• អ្នកជំនាញ អ.ស.ប បរិហាររដ្ឋាភិបាល​បារាំងថា បាន​រឹតត្បិត​សិទ្ធិធ្វើ​បាតុកម្ម

    សិទ្ធិធ្វើបាតុកម្មក្នុងប្រទេសបារាំង «រងការរឹតត្បិត ដោយគ្មានតុល្យភាពត្រឹមត្រូវ» នេះបើតាមការអះអាងឡើង ក្នុងរបាយការណ៍មួយ របស់ក្រុមអ្នកជំនាញឯករាជ្យ នៃអង្គការសហប្រជាជាតិ (អ.ស.ប) ដែលចេញផ្សាយកាលពីថ្ងៃទី១៤ ខែកុម្ភៈ ឆ្នាំ២០១៩នេះ ដើម្បីវាយតម្លៃ ពីបាតុកម្ម​រយៈពេល​៣ខែកន្លងមក នៃក្រុមអាវកាក់លឿងបារាំង។ របាយការណ៍របស់អ្នកជំនាញទាំងនោះ បានលើកឡើងថា៖ «អាជ្ញាធរ[បារាំង] គួរគិតឡើងវិញ ពីគោលនយោបាយរបស់ខ្លួន ដោយត្រូវរក្សាសណ្ដាប់ធ្នាប់ ក្នុងគោលដៅធានាឲ្យបាន នូវការអនុវត្តសិទ្ធិសេរីភាពរបស់ពលរដ្ឋ។» «តាំងពីចលនាបាតុកម្ម [របស់ក្រុមអាវកាក់លឿង] បានចាប់ផ្ដើមដំបូង នៅខែវិច្ឆិកា ឆ្នាំ២០១៨មកនោះ យើងបានទទួលរបាយការណ៍ដ៏ធ្ងន់ធ្ងរ ជាច្រើនករណី ពីការប្រើប្រាស់កម្លាំងជ្រុលហួសហេតុ។ បណ្ដាជនច្រើនជាង ១៧០០នាក់ បានរងរបួស នៅក្នុងបាតុកម្មដែលត្រូវបានរៀបចំធ្វើ នៅទូទាំងប្រទេស។» ...
  • ក្រុមអាវកាក់​លឿងបារាំង​ជាង​១ម៉ឺននាក់ បន្តបាតុកម្ម​«លើកទី១៤»

    បាតុករអាវកាក់លឿង ប្រមាណជា១០២០០នាក់ នៅក្នុងប្រទេសបារាំង ក្នុងនោះ ៣០០០នាក់ នៅរដ្ឋធានីប៉ារីស បានបន្តបាតុកម្ម«លើកទី១៤» របស់ពួកគេជាបន្តទៀត នៅក្នុងថ្ងៃសៅរ៍ទី១៦ ខែកុម្ភៈ ឆ្នាំ២០១៩នេះ។ នេះ បើតាមតួលេខ ផ្ដល់ដោយក្រសួងមហាផ្ទៃបារាំង ក្នុងល្ងាចថ្ងៃសៅរ៍ដដែល។ ប៉ុន្តែតួលេខខាងលើ ត្រូវបានក្រុមអាវកាក់លឿង បដិសេធ ដោយក្រុមនេះបានគិតថា អ្នកចូលរួមអាចមានចំនួនច្រើនជាង។ តួលេខរបស់ក្រសួង បង្ហាញថាចំនួនអ្នកចូលរួមបាតុកម្ម របស់ក្រុមអាវកាក់លឿង មានការថយចុះ បើប្រៀបធៀបទៅចុងសប្ដាហ៍កន្លងទៅ។ នៅម៉ោងដូចគ្នា បាតុករអាវកាក់លឿង កាលពីថ្ងៃសៅរ៍មុន មានចំនួនប្រមាណជា ១២ ១០០នាក់ (ក្នុងនោះ ៤០០០នាក់ នៅរដ្ឋធានីប៉ារីស)។ បាតុកម្ម«លើកទី១៤»នេះ ...
  • វាយប្រហារ​ដោយ​ទឹកអាស៊ីត ក្នុងរថភ្លើងក្រោមដី នៅ​ប៉ារីស

