Posts tagged as "Crime"

បារាំង៖ ចង់​ប្លន់​យក​ទូរស័ព្ទ​ដៃ... តែ​ក្រឡេក​ទៅ​ឃើញ​ធ្មេញ​មាស!

បារាំង៖ ចង់​ប្លន់​យក​ទូរស័ព្ទ​ដៃ... តែ​ក្រឡេក​ទៅ​ឃើញ​ធ្មេញ​មាស!

លោកអ្នកប្រហែលជាធ្លាប់ឮ រឿងនិទានលេងសើច (ឬអាចជាការពិត) ដែលនិយាយពីការព្រមាន គាស់យកធ្មេញមាស ពីសំណាក់ចោរប្លន់ម៉ូតូ នៅក្នុងប្រទេសកម្ពុជា។ ប៉ុន្តែនៅពេលនេះ ការប្លន់យកធ្មេញមាស បានកើតមាន​នៅក្នុងប្រទេសបារាំង បង្កឡើង​ដោយជនមួយក្រុម ខណៈដំបូងឡើយ ពួកគេគ្រាន់តែមានបំណង ចង់ប្លន់យកទូរស័ព្ទដៃប៉ុណ្ណោះ។

ហេតុការណ៍ដ៏ហួសចិត្ត បានកើតឡើង កាលពីយប់រំលងអាធ្រាត ថ្ងៃសុក្រទី២៩ ចូលមកថ្ងៃសៅរិ៍ ទី៣០ ខែមិថុនា ទៅលើបុរសម្នាក់ អាយុ៣៧ឆ្នាំ តាមដងផ្លូវមួយ នៃក្រុង «Aubervilliers (Seine-Saint-Denis)» ស្ថិតនៅភាគ​ខាងជើង ជាប់​រដ្ឋធានី ប៉ារីស។ ទន្ទឹមនឹងទូរស័ព្ទដៃរបស់ខ្លួន ដែលត្រូវបានប្លន់យកនោះ បុរសរងគ្រោះ នៅត្រូវបានជនល្មើសដៃឆៅ គាស់យកធ្មេញមាស ចំនួន៤គ្រាប់​ថែមទៀត ដោយមិនមាន​សម្ភារៈ​ពិសេសអ្វីឡើយ។ 

ប្រភពពីនគរបាលបារាំង និងត្រូវបានស្រង់សំដី ដោយសារព័ត៌មានក្នុងស្រុក បានអះះអាងថា នៅខណៈពេលជនរងគ្រោះ កំពុងដើរនៅតាមផ្លូវ [...]

ឌុយតែតេ ប្រាប់​អ្នកជំនាញ អ.ស.ប ម្នាក់ ឲ្យ​«ទៅ​ចុះ​នរក»

ឌុយតែតេ ប្រាប់​អ្នកជំនាញ អ.ស.ប ម្នាក់ ឲ្យ​«ទៅ​ចុះ​នរក»

សំដីមិនសំចៃមាត់ របស់ប្រធានាធិបតីហ្វីលីពីន បានបង្កការភ្ញាក់ផ្អើលជាថ្មីទៀត នៅជុំវិញពិភពលោក។ លើកនេះ អ្នករងគ្រោះ គឺជាអ្នករាយការណ៍ពិសេសមួយរូប របស់អង្គការសហប្រជាជាតិ លោក «Diego Garcia-Sayan‍‍‌‍» បន្ទាប់ពីមន្ត្រីជំនាញរូបនេះ ធ្វើការរិះគន់លោកប្រធានាធិបតី នៅក្នុងរបាយការណ៍មួយ ថាបានស្ថិត​នៅពីក្រោយ​ការដកអ្នកស្រី «Maria Lourdes Sereno» ប្រធានតុលាការកំពូលចេញពីតំណែង កាលពីខែឧសភាកន្លងទៅ។

