ដិមសី ទាត់ចូលទី២គ្រាប់ ជួយឲ្យអាមេរិកឈ្នះអាឡឺម៉ង់
ខ្សែបម្រើប្រយុទ្ធឃ្លីន ដិមសី (Clint Dempsey) បានរកគ្រាប់បាល់បញ្ចូលទីបាន២គ្រាប់ ហើយបានជួយឲ្យក្រុមជម្រើសជាតិសហរដ្ឋអាមេរិក យកឈ្នះក្រុមខ្លាំងឥន្ទ្រីដែកអាឡឺម៉ង់ ដោយលទ្ធផល ៤-៣ ក្នុងការប្រកួតមិត្តភាពអន្តរជាតិកាលពីថ្ងៃអាទិត្យយប់មិញ ហើយបានជួយឲ្យគ្រូបង្វឹកអាមេរិកលោកចឺចិន ឃ្លីនស្មាន (Juergen Klinsmann) អាចយកឈ្នះប្រទេសកំណើតរបស់គាត់ដែរ។
ខ្សែបម្រើប្រយុទ្ធឃ្លីន ដិមសី របស់ក្រុមជម្រើសជាតិអាមេរិក (ពាក់អាវស)។
គ្រាប់បាល់២គ្រាប់របស់ដិមសី នៅវគ្គទី២ បានជួយឲ្យអាមេរិកធ្វើការនាំមុខ៤-១ មុនពេលដែលអាឡឺម៉ង់វាយបកនៅចុងម៉ោងបាន២គ្រាប់វិញ នាកីឡាដ្ឋានអរអេហ្វឃេ (RFK) ក្នុងរដ្ឋធានីវ៉ាស៊ីនតោនឌីស៊ី (Washington DC)។
លោកឃ្លីនស្មាន បាននិយាយថា «យើងពិតជារីករាយ [...]
