យុទ្ធនាការ«លែងក្បាលសុដន់» នៅក្រុងសានឌីយ៉េហ្គូ
ការប្រមូលផ្ដុំគ្នា ដើម្បីបង្ហាញរូបរាង ពីចលនា«លែងក្បាលសុដន់ ឬ Free the nipple» ដែលកើតឡើងចុងក្រោយគេ គឺនៅក្នុងសាន ឌីយ៉េហ្គូ (San Diego) ក្នុងរដ្ឋកាលីហ្វ័នី សហរដ្ឋអាមេរិក កាលពីថ្ងៃទី២០ ខែឧសភាកន្លងមក។ បណ្ដាជនប្រមាណជា២០០នាក់ បានមកជួបគ្នា នៅក្នុងឧទ្យានមួយកណ្ដាលក្រុង ដើម្បីធ្វើការបង្ហាញសុដន និងក្បាលសុដន់របស់ពួកគេ មិនថាប្រុសមិនថាស្រី។ សំនួរសួរថា ហេតុអ្វីក៏មានចលនានេះ?
ចលនា«លែងក្បាលសុដន់» បានកើតឡើង តាំងពី៣ឆ្នាំមកហើយ នៅសហរដ្ឋអាមេរិក ដើម្បីបុព្វហេតុសមញ្ញមួយ៖ «ហេតុអ្វីបុរសៗអាចដើរកំសាន្ដបាន ដោយព្រលែងខ្លួនទទេ ខណៈស្ត្រីចាំបាច់ ត្រូវតែស្លៀកពាក់ពេញខ្លួន ឬយ៉ាងហោចត្រូវបិទបាំងសុដន់ កុំឲ្យអ្នកផងមើលឃើញ»។
ខុសពីការយល់ឃើញ របស់មនុស្សមួយចំនួន ដែលគិតថា ឲ្យតែប្រទេសនៅលោកខាងលិច ពួកគេសុទ្ធតែមានវប្បធម៌ «អាសអាភាស» [...]