លោក «Diego Garcia-Sayan‍‍‌‍» ដែលត្រូវធ្វើអង្កេត ទៅលើឯករាជ្យភាព របស់ចៅក្រម និងមេធាវី នៅក្នុងប្រទេសហ្វីលីពីន បានចោទលោក រ៉ូឌ្រីចូ ឌុយតែតេ (Rodrigo Duterte) ប្រធានាធិបតីហ្វីលីពីន ថាបានប្រើឥទ្ធិពល និងបាតដៃរបស់ខ្លួន ដើម្បីកំចាត់អ្នកស្រី «Maria Lourdes Sereno»។ អ្នកជំនាញ អ.ស.ប រូបនេះ បានហៅទង្វើនេះ ថាជា«ការវាយប្រហារ យ៉ាងឃោឃៅ» ប្រឆាំងនឹងអំណាចតុលាការ។

នៅចំពោះការចោទប្រកាន់ខាងលើ លោក ឌុយតែតេ [...]

ទៅ​បាញ់​ដល់​ការិយាល័យ ព្រោះ​ខឹង​យូធូប​ដក​វីដេអូ​ខ្លួន​ចេញ

ទៅ​បាញ់​ដល់​ការិយាល័យ ព្រោះ​ខឹង​យូធូប​ដក​វីដេអូ​ខ្លួន​ចេញ

នគរបាលរដ្ឋកាលីហ្វ័នី (សហរដ្ឋអាមេរិក) បានអះអាងនៅចុងសប្ដាហ៍កន្លងមកនេះ ថាស្ត្រីម្នាក់ ដែលមានអាយុ៣៩ឆ្នាំ និងដែលបាន​បើក​ការបាញ់ប្រហារ នៅក្នុងការិយាល័យកណ្ដាល របស់គេហទំព័រ «YouTube» កាលពីថ្ងៃអង្គារ សប្ដាហ៍មុន មានក្ដីក្រេវក្រោធយ៉ាងខ្លាំង ទៅនឹងលក្ខន្តិកៈ នៃការប្រើប្រាស់ របស់គេហទំព័រមួយនេះ។ ស្ត្រី ដែលមានឈ្មោះ «Nasim Najafi Aghdam» បានបាញ់សម្លាប់ខ្លួន បន្ទាបពីបានបាញ់បុគ្គលិកយូធូប ឲ្យរបួសចំនួនបីនាក់រួច។

លោក «Ed Barberini» នាយនគរបាលនៅក្រុង «San Bruno» ដែលការិយាល័យយូធូបតាំងនៅ បានថ្លែងឡើងថា៖ «យើងគិតថា ជនសង្ស័យមានការរំខានចិត្ត បណ្ដាលមកពីលក្ខន្តិកៈ និងការអនុវត្តន៍ របស់យូធូប។ នេះ ជាមូលហេតុចម្បង ដែលយើងមើលឃើញ។»។

អ្នកស្រី «Nasim Najafi Aghdam» ដែលរស់នៅឯក្រុង «San Diego» [...]

អ្នកគ្រូ​ចង់​រួមរ័ក្ស​«រាល់​ថ្ងៃ» ជាមួយ​កូន​សិស្ស​អាយុ​១៣ឆ្នាំ

អ្នកគ្រូ​ចង់​រួមរ័ក្ស​«រាល់​ថ្ងៃ» ជាមួយ​កូន​សិស្ស​អាយុ​១៣ឆ្នាំ

សាស្ត្រាចារ្យវ័យ២៧ឆ្នាំមួយរូប ត្រូវបានអាជ្ញាធរឃាត់ខ្លួន កាលពីចុងខែមីនាកន្លងទៅ ក្នុងរដ្ឋអារីហ្សូណា ពីបទបានរួមរ័ក្សភិសម័យ ជាមួយកូនសិស្សរបស់ខ្លួន ដែលជាអនីតិជន អាយុ១៣ឆ្នាំ។ ឪពុកម្ដាយរបស់យុវសិស្សជំទង់ បានរាយការណ៍រឿងរ៉ាវនេះ ទៅកាន់នគរបាល បន្ទាប់ពីបានរកឃើញសារជាច្រើន ត្រូវបានអ្នកគ្រូវ័យក្មេងរូបនេះ ផ្ញើទៅឲ្យកូនរបស់ខ្លួន។ 

