Posts tagged as "Phnom Penh"

មនុស្សពីរនាក់បានស្លាប់ ក្នុងនោះ​ម្នាក់​ជាមន្ត្រីរាជអាវុធហត្ថ និងម្នាក់ទៀត ជាខ្មាន់កាំភ្លើង ដែលបាន​បាញ់​ឆ្លើយឆ្លង ជាមួយកងកម្លាំងអាជ្ញាធរ។ ជនសង្ស័យចំនួន៥នាក់ ត្រូវបានចាប់ខ្លួន និងវាយ​ខ្នោះបញ្ជូន​ទៅ​សួរ​ចម្លើយ។ នេះបើតាមតុល្យភាពចុងក្រោយ ដែលមន្ត្រីរាជអាវុធហត្ថនៅនឹងកន្លែង បានប្រកាសឲ្យដឹង។ ហេតុការណ៍​បានផ្ទុះឡើង នៅរសៀលថ្ងៃទី២៧ ខែមេសា ឆ្នាំ២០១៦នេះ វេលាម៉ោងប្រមាណ ១៦ និង១០នាទី នៅ​ផ្ទះ​​លេខ​៣៧ ផ្លូវ​៣៥១ សង្កាត់​បឹងកក់​១ ខណ្ឌទួលគោក។ ពលរដ្ឋក្នុងរាជធានីភ្នំពេញ ជាពិសេស​អ្នក​នៅ​ជុំវិញ​តំបន់កើតហេតុ ត្រូវរងចាំរហូតដល់២ម៉ោងក្រោយ ទើបការផ្ទុះអាវុធបានបញ្ចប់ទៅ ជាស្ថាពរ។

លោក រ័ត្ន ស្រ៊ាង មេបញ្ជាការកងរាជអាវុធហត្ថរាជធានី ភ្នំពេញ បានថ្លែងទៅកាន់អ្នកសារព័ត៌មានថា ជន​ម្នាក់​ដែលត្រូវ​​កងកម្លាំង​អាជ្ញាធរ​បាញ់ស្លាប់ នៅក្នុងផ្ទះនោះ ជាមេក្លោងនៅក្នុងការជួញដូរគ្រឿងញៀន។ ប្រតិបត្តិការ​នេះ [...]

ដំណឹងដែលទើបតែនឹងធ្លាក់មកដល់ ក្នុងពេលមុននេះ បានឲ្យដឹងថា ការផ្ទុះអាវុធឆ្លងឆ្លើយគ្នា រវាង​កង​កម្លាំង​អាជ្ញាធរ និងក្រុមខ្មាន់កាំភ្លើង បានឈានទៅដល់ ការបាញ់សម្លាប់ខ្មាន់កាំភ្លើងម្នាក់ ដែលនៅក្នុងផ្ទះលេខ ៣៧ នៅ​តាម​បណ្ដោយ​ផ្លូវ ​៣៥១ ក្បែររង្វង់មូលកាំកូស៊ីធី ស្ថិត​ក្នុង​សង្កាត់​បឹងកក់​១ ខណ្ឌ​ទួលគោក រាជធានី​ភ្នំពេញ។ ក្រៅពីនេះ ជនសង្ស័យ៥នាក់ ត្រូវបានចាប់ខ្លួន៖ ពីរនាក់ ត្រូវបានចាប់ខ្លួនមុន និងបីនាក់ ត្រូវ​បាន​ចាប់​ខ្លួន ក្នុងពេលផ្ទុះអាវុធ។ ម្នាក់ពីក្នុងចំណោមនោះ ត្រូវបានសង្ស័យថា ជាមេក្លោងជួញដូរ​គ្រឿង​ញៀន។

តាមប្រភព និងរូបថតដែលត្រូវបានបញ្ជូន មកដល់ទស្សនាវដ្ដីមនោរម្យ.អាំងហ្វូ ក្នុងពេលមុននេះ (រូប​ខាង​លើ) បានឲ្យដឹងថា ជនម្នាក់ដែលអត់មានពាក់អាវនេះហើយ គឺជាមេក្លោង។ ជននេះមានឈ្មោះ ​លី កុកហ៊ុយ ជាអតីតថៅកៃខ្វៃជ្រូកម្នាក់ ដែលមានលំនៅដ្ឋាន នៅនឹងផ្ទះកើតហេតុតែម្ដង។ អាជ្ញាធរបាន​សង្ស័យ​បុរស​ម្នាក់​នេះ [...]

ដំណឹងដែលត្រូវបានបង្ហើបឲ្យដឹង នៅពេលនេះ បានបញ្ជាក់ពីតុល្យភាពដំបូងថា មន្ត្រីកងកម្លាំង​រាជ​អាវុធ​ហត្ថ​ម្នាក់ ដែលមានរហស្សនាម និម្មិត៣៣ បានស្លាប់ នៅក្នុងការផ្ទុះអាវុធឆ្លើយឆ្លងគ្នា រវាងក្រុមកង​កម្លាំង​របស់​អាជ្ញាធរ និងក្រុមជនសង្ស័យ ដែលទាក់ទងនឹងការជួយដូរគ្រឿងញៀន។

