Posts tagged as "Media"

«អ្នក​កាសែត "Khashoggi" ត្រូវ​បាន​ច្របាច់ក​សម្លាប់​នៅ​ក្នុង​ស្ថាន​ភារធារី និង​កាត់​បំបែក​សព»

«អ្នក​កាសែត "Khashoggi" ត្រូវ​បាន​ច្របាច់ក​សម្លាប់​នៅ​ក្នុង​ស្ថាន​ភារធារី និង​កាត់​បំបែក​សព»

ជាឃាតកម្មដ៏សាហាវមួយ ដែលធ្វើឡើង ទៅលើជនជាតិខ្លួនឯង នៅក្នុងស្ថានភារធារី (ការិយាល័យសាខាមួយ របស់ស្ថានទូត) នៃប្រទេសអារ៉ាប៊ីសាអ៊ូឌីត ប្រចាំក្នុងក្រុង អ៊ីស្តាំប៊ូល ប្រទេសតួរគី។ នេះ បើតាមការប្រកាសឲ្យដឹង ពីសំណាក់រដ្ឋអាជ្ញាតួរគី ប្រចាំនៅក្រុងអ៊ីស្តាំប៊ូល នៅល្ងាចថ្ងៃពុធ ទី៣១ ខែតុលានេះ។

លោករដ្ឋអាជ្ញាបានពន្យល់ ក្នុងសេចក្ដីប្រកាសព័ត៌មានមួយថា ការបញ្ចេញឲ្យដឹង ពីអ្វីដែលខ្លួនបានស៊ើបអង្កេតរកឃើញ ធ្វើឡើងជា«ការចាំបាច់» ដើម្បីជាពន្លឺតបនឹងការស៊ើបអង្កេត ដែលមិនមានលទ្ធផល ជាដុំកំភួន ពីសំណាក់រាជអាជ្ញាកំពូល មកពីប្រទេសអារ៉ាប៊ីសាអ៊ូឌីត  កាលពីពេលថ្មីៗនេះ។

សេចក្ដីប្រកាសព័ត៌មាន បានសរសេរថា៖ «ដោយមានគម្រោងប៉ុនប៉ងទុកជាមុន ជនរងគ្រោះ "Jamal Khashoggi" ត្រូវបានច្របាច់កសម្លាប់ ចាប់ពីពេលដែលជនរងគ្រោះ បានចូលទៅដល់ក្នុងស្ថានភារធារីភ្លាម។ (...) សាកសពជនរងគ្រោះ ត្រូវបានកាប់បំបែកជាដុំៗ មុននឹងយកទៅបោះចោល [...]

តុលាការភូមាផ្ដន្ទាទោសអ្នកកាសែតពីរនាក់ ដាក់គុក៧ឆ្នាំ

តុលាការភូមាផ្ដន្ទាទោសអ្នកកាសែតពីរនាក់ ដាក់គុក៧ឆ្នាំ

សាលក្រម នៃតុលាការភូមា ដែលទទួលបានការយកចិត្តទុកដាក់ ពីសាធារណៈមតិជាតិ និងអន្តរជាតិនោះ នឹងប៉ះពាល់ដល់រូបភាព នៃប្រទេសភូមាថ្មី ជាពិសេសប៉ះពាល់ដល់រូបភាព នៃមេដឹកនាំថ្មី ដែលជាម្ចាស់ពានរង្វាន់ណូបែលសន្តិភាព អ្នកស្រី អ៊ុងសាន ស៊ូជី។ សហគមន៍អន្តរជាតិ ជាពិសេសអង្គការសហប្រជាជាតិ សហរដ្ឋអាមេរិក និងសហភាពអ៊ឺរ៉ុប សុទ្ធតែទាមទារឲ្យដោះលែង អ្នកសារព័ត៌មានទាំងពីរ។

