Posts tagged as "Crime"

ជនជាប់ចោទស្រី ដែលមាននៅជាប់ជាមួយ នូវកាំភ្លើងចំនួន៩ដើមផងនោះ ត្រូវបានសង្ស័យថា បានប្រព្រឹត្តិ​ចោរកម្ម ជាមួយនឹងក្មេងជំទង់បីនាក់ទៀត អាយុ១៣ ១៥ និង១៧ឆ្នាំ។ បទចោទប្រកាន់ ដែលតុលាការបាន​រកឃើញ ហើយចោទប្រកាន់ទៅលើនាង មានចំនួនរហូត​ដល់ទៅ ១០៨ករណី ដែលក្នុងនោះមាន​ការគាស់​ផ្ទះ​ដោយប្រើកម្លាំង លួច ឆក់ និងលាក់អាវុធខុសច្បាប់។

មេធាវីរបស់នាង ស្តេហ្វានី បានពន្យល់ប្រាប់សារព័ត៌មាន ម៉ុងរ៉េអាល់ (Journal de Montréa) ថា៖ «ជាសំនុំ​រឿងដ៏អស្ចារ្យមួយ។ គេបានផ្ទេរមកឲ្យខ្ញុំ នូវសំនុំរឿងដែលមានកម្រាស់ជាង ៣០សង់ទីម៉ែត្រ។»

ប្រសិនបើសំនុំរឿងនេះ បានបង្កឲ្យមានការភ្ញាក់ផ្អើលពេញទាំងបស្ចឹមលោក ក៏ព្រោះតែរូបរាងដ៏ស៊ិច​ស៊ី​របស់​នាង ដែលគេមិនដែលធ្លាប់ជួប សម្រាប់ឧក្រិដ្ឋជនជាចោរស្រីកន្លងមក។ តែគួរឲ្យស្ដាយ ដែលស្រស់ស្រី​ដើម​ទ្រូង​បាន ត្រគាកទូលាយរូបនេះ នឹងត្រូវឡើងសវនាការនៅថ្ងៃទី១៧ ខែវិច្ឆិកាខាងមុខ៕

អាជ្ញាធរតំបន់បានថ្លែងឲ្យដឹងថា កុមារដែលមានអាយុពី៣ខែដល់១០ឆ្នាំ ត្រូវបានបាញ់សម្លាប់ដោយជីតា​របស់​ខ្លួន។ ជនសង្ស័យ មានឈ្មោះថា ដុនឆាល ស្ពីរីត (Don Charles Spirit) អាយុ៥១ឆ្នាំ ជាអ្នកទូរស័ព្ទ​ទៅ​ប្រាប់​ផ្នែកអន្តរាគមន៍បន្ទាន់ របស់កងកម្លាំងអាជ្ញាធរ។ ប៉ុន្តែនៅពេល ដែលកងកម្លាំងបានទៅដល់​កន្លែង​កើត​ហេតុ បុរសវ័យកណ្ដាលរូបនេះ បានសម្លាប់ខ្លួនបាត់ទៅហើយ។

មេភូមិ លោក រ៉ូប៊ែរ ស៊ូល្ត៍ (Robert Schultz) បានថ្លែងប្រាប់អ្នកសារព័ត៌មានថា៖ «ខ្ញុំមិនដែលឃើញឧក្រិដ្ឋកម្ម ដែលកើតឡើងក្នុងទ្រង់ទ្រាយបែបនេះទេ។ នៅក្នុងភូមិដ៏តូចនោះ យើងមានភាពស្រយ៉ុតស្រយ៉ង់យ៉ាងខ្លាំង​ជាមួយនឹងហេតុការណ៍នេះ។ សមាជិកក្នុងភូមិ សុទ្ធសឹងជាបងប្អូនជាប់សាច់ឈាមគ្នាទាំងអស់។» ប៉ុន្តែ​ដោយ​ការស៊ើបអង្កេតកំពុងដំណើរការធ្វើនៅឡើយ លោក រ៉ូប៊ែរ មិនអាចពន្យល់ប្រាប់ ឲ្យបាន​លំអិត​ជាង​នេះ​បាន​ឡើយ។

តាមសារព័ត៌មានក្នុងតំបន់បានរាយការណ៍ឲ្យដឹងថា [...]

ជាបទល្មើសដ៏ប្លែកមួយទៀត ដែលបានកើតឡើង នៅលើលោកយើងនេះ។ លោក រ៉ៃអាន វ័ធើផូល (Ryan Watenpaugh) អ្នករស់នៅក្នុងរដ្ឋកាលីហ្វ័នី អាយុ៣៤ឆ្នាំ ដែលពោរពេញទៅដោយទេពកោសល្យ ខាងចំអិន​អាហារនោះ មិនបានយកភាពប៉ិនប្រសព្វនេះ មកបម្រើផ្គាប់ផ្គុនស្ត្រីជាគូរស្នេហ៍ រស់នៅក្នុងផ្ទះជាមួយគ្នាទេ។ តែបានបង្កើតស្នាដៃដ៏ពិសេសមួយ ដោយយកសាច់សត្វឆ្កែ ដែលចិញ្ចឹមស្រឡាញ់ដោយស្ត្រីគូរស្នេហ៍ យក​មក​ធ្វើជាអាហារពេលល្ងាច ឲ្យនាងទទួលទានទៅវិញ។

