Posts tagged as "Khieu Kanharith"

«កាសែត​ឬ​គេហទំព័រ អាច​បើក​បាន​ដោយ​ស្រប​ច្បាប់ បើ​ក្រសួង​មិន​ឆ្លើយ​តប»

«កាសែត​ឬ​គេហទំព័រ អាច​បើក​បាន​ដោយ​ស្រប​ច្បាប់ បើ​ក្រសួង​មិន​ឆ្លើយ​តប»

បើតាមការថ្លែង របស់រដ្ឋមន្ត្រីព័ត៌មាន លោក ខៀវ កាញារីទ្ធ ការឆ្លើយតបរបស់ក្រសួងព័ត៌មាន ត្រូវធ្វើក្នុងរយៈពេល ៣០ថ្ងៃ ឬបើមិនដូច្នេះទេ កាសែត ឬគេហទំព័រ អាចបើកដំណើរការរបស់ខ្លួន បានដោយស្របច្បាប់ហើយ។

លោករដ្ឋមន្ត្រីបានសរសេរ នៅលើគណនី​ហ្វេសប៊ុក​របស់លោក ក្នុងថ្ងៃអង្គារ ទី១៤ ខែសីហា ឆ្នាំ២០១៨នេះថា៖ «មានអ្នកមកតវ៉ារឿងយឺតយ៉ាវ អនុញ្ញាតឲ្យបើកកាសែត ឬគេហទំព័រ។ សូមជំរាបថា បើក្រសួងព័ត៌មានមិនបានឆ្លើយតប ក្នុង ៣០ ថ្ងៃ គឺអាចដំណើរការស្របច្បាប់បាន (ច្បាប់ស្តីពីរបបសារព័ត៌មាន) ដោយគ្រាន់តែទុកថ្ងៃខែទទួលសំណុំឯកសារ ជាភស្តុតាងទៅបានហើយ។»។

លោកបន្ថែមថា៖ «ទន្ទឹមនេះ សូមអធ្យាស្រ័យផងចុះ ព្រោះឯកសារមិនដែលនៅលើតុខ្ញុំ លើសពី ២៤ ម៉ោងទេ»។

 

យ៉ាងណា [...]

«ដង្កូវ​ក្នុង​សាច់?»

«ដង្កូវ​ក្នុង​សាច់?»

ប្រសិនជាការរិះគន់ កើតមាន​ជារឿយៗ ជុំវិញការប្រើប្រាស់យានជំនិះ ឬមធ្យោបាយរបស់រដ្ឋ ដែលសឹងមានលក្ខណៈជាប្រព័ន្ធ ដើម្បីចុះឃោសនា​រកសម្លេងឆ្នោត ឲ្យគណបក្ស​កាន់​អំណាច​នោះ លោក ខៀវ កាញារីទ្ធ រដ្ឋមន្ត្រីក្រសួងព័ត៌មានឯណេះ ហាក់ចង់​បន្ទោស​ករណីនេះ ទៅបុគ្គល​ផ្ទាល់ខ្លួនទៅវិញ។

នៅព្រឹកថ្ងៃពុធ ទី១១ ខែកក្កដានេះ លោកបានបង្ហោះ​រូបថតមួយសន្លឹក បង្ហាញពីរថយន្ដមួយគ្រឿង របស់ស្ថាប័ននគរបាលជាតិ (ទោះជា​រថយន្ដ​ឯកជន​ក៏ដោយ) ដែលមានបិទរូបសញ្ញា អក្សរ និងពាក់ស្លាកលេខ នគរបាល តែមានបិទផ្លាក​គណបក្សប្រជាជនកម្ពុជា នៅពីលើកញ្ចក់។

អមនឹងរូបថតនោះ លោក ខៀវ កាញារីទ្ធ បានសរសេរហៅមនុស្ស អ្នកប្រើប្រាស់យានយន្ដនោះ ថាជាមនុស្ស​«មិនឆ្លាត»។ លោកសរសេរថា៖ «មនុស្សល្ងង់ខ្លៅ នាំគេប្រមាថដល់បក្ស»។

នៅក្នុងផ្នែកដាក់មតិយោបល់ លោករដ្ឋមន្ត្រីហាក់​មិនគ្រាន់​តែ​បន្ទោស​ករណី​នេះ ទៅលើបញ្ហាបុគ្គល ជាអ្នកប្រើប្រាស់រថយន្ដនោះទេ។ [...]

«ក្រុម​បន្លំ​ខ្លួន​ជា​កង​រំដោះ​ទាំង​នេះ ត្រូវ​សម្លាប់​ចោល​ទាំង​អស់»

«ក្រុម​បន្លំ​ខ្លួន​ជា​កង​រំដោះ​ទាំង​នេះ ត្រូវ​សម្លាប់​ចោល​ទាំង​អស់»

រូបថតមួយសន្លឹកនេះ ត្រូវបានថតនៅខាងមុខ ក្រសួងឃោសនាការ (អាគារនៅក្បែរវត្តភ្នំ) នៅថ្ងៃដែលក្រុមខ្មែរក្រហម បានឈ្នះសង្គ្រាម និងចូលកាន់កាប់ជាស្ថាពរ រាជធានីភ្នំពេញ ដែលជាបន្ទាយចុងក្រោយ របស់រដ្ឋាភិបាលនៃសាធារណរដ្ឋខ្មែរ។ ប៉ុន្តែមនុស្សប៉ុន្មាននាក់ នៅក្នុងរូបថត ដែលស្លៀកពាក់​ពណ៌​គគី ជាទាហានទាំងនេះ ត្រូវបានម្ចាស់រូបថត គឺលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន អះអាងថា ជាក្រុមមនុស្សបន្លំ ជាកងទ័ពរំដោះ។

លោករដ្ឋមន្ត្រី បានសរសេរបញ្ជាក់ថា នៅវេលាល្ងាចថ្ងៃទី១៧ ខែមេសា ឆ្នាំ១៩៧៥នោះ ក្រុមមនុស្សទាំងប៉ុន្មាននាក់ខាងលើ ត្រូវបានខ្មែរក្រហមសម្លាប់ចោលទាំងអស់។

 

មនុស្សវ័យចំណាស់មួយរូប ដែលបានឃើញរូបថតនេះ បានលើកឡើងថា [...]

