មូលហេតុទាំង៨ នៃការកកស្ទះចរាចរណ៍ក្នុងរាជធានីភ្នំពេញ
ក្នុងគម្រោងជាច្រើនរបស់រដ្ឋាភិបាល ក្នុងការអភិវឌ្ឍន៍រាជធានីភ្នំពេញសព្វថ្ងៃ ដែលរួមមាន ទាំងការកាត់ស្រុក និងឃុំខ្លះ ពីខេត្តកណ្ដាល ដើម្បីយកមកដាក់បញ្ចូល និងពង្រីកផ្ទៃកក្រឡាទីក្រុង បានសរអោយឃើញថាចំនួនប្រជាជន អ្នករស់នៅ អ្នកធ្វើការ និងអ្នករកទទួលទាន មានចំនួនកាន់តែច្រើនឡើងៗ ពីមួយថ្ងៃទៅមួយថ្ងៃ។
នៅក្រោយពេលប្រទេសកម្ពុជា បានប្រែក្លាយជារាជាណាចក្រប្រកាន់របបទីផ្សារសេរី រាជធានីភ្នំពេញ ក៏បានក្លាយជា កន្លែងប្រមូលផ្ដុំ នូវគ្រប់ស្ថាប័នជាតិ រដ្ឋ ឬឯកជន ហាងលក់ទំនិញ យាន្ដដ្ឋាន ឬឃ្លាំងផ្ទុកទំនិញ សព្វគ្រប់បែបយ៉ាង។ ទាំងនេះហើយ ដែលរាជធានីភ្នំពេញសព្វថ្ងៃ បានកំពុងនឹងប្រឈមយ៉ាងខ្លាំងក្លា នូវបញ្ហាការកកស្ទះចរាចរណ៍ ដែល កើតមានសឹងជារៀងរាល់ថ្ងៃ ជាពិសេសនៅពេលម៉ោងដែលមនុស្សម្នា នាំគ្នាចេញទៅ [...]
