Posts tagged as "Election 2018"

របាយការណ៍​បន្ថែម រ៉ូណា ស្មីត ក្នុង​របៀបវារៈ​ទី១០ នៃ​កិច្ចប្រជុំ​​ក្រុម​ប្រឹក្សា​​សិទ្ធិមនុស្ស UN

របាយការណ៍​បន្ថែម រ៉ូណា ស្មីត ក្នុង​របៀបវារៈ​ទី១០ នៃ​កិច្ចប្រជុំ​​ក្រុម​ប្រឹក្សា​​សិទ្ធិមនុស្ស UN

ឆ្នាំនេះ របបដឹកនាំរបស់លោក ហ៊ុន សែន ដែលមិនមានឈ្មោះល្អស្រាប់ នៅក្នុងក្រុមប្រឹក្សាសិទ្ធិមនុស្ស របស់អង្គការសហប្រជាជាតិ (អ.ស.ប) អាចនឹងរងព្រនង់ធ្ងន់ៗបន្ថែមទៀត ពីសំណាក់ស្ថាប័នអន្តរជាតិខាងលើ ដែលនឹងធ្វើការប្រជុំ ប្រចាំឆ្នាំ សម្រាប់រយៈពេល១៨ថ្ងៃ ចាប់ពីថ្ងៃទី១០ ដល់ថ្ងៃទី២៨ ខែកញ្ញា ឆ្នាំ២០១៨នេះ ក្នុងការិយាល័យកណ្ដាលរបស់ខ្លួន ក្នុងក្រុងហ្សឺណែវ ប្រទេសស្វីស។

នេះ បើយោងតាមរបាយការណ៍បន្ថែម កម្រាស់២២ទំព័រ ដែលទើបនឹងត្រូវអ្នកស្រី រ៉ូណា ស្មីត (Rhona Smith) អ្នករាយការណ៍ពិសេស ​អ.ស.ប ​ទទួល​បន្ទុក​បញ្ហា​សិទ្ធិ​មនុស្ស​ ប្រចាំនៅកម្ពុជា ដាក់ឡើងទៅកាន់ស្ថាប័នខាងលើ ដែលមានរៀបរាប់យ៉ាងច្រើន ពី​ស្ថានភាព ​នៅ​មុន អំឡុង​ពេល និង​ក្រោយពេល នៃការ​បោះ​ឆ្នោត​នៅ​កម្ពុជា ​កាល​ពី​ចុង​ខែ​កក្កដា​កន្លងមក។

[...]

ប្រធាន​បក្ស​ធ្លាក់​ឆ្នោត​១៤ ឡើង​ជា​«ឯកឧត្ដម-​លោកជំទាវ»​​ឋានៈ​ស្មើ​ទេស​រដ្ឋមន្ត្រី

ប្រធាន​បក្ស​ធ្លាក់​ឆ្នោត​១៤ ឡើង​ជា​«ឯកឧត្ដម-​លោកជំទាវ»​​ឋានៈ​ស្មើ​ទេស​រដ្ឋមន្ត្រី

ដូចបានគ្រោងទុក កាលពីពាក់កណ្ដាលខែសីហា បន្ទាប់ពីមានជំនួប ជាមួយលោក ហ៊ុន សែន នៅក្នុងវិមានសន្តិភាពនោះរួច សមាជិកឧត្ដមក្រុមប្រឹក្សាពិគ្រោះ និងផ្ដល់យោបល់ ចំនួន ៣០នាក់ មកពីគណបក្សប្រជាជនកម្ពុជា ដែលឈ្នះអសនៈសភាទាំងអស់ និងគណបក្ស ចំនួន១៤ ផ្សេងទៀត ដែលមិនបានឈ្នះ សូម្បីមួយអសនៈសភានោះ ត្រូវបានព្រះមហាក្សត្រ ព្រះករុណា ព្រះបាទ សម្តេចព្រះនរោត្តម សីហមុនី ចេញព្រះរាជក្រឹត្យ នៅយប់ថ្ងៃព្រហស្បត្តិ៍ ទី៦ ខែកញ្ញានេះ ត្រាស់បង្គាប់តែងតាំង និងផ្តល់ឋានៈជូន ស្មើទេសរដ្ឋមន្រ្តី និងរដ្ឋមន្រ្តី។

