Posts in ‘វប្បធម៌ សិល្បៈ ប្រពៃណី’ Category

ចិនសម្ពោធស្ពានខ្ពស់កប់ពពក ខ្ពស់ជាងគេក្នុងលោក

ចិនសម្ពោធស្ពានខ្ពស់កប់ពពក ខ្ពស់ជាងគេក្នុងលោក

ក្នុងទឹកប្រាក់ចំណាយ អស់ប្រមាណជា ១កោដយ័ន (ប្រមាណជា១៣០លានអ៊ឺរ៉ូ ឬ១៤០លានដុល្លារ) ស្ពាន​កប់​ពពក​មួយ​ខ្សែ នៅពីលើដងស្ទឹង «Beipanjiang» ទើបនឹងត្រូវបានសម្ពោធ ដាក់ឲ្យយានយន្ដទាំងឡាយ បើក​បរ​ឆ្លង​កាត់​បាន កាលពីថ្ងៃព្រហស្បត្តិ៍កន្លងមកនេះ។ ស្នាដៃនៃ​ហេដ្ឋារចនា​សម្ព័ន្ធ ដ៏សម្បើមមួយនេះ បាន​តភ្ជាប់​ផ្លូវ​ជាតិ រវាង​ពី​ខេត្ត «Guizhou» ទៅកាន់ខេត្ត «Yunnan» ស្ថិតនៅភាគខាងត្បូង នៃប្រទេសចិន។

ស្ពានដែលមានប្រវែង ១,៣៤គីឡូម៉ែត្រនេះ បានក្លាយជាស្ពានដែលខ្ពស់ជាងគេ នៅក្នុងពិភពលោក ដោយ​សារ​តែ​វា​ត្រូវ​បាន​សាងសង់​ឡើង ភ្ជាប់ចង្កេះភ្នំពីរ ដែលមានកំពស់​៥៦៤ម៉ែត្រ ពីកំពស់ទឹកសមុទ្រ៕

ឥណ្ឌា​ផ្ដើម​សាង​សង់​រូប​ចម្លាក់ ដែល​ខ្ពស់​ជាង​គេ​លើ​លោក

ឥណ្ឌា​ផ្ដើម​សាង​សង់​រូប​ចម្លាក់ ដែល​ខ្ពស់​ជាង​គេ​លើ​លោក

មេដឹកនាំឥណ្ឌា ដែលត្រូវបានចាត់ទុក ថាជាមនុស្សដ៏អស្ចារ្យនោះ មិនមែនមានតែ មហាត្មះ គន្ធី ទេ។ តែរដ្ឋ​បុរស​ឥណ្ឌា​​ដ៏អស្ចារ្យ (ជាងគេ) មួយរូបទៀតនោះ គឺជាព្រះមហាក្សត្រមួយអង្គ ព្រះនាម «Chhatrapati Shivaji» ដែល​បាន​ប្រែ​ក្លាយ​ប្រទេសឥណ្ឌា ឲ្យទៅជាចក្រភពដ៏ធំមួយ នៅក្នុងសតវត្សន៍ទី១៧។ នេះ បើ​តាម​សំដី របស់នាយករដ្ឋមន្ត្រីឥណ្ឌា លោក ណារិនដ្រា ម៉ូឌី (Narendra Modi) ដែលបានថ្លែងឡើង នៅក្នុងពិធី​សម្ពោធ​បើក​ការដ្ឋាន សាងសងរូបចម្លាក់ របស់ព្រះរាជាអង្គនេះ កាលពីថ្ងៃសៅរ៍កន្លងមក នៅលើកោះមួយ ស្ថិត​នៅ​ក្នុង​ឆក​សមុទ្រ​​ភាគ​ខាង​លិច នៃក្រុង ប៊ុមបៃ។