រដ្ឋមន្ត្រី​ព័ត៌មាន​ត្អូញ​មិន​បាន​ដើរ​លេង​ចូល​ឆ្នាំថ្មី

រដ្ឋមន្ត្រី​ព័ត៌មាន​ត្អូញ​មិន​បាន​ដើរ​លេង​ចូល​ឆ្នាំថ្មី

បើស្ដាប់មួយភ្លែត ជារឿង​គួរឲ្យ​កំសត់​ណាស់! បើនិយាយម្យ៉ាងទៀត វាជា «ភារកិច្ច» នៅក្នុងប្រព័ន្ធផ្សព្វផ្សាយ។ ហើយសឹងតែ នៅគ្រប់ប្រព័ន្ធផ្សព្វ​ផ្សាយ​ទូទៅ នៅលើពិភពលោក មិនត្រូវបានបិទទ្វា នៅថ្ងៃបុណ្យឈប់សម្រាកទេ។ តែសម្រាប់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានធ្វើការត្អូញ​ត្អែរ ដោយធ្វើការភ្ជាប់ «ភារកិច្ច» របស់ផងខ្លួន ទៅនឹង«​ការលះបង់» ដែលមិនបានទៅដើរកំសាន្ដបុណ្យចូលឆ្នាំ ដូចគេឯង។

បុរសខ្លាំងផ្នែកឃោសនាការ របស់រដ្ឋាភិបាលកម្ពុជារូបនេះ បានសរសេរនៅលើគណនីហ្វេសប៊ុក របស់លោក កាលពីប៉ុន្មានម៉ោងមុនថា៖ «ជាង​ ២០​ ឆ្នាំ​ហើយ​ ដែល​មិន​ដែល​បាន​ ទៅ​កំសាន្ត​ចូលឆ្នាំ​នឹង​គេ​ ព្រោះ​ត្រូវ​ចាំ​មើល​ការ​ផ្សាយ​ពេល​បុណ្យ​។ ល្ងាច​ថ្ងៃ​ទី​ ១៣​ មេសា​នេះ​ មក​សាក​សួរ​បង​ប្អូន​ ដែល​នៅ​ប្រចាំ​ការ​ស្ថានីយ​ទូរទស្សន៍​ ទទក​។»។

លោករដ្ឋមន្ត្រី​បានសរសេរ​ពាក្យត្អូញត្អែរ ដោយភ្ជាប់មកជាមួយ [...]

ទ្រាំលែង​បាន! រដ្ឋមន្ត្រី​ព័ត៌មាន​ជេរ​«ម្រាយ»​អ្នក​សុំ​លុយ​លោក

ទ្រាំលែង​បាន! រដ្ឋមន្ត្រី​ព័ត៌មាន​ជេរ​«ម្រាយ»​អ្នក​សុំ​លុយ​លោក

ត្រូវប្រយ័ត្នប្រយែង ឲ្យខ្លាំងឡើង... ជាពិសេសចំពោះនរណាម្នាក់ ដែលចង់សុំប្រាក់ ពីរដ្ឋមន្ត្រីក្រសួងព័ត៌មាន។ ព្រោះបើមិនដូច្នេះទេ អ្នកនោះអាចនឹងជួប«យក្ស» ដោយការជេរ«ម្រាយ»ជាដើម។

បុរសខ្លាំងផ្នែកឃោសនាការ និងព័ត៌មាន តាំងពីជំនាន់​សាធារណររដ្ឋ​ប្រជាមានិត​កម្ពុជា លោក ខៀវ កាញារីទ្ធ បានសំដែងក្ដីក្រេវក្រោធ នៅមុននេះបន្តិច តាមគណនីហ្វេសប៊ុករបស់លោក ដោយ​ប្រតិកម្មទៅ «អាអ្នកសុំលុយ» ពីលោក ដោយសារជននោះ បានផ្ញើរសារមកតន្ថើនលោក ឲ្យផ្ញើរលុយទៅឲ្យ។

លោក បានសរសេរថា៖ «ថ្ងៃនេះ សុំចេញយក្សម្តង ព្រោះមនុស្ស​កាន់តែខ្វះ​សុជីវធម៌ទៅៗ។ តាំងពីព្រឹក ការងារដូចភ្នំ ភ្ញៀវតកន្ទុយ ទើបអង្គុយដកដង្ហើមបន្តិច ស្រាប់តែឃើញអាអ្នកសុំលុយ ផ្ញើសារមកស្តីឲ្យថា ម៉េចក៏មិនបញ្ជូនលុយឲ្យ»។

រដ្ឋមន្ត្រីព័ត៌មាន បានធ្លាយកំហឹងឡើងថា៖ «ម្រ៉ាយវា! សុំលុយឯងហើយ ឲ្យផ្ញើទៅថ្វាយវាទៀត?»។



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...