ហេតុការណ៍​ផ្ទុះអាវុធ ​បាន​កើតឡើង​នៅ​រសៀល ម៉ោង​១៦ និង​២០​នាទី​ ក្នុងថ្ងៃ​ទី​២៧ ខែ​មេសា ឆ្នាំ​២០១៦ នៅ​តាម​បណ្ដោយ​ផ្លូវ​៣៥១ ក្បែររង្វង់មូលកាំកូស៊ីធី ស្ថិត​ក្នុង​សង្កាត់​បឹងកក់​១ ខណ្ឌ​ទួលគោក រាជធានីភ្នំពេញ។ ​រហូត​មក​ដល់​ម៉ោង​១៧​ល្ងាច​ ថ្ងៃ​ដដែល​នេះ ការ​បាញ់ឆ្លើយឆ្លងគ្នា​រវាង​សមត្ថកិច្ច និង​ក្រុមជនសង្ស័យ នៅ​មិន​ទាន់​​បញ្ចប់​នៅឡើយ។

តាមប្រភពស្និតនឹងអាជ្ញាធរ បាន​ឲ្យ​ដឹងថា នៅរសៀលថ្ងៃទី២៧ ខែមេសានេះ កងកម្លាំងរាជ​អាវុធហត្ថ​រាជធានី​ភ្នំពេញ សហការ​ជាមួយកងកម្លាំង​អាវុធហត្ថ​ខណ្ឌទួលគោក ​ធ្វើការ​ឃាត់ខ្លួន​ជនសង្ស័យ​ម្នាក់ [...]

រនាំងផ្លូវបានដួលបែកបាក់ អស់ជាច្រើនផ្ទាំង ព្រោះទើសផ្លូវ របស់ជនស្រវឹងស្រា ដែលកាន់ចង្កូតឡាន មាន​ពាក់​ផ្លាកលេខ «ខ.ម»។ ជាលទ្ធផល ទាំងរនាំងផ្លូវទាំងរថយន្ដ បានខូចខាតទាំងសងខាង ខណៈមិនមាន​នរណា​ផ្សេង រងរបួស ឬមានគ្រោះថ្នាក់អ្វីផ្សេងឡើយ។

សាក្សីម្នាក់ នៅកន្លែងកើតហេតុ បានឲ្យដឹងថា គ្រោះថ្នាក់ខាងលើ កើតឡើងកាលពីវេលាម៉ោង ០១ រំលង​អធ្រាត យប់ថ្ងៃទី០៣ ឈានចូលថ្ងៃទី០៤ ខែធ្នូ ឆ្នាំ២០១៥ នៅចំណុចជិតស្តុបដេអ៊ិន ក្នុងសង្កាត់មិត្តភាព ខណ្​ឌមករា រាជធានីភ្នំពេញ។ សាក្សីបន្តថា ឡានរងគ្រោះធុន Nissan Navara ពាក់ស្លាកលេខ​ ខេមរៈភូមិន្ទ ២-១២៥០ បើកបរដោយបុរស មិនស្គាល់អត្តសញ្ញាពីរនាក់ ទាំងអការៈស្រវឹង។

សាក្សីប្រាប់បន្ថែមទៀតថា ឡានបង្កបើកបរ ក្នុងទិសដៅពីកើតទៅលិច ស្រាប់តែមកដល់កន្លែងកើតហេតុ ជិតស្តុបដេអ៊ិន បានរ៉េចង្កូត ទៅបុករនាំងថ្មចែកផ្លូវ​ពេញទំហឹង បណ្តាលឲ្យបាក់អស់ជាច្រើនផ្ទាំង។ ដោយ​ឡែកឡានបង្ក រងការខូចខាតផ្នែកខាងមុខ [...]

មនុស្សពីរនាក់ បានរងរបួស នៅក្នុងគ្រោះថ្នាក់ចរាចរណ៍មួយ ដែលបានកើតឡើង កាលពីវេលាម៉ោង ២០និង​១០នាទីយប់ ថ្ងៃទី២ ខែធ្នូ ឆ្នាំ២០១៥។ គ្រោះថ្នាក់នេះ បានបង្កឡើង ដោយអ្នកជិះម៉ូតូម៉ាក់ហុងដា សេ១២៥ ពណ៌​ខ្មៅ មានស្លាក់លេខ ១CW-៩៦៣៣ បើកបរក្នុងទិសដៅ ពីជើងទៅត្បូង ដោយល្បឿនលឿន។ នេះបើ​តាម​សាក្សី ដែលបានឃើញហេតុការណ៍ ដោយផ្ទាល់ភ្នែក។

សាក្សីបន្តថា លុះមកដល់ចំនុចកើតហេតុ ក៏ប្រទះជាមួយ និងម៉ូតូហុងដាវ៉េវ ព័ណខ្មៅ ស្លាក់លេខ ភ្នំពេញ ១BN-៣៣៩៧ បើកបរដោយបុរសម្នាក់ កំពុងឆ្លង់ផ្លូវ ពីជើងទៅត្បូង បណ្តាល ឲ្យអ្នកឆ្លងថ្នលរងរបួស បែក​ក្បាល ហើយសន្លប់បាត់មាត់ឈឹង ចំណែកឯអ្នកបង្កវិញ រងរបួស នៅត្រង់កូនដៃ ប៉ោងគ្រាប់ភ្នែក និងមាន​ឈាម​ហូរតាមត្រជៀក ទៀតផង។

តាមមន្ត្រីសមត្ថកិច្ច ដែលបានទៅធ្វើការពិនិត្យ នៅក្រោយពេលកើតហេតុ បានប្រាប់ឲ្យដឹងថា យុវជនអ្នក​បង្ក​មាន​ឈ្មោះ ចូវ យ៉ាំតាង មានអាយុ១៩ឆ្នាំ ជាជនជាតិវៀតណាម មុខរបរ ជាកម្មករសំណង់ [...]