រូបចម្លាក់នេះ នឹងមានកំពស់ដល់ទៅ ១៩២ម៉ែត្រ ខ្ពស់ជាងរូបចម្លាក់ «សេរីភាព» នៅក្រុង ញ៉ូយក (សហរដ្ឋ​អាមេរិក) ពីរដង - ខ្ពស់ជាងរូបចម្លាក់ ព្រះយេស៊ូគ្រឹស្ទ៍ នៅក្រុង រីយ៉ូ (ប្រទសប្រេស៊ីល) ៥ដង និងធំជាង​រូប​ចម្លាក់​យក្ស​​របស់ព្រះពុទ្ធ នៅក្នុងវត្តរដូវផ្ការីក (ប្រទេសចិន) [...]

តួ​ឯក​បាន​លា​ចាក​លោក នៅ​មុន​ភាពយន្ដ «Les Pépites» ចេញ​បញ្ចាំង

តួ​ឯក​បាន​លា​ចាក​លោក នៅ​មុន​ភាពយន្ដ «Les Pépites» ចេញ​បញ្ចាំង

តួឯកម្នាក់​បានស្លាប់ បន្ទាប់ពីបាន​ថត​ភាពយន្ដមួយ ស្ដីពីវីរភាពរបស់ខ្លួន បានចប់សព្វគ្រប់។ វាមិនមែនជា​គម្រោង របស់អង្គការ​ដើម្បី​ភាព​ញញឹមនៃកុមារ (ហៅកាត់តាមភាសាបារាំង PSE) ហើយក៏កាន់តែមិនមែន​ជា​ការ​គិតទុកមុន របស់កុមារទុរគតខ្មែរ​​រាប់ពាន់ម៉ឺននាក់ ដែល​ត្រូវបានតួឯករូបនេះ លះបង់ស្វះស្វែង និង​ធ្វើ​អ្វី​គ្រប់​បែប​យ៉ាង ដើម្បីជួយសង្គ្រោះ ពួកគេនោះឡើយ។

តែ​ភាពយន្ដឯកសាររឿង «Les pépites» ជាគម្រោង​របស់លោក ហ្សាវីយ៉េ ឌឺឡូហ្សាន (Xavier de Lauzane) សមិទ្ធិករ​ភាពយន្ដបារាំង ដែលចង់លើកយកមកបង្ហាញ នៅលើផ្ទាំងសំពត់ស ពី​សកម្មភាព​មនុស្សធម៌​ដ៏​កម្រ ដែល​សឹងមិនគួរឲ្យជឿបាន របស់តួឯកពីរនាក់ គឺលោក គ្រីស្យង់ ដេប៉ាលីយ៉ែរ (Christian des Pallières) និង​ភរិយា អ្នកស្រី ម៉ារីហ្វ្រង់ ដេប៉ាលីយ៉ែរ (Marie-France des Pallières) ស្ថាបនិក​អង្គការ​ដើម្បី​ភាព​​ញញឹម​នៃ​កុមារ​​នោះ​តែម្ដង។

ភាពយន្ដនោះ បានរៀបរាប់តាំងពីដើមដំបូង [...]

ស្ត្រី១០០នាក់ ថត​ស្រាត​បញ្ជូន​សារ​ឲ្យ ដូណាល់ ត្រាំ

ស្ត្រី១០០នាក់ ថត​ស្រាត​បញ្ជូន​សារ​ឲ្យ ដូណាល់ ត្រាំ

កាលពីសប្ដាហ៍មុន ជាងថតរូបអាជីព​ដ៏ល្បីឈ្មោះ លោក «Spencer Tunick» ដែលមានជំនាញ​ខាងថតរូប​ននល​គោក តាមបែបធម្មជាតិនោះ បានរៀបចំកម្មវិធីមួយ ដែលមានការចូលរួម ពីសំណាក់ស្ត្រី​ចំនួន​១០០​នាក់ ដើម្បី​ថតជារូបភាព ដ៏ពិសេសៗ ក្រោមប្រធានបទ «នយោបាយ និងភាពននលគោក»។