អ្នកកាសែតទាំងពីរ ដែលធ្វើការឲ្យទីភ្នាក់ងារព័ត៌មាន រ៉យទ័រ (Reuters) ម្នាក់ឈ្មោះ វ៉ា ឡូន (Wa Lone) អាយុ៣២ឆ្នាំ និងម្នាក់ទៀត ឈ្មោះ គីអាវ សូអូ (Kyaw Soe Oo) អាយុ២៨ឆ្នាំ ត្រូវបានចាប់ខ្លួន នៅភាគខាងជើងប្រទេស ក្នុងខែធ្នូ ឆ្នាំ២០១៧។ ពួកគេបានធ្វើអង្កេត ពីតួនាទីរបស់អាជ្ញាធរភូមា នៅក្នុងការកាប់សម្លាប់ ទៅលើជនជាតិ រ៉ូហ៊ីនយ៉ា ចំនួន១០នាក់ នៅក្នុងភូមិមួយ ស្ថិតក្នុងរដ្ឋ រ៉ាក់ឃីន (Rakhine)។

ពួកគេបានអះអាងថា ពួកគេត្រូវបានបញ្ជោត ឲ្យជាប់អន្ទាក់ [...]

អតីត​អ្នក​កាសែត​អាស៊ីសេរីទាំង​ពីរ​រូប ត្រូវ​បាន​ដោះលែង

អតីត​អ្នក​កាសែត​អាស៊ីសេរីទាំង​ពីរ​រូប ត្រូវ​បាន​ដោះលែង

រដូវកាលនៃការដោះលែង... បានកើតមានឡើង បន្ទាប់ពីការបោះឆ្នោតជាតិ បានបញ្ចប់។ អតីតអ្នកសារព័ត៌មាន របស់វិទ្យុអាស៊ីសេរី ចំនួនពីររូប ដែលរងការចោទប្រកាន់ថា «ប្រគល់ឲ្យរដ្ឋបរទេស នូវព័ត៌មានជាអាទិ៍ ដែលនាំឲ្យអន្ដរាយ ដល់ការការពារជាតិ» នោះ ត្រូវបានដោះលែង ឲ្យនៅក្រៅឃុំ ជាបណ្ដោះអាសន្ន នៅល្ងាចថ្ងៃអង្គា ទី២១ ខែសីហានេះ។

លោក អ៊ួន ឈិន និងលោក យាង សុធារិន្ទ ត្រូវបានសាលាដំបូងរាជធានីភ្នំពេញ សម្រេចដោះលែងឲ្យនៅក្រៅឃុំ បន្ទាប់ពីបានជាប់ឃុំ អស់រយៈពេលជាង ៨ខែមកនោះ។ នេះ បើតាមការអះអាង របស់អ្នកនាំពាក្យស្ថាប័នយុត្តិធម៌រាជធានី លោក អ៊ី រិន្ទ កាលពីមុននេះបន្តិច។

លោកទាំងពីរ ត្រូវបានឃាត់ខ្លួន នៅយប់​ ថ្ងៃអង្គារ ទី១៤ ខែវិច្ឆិកា ឆ្នាំ២០១៧ ក្រោមបទចោទ​មិនច្បាស់លាស់ មុននឹងរងការចោទ ​ជាបន្តបន្ទាប់ ថាបាន «លួចផលិតព័ត៌មាន» [...]

«កាសែត​ឬ​គេហទំព័រ អាច​បើក​បាន​ដោយ​ស្រប​ច្បាប់ បើ​ក្រសួង​មិន​ឆ្លើយ​តប»

«កាសែត​ឬ​គេហទំព័រ អាច​បើក​បាន​ដោយ​ស្រប​ច្បាប់ បើ​ក្រសួង​មិន​ឆ្លើយ​តប»

បើតាមការថ្លែង របស់រដ្ឋមន្ត្រីព័ត៌មាន លោក ខៀវ កាញារីទ្ធ ការឆ្លើយតបរបស់ក្រសួងព័ត៌មាន ត្រូវធ្វើក្នុងរយៈពេល ៣០ថ្ងៃ ឬបើមិនដូច្នេះទេ កាសែត ឬគេហទំព័រ អាចបើកដំណើរការរបស់ខ្លួន បានដោយស្របច្បាប់ហើយ។

