បណ្ដឹងរំលាយ CNRP៖ ព្រះរាជាយាងសោងក្រយាថ្ងៃត្រង់ នៅក្រោយតុលាការកំពូល
យ៉ាងណា ក៏លោក អ៊ុំ ដារ៉ាវុធ ទីប្រឹក្សាព្រះរាជលេខាធិការដ្ឋាន របស់ព្រះមហាក្សត្រកម្ពុជា បានបញ្ចាក់ថា ព្រះរាជដំណើរនេះ គឺជាកម្មវិធីពិសេស ដែលព្រះអង្គត្រូវយាង ទៅសោយក្រយានៅទីនោះ និងមិនមែនជារឿងចម្លែកទេ។ លោកទីប្រឹក្សាបន្ថែមថា លោកពុំបានដឹង ពីទឹកព្រះទ័យ របស់ព្រះមហាក្សត្រ នៅក្នុងព្រះរាជដំណើរ ចេញក្រៅព្រះរាជវាំងនេះទេ។
ព្រះមហាក្សត្រកម្ពុជា ព្រះបាទ ព្រះករុណា សម្តេចព្រះបរមនាថ នរោត្ដម សីហមុនី និងព្រះវររាជមាតា សម្ដេចព្រះ នរោត្តម មនីនាថ សីហនុ ត្រូវបានគេឃើញទ្រង់ទាំងពីរព្រះអង្គ នៅវេលាថ្ងៃត្រង់នេះ យាងទៅសោយក្រយា នៅក្នុងភោជនីយដ្ឋានមួយ ឈ្មោះ «មាលា» ដែលមានទីតាំងនៅចំ ពីក្រោយតុលាការកំពូល។ គេបានស្គាល់ថា ភោជនីយដ្ឋាននោះជាកម្មសិទ្ធិ របស់ព្រះអង្គម្ចាស់ក្សត្រី នរោត្ដម អរុណរស្មី ដែលជាព្រះរាជកនិដ្ឋា របស់ព្រះមហាក្សត្រ។