កម្មវិធីរបស់ជាងថតរូប បានធ្វើឡើងនៅមិនឆ្ងាយប៉ុន្មានឡើយ ពីសន្និបាតរបស់គណបក្ស​សាធារណរដ្ឋ ក្នុង​ក្រុង «Cleveland (រដ្ឋអូហៃយ៉ូ ខាងជើងអាមេរិក)» ដើម្បីជ្រើសតាំងលោក ដូណាល់ ត្រាំ (Donald Trump) ឲ្យ​ក្លាយ​ជាបេក្ខជនជាផ្លូវការ សម្រាប់ការបោះឆ្នោត​ប្រធានាធិបតីអាមេរិក។

ប៉ុន្តែផ្ទុយទៅវិញ លោក «Spencer Tunick» ត្រូវការយកទិដ្ឋភាពមហាសន្និបាត នៃការជ្រើសតាំងនោះ ជា​«Plan»​ខាងក្រោយ ដើម្បីថតឲ្យជាប់ នៅក្នុងរូបថតរបស់លោក។

នៅក្នុងអត្ថបទមួយ ដែលពន្យល់ពីកម្មវិធីនេះ របស់លោក «Spencer Tunick» មានសរសេរបរិហារ ពី​​និន្នាការ​មួយចំនួន របស់គណបក្សសាធារណរដ្ឋ [...]

សមិទ្ធិករ​ភាពយន្ដខ្មែរ​វ័យ​ក្មេង ដាវី ជូ ជា​នរណា?

សមិទ្ធិករ​ភាពយន្ដខ្មែរ​វ័យ​ក្មេង ដាវី ជូ ជា​នរណា?

បើគេនិយាយពីសមិទ្ធិករភាពយន្ដខ្មែរ (ឬដើមកំណើតខ្មែរ) ដែលគេស្គាល់ច្រើន នៅលើឆាកអន្តរជាតិ ជា​ពិសេស​នៅ​តាម​ប្រទេសនានា នៅអ៊ឺរ៉ុបខាងលិច និងនៅហូលីវូដ (អាមេរិក) នោះ គេតែងនឹកដល់ភ្លាម ទៅ​ដល់​លោក​ ប៉ាន ឬទ្ធី ដែល​បាន​ផលិត​ចេញ នូវខ្សែរភាពយន្ដជាច្រើន រំលឹកពីអតីតកាលរបស់កម្ពុជា។ គួរឲ្យស្ដាយ ដែល​គេ​មិន​សូវ​​ដែល​​នឹកឃើញ ពីសមិទ្ធិករផ្សេងទៀត ឬសមិទ្ធិករថ្មីៗ ដែលទើបនឹងដុះពន្លកឡើងនោះឡើយ។

ប៉ុន្តែសមិទ្ធិករ​ថ្មីថ្មោងមួយរូបនេះ បានបង្កចំណាប់អារម្មណ៍ កាន់តែច្រើនឡើង សម្រាប់វិស័យសិល្បៈទី៧ នៅ​លើ​ឆាក​អន្តរជាតិ ហើយទស្សនាវដ្ដីមនោរម្យ.អាំងហ្វូ សូមលើកយក ស្នាដៃភាពយន្ដថ្មីមួយរបស់លោក ដែល​មាន​ចំណង​ជើង​ថា «កោះពេជ្រ» មក​ជម្រាបជូន ។ តែចំងល់របស់ប្រិយមិត្ត ច្បាស់ជាចង់សួរថា តើ​ភាពយន្ដ​នេះ ជា​ស្នាដៃសម្រេចបាន​របស់​សិមិទ្ធិករណាមួយ ហើយ​សមិទ្ធិកររូបនេះ ជានរណា។

អ្នកដឹកនាំរឿង និងសមិទ្ធិករ នៃភាពយន្ដរឿង «កោះពេជ្រ» [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...