ព្រះរាជក្រឹត្យបានបង្ហាញឈ្មោះ ប្រធានគណបក្សទាំង១៤ ដែលមិនជាប់ឆ្នោត រាប់ទាំងគណបក្សដែលមានវ័យចំណាស់ និងទាំងគណបក្ស ដែលទើបត្រូវបានបង្កើត បានប៉ុន្មានសប្ដាហ៍ មុនការបោះឆ្នោត ដូចជាលោក ញឹក ប៊ុនឆៃ - លោក សុខសុវណ្ណ វឌ្ឍនាសាប៊ុង - លោក ម៉ម សូណង់ដូ - អ្នកស្រី សុខរ័ត្ន សុវណ្ណ បញ្ចាសីលា - ព្រះអង្គម្ចាស់ នរោត្ដម ចក្រាវុឌ្ឍ - លោក ពេជ្រ ស្រស់ [...]

អាណត្តិទី៦៖ នាយក​រដ្ឋមន្ត្រី​ចាក់​ឫស រដ្ឋមន្ត្រី​ចាស់ តែ​ឧបនាយក​រដ្ឋមន្ត្រី ទេស​រដ្ឋមន្ត្រី​ច្រើន​ជាងមុន

អាណត្តិទី៦៖ នាយក​រដ្ឋមន្ត្រី​ចាក់​ឫស រដ្ឋមន្ត្រី​ចាស់ តែ​ឧបនាយក​រដ្ឋមន្ត្រី ទេស​រដ្ឋមន្ត្រី​ច្រើន​ជាងមុន

មានអ្វីប្លែក សម្រាប់សមាជិក​រដ្ឋាភិបាលកម្ពុជា អាណត្តិទី៦នេះ? មិនមានអ្វី គួរឲ្យ​កត់សម្គាល់​ច្រើនឡើយ ក្រៅពីពង្រីកឋានៈ របស់មន្ត្រីរដ្ឋាភិបាល និងមន្ត្រីយោធាមួយចំនួន ឲ្យបានឡើងជាឧបនាយករដ្ឋមន្ត្រី និងទេសរដ្ឋមន្ត្រី ខណៈរដ្ឋមន្ត្រី ដែលកាន់កាប់ក្រសួង ទាំង២៩ នៅតែមានមុខដដែលៗទេ។ នេះ បើតាមសមាសភាព​គណៈរដ្ឋមន្ត្រី អាណត្តិថ្មី ដែលចុះហត្ថលេខា ដោយលោក ហ៊ុន សែន នាយករដ្ឋមន្ត្រីជ្រើសតាំងឡើងវិញ ដោយរដ្ឋសភាឯកបក្ស កាលពីព្រឹកថ្ងៃព្រហស្បត្តិ៍ ទី៦ ខែកញ្ញា ឆ្នាំ២០១៨នេះ។

ឧបនាយករដ្ឋមន្ត្រី ឡើងពី៧រូប មកដល់១០រូប ដោយគេត្រូវរាប់បន្ថែម ចាប់ពីពេលនេះតទៅ មានលោក ប្រាក់ សុខុន រដ្ឋមន្ត្រីការបរទេស - លោក អូន ព័ន្ធមុនីរ័ត្ន រដ្ឋមន្ត្រីសេដ្ឋកិច្ច និងហិរញ្ញវត្ថុ និងលោក ជា សុផារ៉ា រដ្ឋមន្ត្រីរៀបចំដែនដី នគរោបនីយកម្ម និងសំណង់។

រីឯទេសរដ្ឋមន្ត្រីវិញ ឡើងពី១៥រូប មកដល់១៧នាក់ ខណៈទេសរដ្ឋមន្ត្រី ក្នុងអាណត្តិមុនមួយចំនួន [...]

