ហ៊ុន សែន បញ្ជាឲ្យបន្តបោះបង្គោលព្រំដែន និងឲ្យចាប់អ្នកណាហ៊ានប្រឆាំង
ជាថ្មីម្ដងទៀត នាយករដ្ឋមន្ត្រីកម្ពុជា បានថ្លែងព្រមានខ្លាំងៗ ឲ្យចាត់វិធានការ«តាមច្បាប់» ទៅកាន់បុគ្គលណា ឬក្រុមណាក៏ដោយ ដែលនៅតែបន្តចោទរដ្ឋាភិបាល របស់លោក ថាបានប្រើប្រាស់ផែនទីក្លែងក្លាយ ឬផែនទីចោរ។ លោក ហ៊ុន សែន នាយករដ្ឋមន្ត្រីបីទសវត្សន៍ នៅកម្ពុជា បានបង្គាប់ ទៅគ្រប់មន្ត្រីមានសមត្ថកិច្ចទាំងអស់ ឲ្យធ្វើការចាប់ខ្លួនជននោះ ឬក្រុមនោះភ្លាមៗ នៅនឹងកន្លែង ដោយគ្មានការលើកលែងឡើយ ទោះជនឬក្រុមនោះ លើកឡើងថា រដ្ឋាភិបាលកំពុងរំលោភសិទ្ធិ នៃការបញ្ចេញមតិ ឬសិទ្ធិក្នុងការចូលរួម ធ្វើនយោបាយនោះក៏ដោយ។
លោក ហ៊ុន សែន បានថ្លែងឡើងថា៖ «ចាប់ខ្លួនអ្នកណាក៏ដោយ ដែលហ៊ាននិយាយថា រដ្ឋាភិបាល ប្រើប្រាស់ផែនទីក្លែងក្លាយ។ បើទុកសភាពការណ៍ដូច្នេះ នឹងមានសង្គ្រាមកើតឡើង។ (...) បើខុស ពីគណបក្សប្រជាជនកម្ពុជាដឹកនាំនោះ ប្រទេសនឹងមានសង្គ្រាម។ ដូច្នេះខ្ញុំសូមបញ្ជាក់ថា មិនអត់មានឲ្យនរណាមួយ ហ៊ានប្រើពាក្យថាផែនទីក្លែងក្លាយ ផែនទីចោរ [...]