លោករដ្ឋមន្ត្រីបានសរសេរ នៅលើគណនី​ហ្វេសប៊ុក​របស់លោក ក្នុងថ្ងៃអង្គារ ទី១៤ ខែសីហា ឆ្នាំ២០១៨នេះថា៖ «មានអ្នកមកតវ៉ារឿងយឺតយ៉ាវ អនុញ្ញាតឲ្យបើកកាសែត ឬគេហទំព័រ។ សូមជំរាបថា បើក្រសួងព័ត៌មានមិនបានឆ្លើយតប ក្នុង ៣០ ថ្ងៃ គឺអាចដំណើរការស្របច្បាប់បាន (ច្បាប់ស្តីពីរបបសារព័ត៌មាន) ដោយគ្រាន់តែទុកថ្ងៃខែទទួលសំណុំឯកសារ ជាភស្តុតាងទៅបានហើយ។»។

លោកបន្ថែមថា៖ «ទន្ទឹមនេះ សូមអធ្យាស្រ័យផងចុះ ព្រោះឯកសារមិនដែលនៅលើតុខ្ញុំ លើសពី ២៤ ម៉ោងទេ»។

 

យ៉ាងណា [...]

របប ហ៊ុន សែន រាំង​ខ្ទប់​១៧គេហទំព័រ​មិន​ឲ្យ​ដំណើរការ​ មុន​និង​ក្នុង​​ថ្ងៃ​បោះឆ្នោត

របប ហ៊ុន សែន រាំង​ខ្ទប់​១៧គេហទំព័រ​មិន​ឲ្យ​ដំណើរការ​ មុន​និង​ក្នុង​​ថ្ងៃ​បោះឆ្នោត

បើទោះជារងការរិះគន់ ពីការរិតត្បិតសិទ្ធិសេរីភាព ផ្នែកសារព័ត៌មានក៏ដោយ តែរបបដឹកនាំរបស់នាយករដ្ឋមន្ត្រីចាស់វស្សា នៅកម្ពុជា មិនញញើតញញើម ក្នុងការរិតត្បិតលើប្រព័ន្ធផ្សព្វផ្សាយ បន្ថែមទៀតឡើយ។ គេហទំព័ររបស់ស្ថាប័នសារព័ត៌មាន រួមនឹងគេហទំព័ របស់គណបក្សប្រឆាំង សរុបចំនួន១៧ស្ថាប័ន រាប់ទាំងគេហទំព័ររបស់ទស្សនាវដ្ដី មនោរម្យ.អាំងហ្វូ (MONOROOM.info) ផង ត្រូវបានរាំងខ្ទប់ មិនឲ្យដំណើរការ នៅក្នុងប្រទេសកម្ពុជា ចាប់ពីថ្ងៃសៅរិ៍ទី២៨ ខែកក្កដានេះ រហូតដល់ថ្ងៃអាទិត្យ ទី២៩ ខែកក្កដា ដែលជាថ្ងៃបោះឆ្នោតជាតិ។

ស្ថាប័នផ្សព្វផ្សាយ ដែលជាម្ចាស់គេហទំព័ររងគ្រោះ ព្រោះការសម្រេច របស់រដ្ឋាភិបាលក្រុងភ្នំពេញ ត្រូវបានគេស្គាល់ថា ជាស្ថាប័នសារព័ត៌មាន​ឯករាជ្យ ទាំងក្នុងនិងក្រៅស្រុក ដែលតែងផ្ដល់ព័ត៌មានសុក្រិត និងស៊ីជម្រៅ ដូចយ៉ាង វិទ្យុសម្លេងសហរដ្ឋអាមេរិក (khmer.voanews.com) វិទ្យុសម្លេងអាស៊ីសេរី (rfa.org/khmer) [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...