CNRP ស្នើឲ្យ​អនុវត្ត​មាត្រា៥ នៃ​កិច្ច​ព្រមព្រៀង​ក្រុង​ប៉ារីស ១៩៩១ ដើម្បីប្រជុំ​ចាត់​វិធានការ

CNRP ស្នើឲ្យ​អនុវត្ត​មាត្រា៥ នៃ​កិច្ច​ព្រមព្រៀង​ក្រុង​ប៉ារីស ១៩៩១ ដើម្បីប្រជុំ​ចាត់​វិធានការ

គណបក្សសង្គ្រោះជាតិ បានបង្ហាញជំហររបស់ផងខ្លួន បដិសេធរដ្ឋសភាកម្ពុជា ដែលបង្កើតឡើងពីម្សិលម៉ិញ និងរដ្ឋាភិបាលលោក ហ៊ុន  សែន ដែលបង្កើតឡើងនៅថ្ងៃនេះ ដោយហៅការបង្កើតស្ថាប័នជាតិទាំងពីរនេះ នឹងនាំតែភាពឈឺចាប់ ដល់ពលរដ្ឋខ្មែប៉ុណ្ណោះ។ គណបក្សប្រឆាំងដ៏សំខាន់មួយនេះ បានទាមទារឲ្យអនុវត្តមាត្រា ៥ នៃកិច្ចព្រមព្រៀងសន្តិភាពក្រុងប៉ារីស ឆ្នាំ១៩៩១ ដែលសហប្រធាន នៃកិច្ចព្រមព្រៀងនេះ ត្រូវប្រជុំពិភាក្សាឡើងវិញ ដើម្បីស្វែងរកវិធានការសមស្រប ជាបន្ទាន់។

សេចក្ដីថ្លែងការណ៍របស់គណបក្ស ដែលទស្សនាវដ្ដីមនោរម្យ.អាំងហ្វូ ទើបនឹងទទួលបាន កាលពីមុននេះបន្តិច បានលើកឡើងថា រដ្ឋសភាឯកបក្ស ដែលត្រូវបានបង្កើតឡើង យ៉ាងចម្រូងចម្រាស កាលពីម្សិលម៉ិញ មុននឹងប្រសូតចេញ នូវរដ្ឋាភិបាលរបស់លោក ហ៊ុន សែន ក្នុងថ្ងៃនេះ បានកើតចេញ ពីការបោះឆ្នោតជាតិ ដែលគណបក្សប្រឆាំងហៅថា ក្លែងក្លាយ និងមិនបានឆ្លុះបញ្ចាំង ពីឆន្ទៈរាស្ត្រពិតប្រាកដទេ។

[...]

ខ្មែរ​នៅ​អ៊ឺរ៉ុប​ផ្ញើរ​ញត្តិ​ជូន ម៉ាក្រុង ស្នើ​ប្រទេស​មហា​អំណាច​កុំ​ទទួល​ស្គាល់​រដ្ឋាភិបាលកម្ពុជាថ្មី

ខ្មែរ​នៅ​អ៊ឺរ៉ុប​ផ្ញើរ​ញត្តិ​ជូន ម៉ាក្រុង ស្នើ​ប្រទេស​មហា​អំណាច​កុំ​ទទួល​ស្គាល់​រដ្ឋាភិបាលកម្ពុជាថ្មី

បដិសេធ មិនទទួលស្គាល់រដ្ឋាភិបាលកម្ពុជា អាណត្តិថ្មី និងដាក់ទណ្ឌកម្មរួមគ្នា ឲ្យបានខ្លាំងបំផុត ចំពោះទង្វើរបស់រដ្ឋាភិបាល លោក ហ៊ុន សែន។ នេះ ជាការស្នើសុំពីរចំណុច នៅក្នុងញត្តិ​មួយច្បាប់ មានពីរទំព័រ របស់ក្រុមបាតុករខ្មែរ និងមិត្តភ័ក្របរទេស របស់កម្ពុជា ដែលរស់នៅក្នុងប្រទេសបារាំង និងក្នុងទ្វីបអ៊ឺរ៉ុប ផ្ញើរទៅកាន់ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron)។

ក្រុមបាតុករដែលបានជួបជុំគ្នា កាលពីថ្ងៃទី១ ខែកញ្ញា ឆ្នាំ២០១៨ នៅលើទីលានត្រូកាដេរ៉ូ (Trocadero - ទល់មុខ​តួ​អេហ្វែល) កណ្ដាលរដ្ឋធានី ប៉ារីស បានធ្វើការរំលឹក នៅក្នុងញត្តិនោះថា បើទោះជា​រដ្ឋាភិបាលបារាំង បាន​«ទាមទារឲ្យអាជ្ញាធរកម្ពុជា ចាំបាច់ត្រូវគោរពសិទ្ធិពលរដ្ឋ ជាមូលដ្ឋានគ្រឹះទាំងឡាយ ដែលអនុញ្ញាតឲ្យធានាបាន [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...