Posts tagged as "Bayern Munich"

នៅក្នុងការប្រកួតលើកទីមួយ (ឬហៅតាមពាក្យបច្ចេកទេស៖ ការប្រកួតទៅ) កាលពីសប្ដាហ៍មុន នៅក្នុង​រាជធានី ម៉ាឌ្រីត ក្រុមអាត្លង់ទីកូ (Atlético Madrid) បានយកជ័យជំនះលើក្រុមបាយ៉ឺន (Bayern Munich) ក្នុង​ពិន្ទុ ១-០។ នៅក្នុងយប់ថ្ងៃអង្គារទី៣ ខែឧសភានេះ ក្រុម បាយ៉ឺន បានឈ្នះវិញក្នុងពិន្ទុ ២-១ នៅ​ក្នុង​ការ​ប្រកួត​លើក​ទី២ (ឬហៅតាមពាក្យបច្ចេកទេស៖ ការប្រកួតត្រឡប់វិញ) ក្នុងក្រុង មូនិឆ របស់ខ្លួន។

កីឡាករដែលរកគ្រាប់បាល់ នៅក្នុងការប្រកួតលើកទី២នេះ មានកីឡាករ សាប៊ី អាឡុងសូ (Xabi Alonso) ដែល​បានទាត់បាល់ពិន័យមិនផ្ទាល់ នៅនាទីទី៣១ និងរកបានគ្រាប់បាល់ដំបូង ឲ្យក្រុមបាយ៉ឹន របស់ខ្លួន។ ប៉ុន្តែ​ក្រុម អាត្លង់ទីកូ បានរកគ្រាប់បាល់ស្មើមកវិញ នៅនាទីទី៥៤ ដោយសារកីឡាករអន្តរជាតិបារាំង ឈ្មោះ អង់ត័ន គ្រីស្មាន់ (Antoine Griezmann)។ និងគ្រាប់បាល់ទីបី របស់ក្រុម បាយ៉ឺន រកបានដោយសារ​កីឡាករ​អន្តរជាតិ​ប៉ូឡូញ ឈ្មោះ រ៉ូប៊ែរ ឡេវ៉ានដូវស្គី [...]

កីឡាករជាតិបារាំង ហ្វ្រង់ រីប៊េរី (Franck Ribéry) នៅមិនទាន់រកគ្រាប់បាល់ បានសូម្បីតែមួួយគ្រាប់ ឲ្យក្រុម បាយឺន ម៉ូនិច (Bayern Munich) នៅឡើយ រាប់ចាប់តាំងពីកីឡាកររូបនេះ វិលត្រឡប់ពីការជាសះរបួស កាល​ពីខែកុម្ភៈកន្លងទៅ។ ប៉ុន្តែនៅរសៀលថ្ងៃសៅរ៍ ទី២ ខែមេសានេះ កីឡាករអន្តរជាតិរូបនេះ មិនត្រឹមតែ​ជួយ​រក​ពិន្ទុ ឲ្យក្រុមបាយឺន របស់ខ្លួនប៉ុណ្ណោះទេ តែគ្រាប់បាល់ ដែលកីឡាករបានទាត់បញ្ចូលទី នៅក្នុងការ​ប្រកួត​នេះ ថែមទាំងបានធ្វើឲ្យទស្សនិកជន អ្នកតាមដានបាល់ទាត់ទាំងឡាយ ទ្រាំមិនហើបគូថ​ពីកៅអី​មិនបាន។

តាមពិតគ្រាប់បាល់ របស់កីឡាករ រីប៊េរី មួយនេះ អាចជាកំហុសរបស់អ្នកចាំទី របស់ក្រុម ហ្វ្រង់ហ្វ័រ ដែល​បាន​ទះបាល់យ៉ាងប្រញាប់ប្រញាល ចេញទៅកាន់អ័ក្សកណ្ដាល ជាពិសេសទៅចំកន្លែង ដែលកីឡាកររូបនេះ កំពុង​រង់ចាំរួចជាស្រេច មុននឹងបង្វិលខ្លួនលើកជើងឡើងលើ ទាត់បាល់ត្រឡប់ទៅវិញ ប្រកបដោយ​ទេពកោសល្យ​ខ្ពស់។

» សូមទស្សនា ពីការប្រកួតដោយសង្ខេប [...]

កីឡាបាល់ទាត់ ជាកីឡាលេងជាក្រុម ដែលបានផ្ដល់យុត្តិធម៌ តិចឬច្រើន ទៅឲ្យក្រុមដែលចូលរួមប្រកួត។ តែ​កីឡាមួយនេះ ក៏អាចសម្លាប់ក្រុមមួយ មិនឲ្យងើបមុខរួច ឬធ្វើឲ្យក្រុមនោះខកចិត្ត ស្ទើរស្រក់ទឹកភ្នែក​មិន​ចេញ ក៏មានដែរ។ ហើយនេះជាករណី របស់ក្រុម ជូវេនទូស (Juventus) របស់ប្រទេសអ៊ីតាលី ដែលបាន​មក​ប្រកួត ជាមួយក្រុម បាយ៉ឺន ក្នុងកីឡាដ្ឋានដ៏ធំ របស់ក្រុមបាល់ទាត់ របស់ប្រទេសអាល្លឺម៉ង់មួយនេះ។ ការ​ខកចិត្ត ដោយ​សារក្រុម ជូវេនទូស បានរកបានគ្រាប់បាល់ ដល់ទៅពីរគ្រាប់ នាំមុខក្រុម បាយ៉ឺន រួចហើយ នៅក្នុង​ពាក់​កណ្ដាល​ម៉ោង​ដំបូង។