បុរសនេះ ត្រូវបានឃាត់ខ្លួន នៅថ្ងៃព្រហស្បត្តិ៍ ដោយនគរបាលក្រុង រ៉េដឌីញ (Redding) បន្ទាប់ពីស្ត្រីជាគូរ​ស្នេហ៍​បានដាក់ពាក្យបណ្ដឹង។ នៅក្នុងសេចក្ដីប្រកាសព័ត៌មានមួយ របស់កងកម្លាំងនគរបាល បានសរសេរ​ឲ្យដឹងថា ស្ត្រីវ័យក្មេងដែលរស់នៅ ជាគូកំណាន់ល្អូកល្អើន ជាច្រើនឆ្នាំមកហើយ បានអះអាងពីភាពរងគ្រោះ ដោយ​ការទះ​តប់​មិន​ឈប់ឈរ ពីជនសង្ស័យ រ៉ៃអាន ក្នុងរយៈពេលប៉ុន្មានខែចុងក្រោយនេះ។ នាងបញ្ជាក់ថា [...]

លោក ឌច វ៉េស្កុត (Doug Westcott) អាយុ៥៥ឆ្នាំ បានចិញ្ចឹមឆ្មារប្រមាណជា៣៥ក្បាល រស់យ៉ាងរហង់​នៅ​ក្នុងផ្ទះ តែបានបង្កឲ្យមានក្លិននិងរោមឆ្មារ ធ្វើឲ្យទ្រាំមិនបាន រហូតដល់ភ្នាក់ងារនគរបាលនៃក្រុង ប៉ាល់ប៊េច (Palm Beach) ដែលស្ថិតនៅក្នុងផ្នែកអាគ្នេយ៍នៃសហរដ្ឋអាមេរិក ត្រូវពាក់របាំងការពារមាត់ និងច្រមុះ​ដើម្បី​ធ្វើអន្តរាគមន៍ ពេលចូលទៅក្នុងគេហដ្ឋានរបស់លោក វ៉េស្កុត កាលពីថ្ងៃពុធទី១០​ ខែកញ្ញា កន្លងទៅ។ នេះ​បើ​តាមរបាយការណ៍ របស់សារព័ត៌មានតំបន់ The Palm Beach Post។

សាកសពសត្វឆ្មារប្រមាណជា ៥០ក្បាល ត្រូវបានរក្សាទុកឲ្យកក នៅក្នុងទូរទឹកកកចំនួនបួនគ្រឿង នៅ​ក្នុង​ផ្ទះរបស់បុរសដែលគេទើបនឹងដឹង ពីជីវិតរបស់គាត់ក្នុងពេលនេះ។

អ្នករស់នៅក្បែរខាងរបស់លោក វ៉េស្កុត បានលើកឡើងចរិកលក្ខណៈរបស់លោក ថាមានភាពចម្លែក ចេញ​ដើរទៅខាងក្រៅដោយគ្មានពាក់អាវ ហើយបានសាកល្បងឲ្យអំណោយបន្ដិចបន្តួច ទៅឲ្យកុមារៗ។ បើតាម​អ្នកជិតខាងដដែល បាននិយាយទៀតថា [...]

បណ្ដាញផ្សព្វផ្សាយ នៅប្រទេសរ៉ូស្សី បានហៅស្ត្រីវ័យក្មេងនោះ ថាជា«ម្ដាយបីសាច»។ នាង អាលីយ៉ូណា អ៊ីប៉ាតូវ៉ា (Alyona Ipatova) អាយុ១៩ឆ្នាំ ត្រូវបានតុលាការនៃទីក្រុង ស៊ាំង-ប៉េធើស្បួរ (Saint-Pétersbourg) ផ្ដន្ទាទោសឲ្យជាប់ពន្ធនាគារ១០ឆ្នាំ និងបង្ខំឲ្យធ្វើការជាទម្ងន់ ពីបទបានទុក ទារិកាអាយុ៥ខែរបស់ខ្លួនចោល រហូតស្លាប់នឹងភាពអត់ឃ្លាន។

ស្ត្រីជាប់ចោទរូបនេះ បានទទួលស្គាល់ពីទង្វើរបស់ខ្លួន ដែលបានទុកកូនស្រីរបស់ខ្លួនចោល តែម្នាក់ឯងនៅ​ក្នុងផ្ទះ អស់រយៈពេល... ១៤ថ្ងៃ។ រីឯខ្លួនបានចេញទៅដើរលេង នៅក្នុងពិធីបុណ្យសប្បាយមួយ។ ពីរសប្ដាហ៍​ក្រោយ នាងបានវិលត្រឡប់មកផ្ទះវិញ ដើម្បីមកជួបកូនស្រីកំសត់របស់នាង។

តែវាហួសពេលទៅហើយ។ ១៤ថ្ងៃ ដោយអត់ឃ្លាន តើមនុស្សណាមួយអាចអត់ទ្រាំបាន កុំថាឡើយដល់ទៅ​​ទារិកា ដែលទើបនឹងមានអាយុ៥ខែនោះ? នេះគេនៅមិនទាន់គិតដល់ផងទេថា តើទារិកាដ៏តូចល្អិត បាន​ស្រែក​យំទារយកចំណីយ៉ាងណា មុននឹងគ្នាលែងដឹងខ្លួន [...]