    ក្នុងពេលព្រហាម ព្រឹកថ្ងៃសុក្រនេះ ការវាយ​ប្រហារ ដោយ​ទឹកអាស៊ីត​មួយ បានកើតឡើង ក្នុងរថភ្លើងក្រោមដី ខ្សែលេខ១ នៃរដ្ឋធានីប៉ារីស រវាងស្ថានីយ៍បាស្ទីយ៍ (Bastille) និង ហ្គារឌឺលីយ៉ុង (Gare de Lyon)។ បើតាមសេចក្ដីរាយការណ៍ របស់ទូរទស្សន៍បារាំង «France 3» ដែលស្រង់ប្រភពពីនគរបាល បានឲ្យដឹងថា ការវាយប្រហារនោះ បានកើតឡើងបន្ទាប់ពីមានជម្លោះ រវាងជនពីរនាក់ ដែលមិនមានផ្ទះសម្បែងពិតប្រាកដ (SDF)។ ជនដៃដល់បានគេចខ្លួន តែកិច្ចអន្តរាគមន៍​ពីសំណាក់កម្លាំងនគរបាល នៅ«ក្នុងរថភ្លើងក្រោមដី» ត្រង់ស្ថានីយ៍ ហ្គាឌឺលីយ៉ុង កំពុងប្រព្រឹត្តិទៅនៅឡើយ ដើម្បីតាមស្វែងរកជននោះ។ ការស៊ើបអង្កេតមួយ ត្រូវបានបើកធ្វើ ...
  • បារាំងហៅ«ឯកអគ្គរដ្ឋទូតខ្លួន»​ពីអ៊ីតាលី បន្ទាប់​ពីរង​ការវាយប្រហារ​ផ្ទួនៗ

    ក្រសួងការបរទេសបារាំង បានប្រកាសនៅថ្ងៃព្រហស្បត្តិ៍នេះ ថាបានហៅ«ឯកអគ្គរដ្ឋទូតខ្លួន» ពីប្រទេសអ៊ីតាលីមកវិញ បន្ទាប់ពីមេដឹកនាំអ៊ីតាលីច្រើននាក់ បានធ្វើការវាយប្រហារ​តាមពាក្យសំដី ប្រឆាំងប្រទេសបារាំង ម្ដងហើយម្ដងទៀត។ អ្នកនាំពាក្យក្រសួងការបរទេសបារាំង អ្នកស្រី «Agnès von der Mühll» បានថ្លែងឡើង ក្នុងសេចក្ដីប្រកាសព័ត៌មានមួយថា៖ «រឿងបែបនេះ មិនធ្លាប់មានពីមុនមកទេ រាប់ចាប់តាំងពីសង្គ្រាមលោកបានបញ្ចប់ (…) ការជ្រៀតជ្រែកចុងក្រោយបង្អស់នេះ បង្កើតនូវការបង្ករឿងបន្ថែមទៀត និងមិនអាចទទួលយកបាន។»  សេចក្ដីប្រកាសព័ត៌មាន បានបន្តថា៖ «តាំងពីច្រើនខែមកហើយ ប្រទេសបារាំងបានក្លាយជាផ្ទាំងស៊ីប នៃការចោទប្រកាន់ ម្ដងហើយម្ដងទៀត ដែលមានលក្ខណៈ​ជាការវាយប្រហារ ដែលគ្មានមូលដ្ឋានគ្រឹះ ជាការប្រកាសសំដី ​ដែលបង្កជម្លោះ។» ការហៅ«ឯកអគ្គរដ្ឋទូតខ្លួន»ត្រឡប់មកវិញនេះ ធ្វើឡើងក្នុងលក្ខណៈ​ជា«ការពិគ្រោះ» ដែលបង្ហាញពីការតវ៉ា ...
  • «គ្រោះអគ្គិភ័យ»​នៅប៉ារីស​សម្លាប់មនុស្ស​១០នាក់ – សង្ស័យ​មានអ្នកដុត