តែនៅពាក់កណ្ដាលម៉ោងទីពីរ ក្រុម បាយ៉ឺន បានខិតខំស្វែងរកគ្រាប់បាល់ ត្រឡប់មកវិញ រហូតបានពិន្ទុស្មើរ និងតម្រូវ​ឲ្យការប្រកួត ត្រូវបន្ថែមម៉ោង១៥នាទី+១៥នាទី។ គឺនៅក្នុងការបន្ថែមម៉ោងទីពីរនេះហើយ ដែលក្រុម បាយ៉ឺន បានឆ្លៀតឱកាស លើចំណុចខ្សោយ ដែលអាចបណ្ដាលពីការរត់អស់កម្លាំង របស់ក្រុម ជូវេនទូស ផង [...]

អនាគតរបស់គ្រូបង្វឹក លោក ប៉ិប គ័រឌីយ៉ូឡា អតីតគ្រូបង្ហាត់របស់ក្រុមបាសឺឡូន (Barcelonna) នៅ​មិន​ទាន់​បិទបញ្ចប់ ការផ្អើលជ្រួលជ្រើម ពីសំណាក់ក្រុមបាល់ទាត់ធំៗទាំងឡាយ នៅក្នុងទ្វីបអ៊ីរ៉ុបនោះឡើយ។ ប្រសិនជាលោក ប៉ិប មានទាក់ទងពីក្រុមបាល់ទាត់ជាច្រើន នៅអង់គ្លេស ដូចយ៉ាង មេនឆេស្ទ័រ ស៊ីធី (Manchester City) នោះក៏ដោយ តែក្រុមបាល់ទាត់ នៅក្នុងទ្វីបអ៊ឺរ៉ុបផ្សេងទៀត ក៏បានឆ្លៀតឱកាស នៃ​ការ​ចាកចេញ ពីក្រុមប៉ាយឺនមូនិក ដើម្បីអូសលោកឲ្យមកបង្ហាត់បង្ហាញ សម្រាប់ក្រុមរបស់ពួកគេនោះដែរ។

នៅក្នុងចំណោមនោះ មានក្រុមបាល់ទាត់ របស់រដ្ឋធានីប៉ារីសមួយដែរ។ សារព័ត៌មានកីឡា «Sport» របស់​ប្រទេសអេស្ប៉ាញ បានផ្សាយនៅលើគេហទំព័ររបស់ខ្លួនថា លោក ណាសេ អាល់ខេឡៃហ្វី (Nasser Al-Khelaïfi) នាយកក្រុមបាល់ទាត់ប៉ារីស​ ទំនងជាបានអន្ទងហៅលោក ប៉ិប តាមទូរស័ព្ទ ដើម្បី​ល្បួង​លោក ឲ្យ​មក​បង្ហាត់សម្រាប់ក្រុមរបស់លោក ដែលសម្បូរទៅដោយ [...]

គេពិបាកនឹងដឹងឲ្យច្បាស់ណាស់ ពីទំនាក់ទំនងរវាងគ្រូបង្វឹក ប៉េប ហ្គ័ឌីយ៉ូឡា និងកីឡាករ លីយ៉ូនែល ម៉េស៊ី ណាស់។ គេ​គ្រាន់តែដឹងថា អ្នកទាំងពីរបានរីកធំធាត់ខ្លួន នៅក្នុងក្រុម បាសឺឡូន មុននឹងក្លាយជា កំពូលតារាល្បីទាំងពីរនាក់ នៅក្នុង​ពិភពលោក។ លោក ប៉េប ដែលមានឈ្មោះ ជាគ្រូបង្វឹកបាល់ទាត់ ដ៏អស្ចារ្យនោះ ក៏ធ្លាប់ជាគ្រូបង្វឹក នៅក្រុមបាសឺឡូន សម្រាប់​មួយ​រយៈកាលដែរ។

អ្វីដែលបង្ក ឲ្យចង់ដឹងកាន់តែខ្លាំងនោះ គឺកំពូលតារាបាល់ទាត់ ម៉េស៊ី ធ្លាប់បានប្រកាសឲ្យដឹង ពីទំនាក់ទំនង របស់ក្រុម​បាសឺឡូន ជាមួយនឹង ប៉េប ដែលធ្លាប់ជាគ្រូបង្វឹកបស់ខ្លួនដែរ ថា៖ «តាំងពីគាត់ចេញពីយើងទៅ យើងមិនមាន​ទំនាក់​ទំនង​អ្វីទៀត ជាមួយគាត់ទេ»។

ប៉ុន្តែនៅពេលក្រុមទាំងពីរ បានមកជួបគ្នាប្រកួត ក្នុង វគ្គពាក់កណ្ដាលផ្ដាច់ព្រ័ត្រ ដើម្បីដណ្ដើមយក Champions League ឆ្នាំ២០១៥ កាលពីថ្ងៃអង្គារ សប្ដាហ៍មុននេះ អ្នកទាំងពីរបានមកជួប ញញឹមញញែម ចាប់ដៃជើងគ្នា [...]