Posts by "សេក មនោរកុមារ"

លទ្ធផលជា​បណ្ដោះអាសន្ន ដែលទទួលបាន នៅយប់ថ្ងៃអាទិត្យនេះ បានខុសពីការស្ទង់មតិ ក្នុងពេលកន្លងមក។ លោក វ្លាឌីមៀរ ពូទីន (Vladimir Poutine) ប្រធានាធិបតីផុតអាណត្តិ នៃប្រទេសរ៉ុស្ស៊ី បានឈប់ឆ្នោតជាថ្មីទៀត ដើម្បីបន្តដឹកនាំប្រទេសមហាអំណាចមួយនេះ បន្ទាប់ពីលោកបាននៅក្នុងតំណែង អស់រយៈពេល១៨ឆ្នាំកន្លងមកហើយ (បីអាណត្តិ)។

ក្នុងល្ងាចថ្ងៃអាទិត្យនេះ បន្ទាប់ពីបានបិទទ្វាការិយាល័យបោះឆ្នោតចុងក្រោយ ដែលស្ថិតនៅភាគខាងលិចបំផុត នៃទឹកដីរ៉ូស្ស៊ី ដែលស្ថិតកណ្ដាលទ្វីបអ៊ឺរ៉ុប (ឧបទ្វីប "Kaliningrad" ជាប់ប្រទេសប៉ូឡូញ) ការស្ទង់មតិ នៃការរាប់សន្លឹកឆ្នោត បានបង្ហាញនូវតួលេខដំបូងថា លោក ពូទីន ទទួលបានសម្លេងឆ្នោត គិតជាភាគរយ ៧៣,៩% ច្រើនជាងសម្លេងឆ្នោត កាលពីឆ្នាំ២០១២ ដែលលោកទទួលបាន ត្រឹមតែ ៦៣,៦%។

ប៉ុន្តែរបាយការណ៍​ នៃការស្ទង់មតិចុងក្រោយ ដែលចេញផ្សាយនៅមុននេះបន្តិច បានតំឡើងតួលេខ នៃសម្លេងឆ្នោត​គាំទ្រលោក ពូទីន រហូតដល់ ៧៦%។ [...]

រូបភាពនៃការវាយប្រហារ ដោយ«ញញួរ» ត្រូវបានទូរទស្សន៍បារាំង «CNews» ទទួលបាន និងយកមកផ្សាយ នៅមុននេះបន្តិច។ ហេតុការណ៍បានកើតឡើង កាលពីល្ងាចម្សិលម៉ិញ នៅលើទីលានខាងមុខ ព្រះវិហារ​កាតូលីក «Notre-Dame» ដ៏ល្បីល្បាញ នៃរដ្ឋធានីប៉ារីស ដែលសម្បូរពោរពាស ដោយទេសចរណ៍។ ជនសង្ស័យ មានអាយុ ៤០ឆ្នាំ បានប្រកាសដោយខ្លួនឯងថា ជា«យុទ្ធជនម្នាក់ នៃទឹកដីព្រះជាម្ចាស់» ដែលជាភាសាមួយ តែងតែត្រូវបានយកមកប្រើ ដោយបណ្ដាភេរវជន របស់អង្គការភេរវនិយម ក្រុមរដ្ឋអ៊ីស្លាម។

ជនសង្ស័យ ដែលកាន់អត្តសញ្ញាណបណ្ណ ជានិស្សិតមកពីប្រទេសអាល់ហ្សេរី បានស្រែកឡើង នៅពេលធ្វើសកម្មភាពនោះថា «ដើម្បីប្រទេសស៊ីរី»។ នេះ បើតាមការលើកឡើង របស់រដ្ឋមន្ត្រីមហាផ្ទៃបារាំង លោក ហ្សេរ៉ា កូឡំ (Gérard Collomb) បន្ទាប់ពីលោកបានមកដល់ផ្ទាល់ នឹងកន្លែងកើតហេតុ កាលពីយប់ម្សិលម៉ិញ។ លោករដ្ឋមន្ត្រី បានថ្លែងឡើងថា៖ «បើតាមការសង្កេត ជាជំហានដំបូង ជននេះបានធ្វើសកម្មភាព [...]