    មនុស្ស១០នាក់ បានស្លាប់ និងជាង៣០នាក់ផ្សេងទៀត បានរងរបួស នៅក្នុង«គ្រោះអគ្គិភ័យ»ដ៏ខ្លាំងមួយ កាលពីវេលាទៀបភ្លឺព្រឹកម៉ិញ ដែលបានឆេះកម្ទេចមួយផ្នែក នៃអាគារលំនៅដ្ឋានមួយ ក្នុងសង្កាត់ទី១៦ នៃរដ្ឋធានីប៉ារីស ប្រទេសបារាំង។ នេះ បើតាមតុល្យភាពបណ្ដោះអាសន្ន ដែលផ្ដល់ដោយក្រុមអ្នកជួយសង្គ្រោះ។ ការស៊ើបអង្កេត ក្នុងជំហ៊ានដំបូងបានឲ្យដឹងថា «គ្រោះអគ្គិភ័យ»ខាងលើ​ទំនងជាមានមនុស្សដុត។ បន្ទាប់ពីអគ្គិភ័យត្រូវបានរំលត់ លោក «Rémy Heitz» រដ្ឋអាជ្ញានៃសាធារណរដ្ឋ ប្រចាំរដ្ឋធានីប៉ារីស បានអះអាងថា​ អ្នករស់នៅក្នុងអគារនោះម្នាក់ ត្រូវបានចាប់ខ្លួន និងបញ្ជូនទៅឃុំ។ លោកថា៖ «មនុស្សម្នាក់ត្រូវបានឃាត់ខ្លួន។ ជននោះជាស្រី ហើយកំពុងបញ្ជូនទៅឃុំខ្លួន។» ការិយាល័យអយ្យការនៃរដ្ឋធានី ប៉ារីស បានប្រកាសដែរថា ការស៊ើបអង្កេតមួយ ...
  • អតីត​រដ្ឋមន្ត្រី​មហាផ្ទៃ​បារាំង ត្រូវតុលាការ​ផ្តន្ទាទោស ឲ្យ​ជាប់គុក​១ឆ្នាំ

    លោក ក្លូដ ហ្គេអង់ (Claude Guéant) អតីត​រដ្ឋមន្ត្រី​មហាផ្ទៃ​បារាំង និងជាអតីតដៃស្ដាំ របស់ប្រធានាធិបតីបារាំង លោក នីកូឡា សាកូហ្សី (Nicolas Sarkozy) ត្រូវបានតុលាការកំពូល សម្រេចតម្កល់សាលក្រម របស់តុលាការជាន់ទាប (សាលាឧទ្ធរណ៍) ដោយផ្ដន្ទាទោសរូបលោក ឲ្យជាប់ពន្ធនាគារពីរឆ្នាំ ក្នុងនោះមួយឆ្នាំត្រូវព្យួរទោស។ លោក ហ្គេអង់ ដែលឡើងធ្វើរដ្ឋមន្ត្រីមហាផ្ទៃ រវាងពីខែកុម្ភៈ ឆ្នាំ២០១១ មកដល់ខែឧសភា ឆ្នាំ២០១២ ត្រូវបានរកឃើញ ថាមានជាប់ពាក់ព័ន្ធ នឹងការលើក​ទឹកចិត្ត​ មន្ត្រី​​ក្រោមបង្គាប់ ដោយផ្ដល់ជាប្រាក់សុទ្ធ នៅក្នុងក្រសួងមហាផ្ទៃ។ សាលាឧទ្ធរណ៍បារាំង បានសម្រេចក្ដី ...