «ដើម្បីប្រទេសស៊ីរី»។ នេះ បើតាមការលើកឡើង របស់រដ្ឋមន្ត្រីមហាផ្ទៃបារាំង លោក ហ្សេរ៉ា កូឡំ (Gérard Collomb) បន្ទាប់ពីលោកបានមកដល់ផ្ទាល់ នឹងកន្លែងកើតហេតុ កាលពីយប់ម្សិលម៉ិញ។ លោករដ្ឋមន្ត្រី បានថ្លែងឡើងថា៖ «បើតាមការសង្កេត ជាជំហានដំបូង ជននេះបានធ្វើសកម្មភាព [...]