អ្នកគ្រូ ដែលជាប់សង្ស័យ មានឈ្មោះ «Brittany Zamora» ជាគ្រូបង្រៀន នៅក្នុងសាលាបឋមសិក្សា «Las Brisas» នៃក្រុង «Goodyear» រដ្ឋអារីហ្សូណា សហរដ្ឋអាមេរិក។ អ្នកស្រី «Brittany Zamora» ដែលរៀបការរួចហើយ ត្រូវបានរកឃើញថា បានចាប់ផ្ដើមចែចង់កូនសិស្សខ្លួនឯង នៅក្នុងប្រព័ន្ធឆ្លើយឆ្លងសារមួយ ដែលបង្កើតឡើង សម្រាប់ថ្នាក់ដែលអ្នកស្រីបង្រៀន។  នៅក្នុងប្រព័ន្ធផ្ញើរសារ ក្នុងពេលដំបូងឡើយ គេឃើញអ្នកស្រី បានផ្ញើររូបភាពមួយ បង្ហាញរាងកាយននលគោក របស់អ្នកស្រី និងរូបថតមួយទៀត បង្ហាញរាងកាយ ដែលមានស្លៀកពាក់ [...]

បុរស​សតិ​មិន​គ្រប់ បើក​រថយន្ត​បុក​ហ្វូង​មនុស្ស​នៅ​អាល្លឺម៉ង់ ស្លាប់​២នាក់ របួស​២០នាក់

បុរស​សតិ​មិន​គ្រប់ បើក​រថយន្ត​បុក​ហ្វូង​មនុស្ស​នៅ​អាល្លឺម៉ង់ ស្លាប់​២នាក់ របួស​២០នាក់

«គ្មានអ្វី ដែលអាចបញ្ជាក់ នៅក្នុងពេលនេះថា ករណីបើករថយន្ដបុកហ្វូងមនុស្ស មានមូលហេតុចេញ ពីក្រុមឥស្លាមនិយមឡើយ» នេះ ជាការអះអាងឡើង របស់លោក «Herbert Reul» រដ្ឋមន្ត្រីមហាផ្ទៃ នៃតំបន់ «Nord-Westphalie» ដែលមាន «Münster» ជាក្រុងមួយរបស់ខ្លួន។

លោករដ្ឋមន្ត្រីតំបន់ បានបញ្ជាក់ថា បុរសដែលជាអ្នកកាន់ចង្កូតរថយន្ដដឹកទំនិញ ធុនមធ្យម «ជាជនជាតិអាល្លឺម៉ង់ និងមិនមែនជាជនអន្តោរប្រវេសន៍ ដូចការផ្សព្វផ្សាយមួយចំនួន ដែលគ្មានមូលដ្ឋាននោះទេ»។

បើតាមសារព័ត៌មាន «Süddeutsche Zeitung» ក៏ដូចជាទូរទស្សន៍ «ZDF» និងទីភ្នាក់ងារព័ត៌មានអាល្លឺម៉ង់ «DPA» បានរាយការណ៍ថា បុរសខាងលើ មានឈ្មោះ «Jens R.» កើតនៅឆ្នាំ១៩៦៩ និងមានបញ្ហាផ្នែកសតិ។ ទូរទស្សន៍ «ZDF» បានអះអាងថា មុននេះមិនយូរប៉ុន្មាន បុរសរូបនេះបានព្យាយាម ធ្វើអត្តឃាតរួចហើយ ហើយរថយន្ដដឹកទំនិញ ធុនមធ្យម ដែលមានពណ៌ក្រម៉ៅ ជាកម្មសិទ្ធិរបស់បុរសនេះផ្ទាល់តែម្ដង។

[...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...