អ៊ឺរ៉ូ២០១៦៖ គ្មានរ៉ូណាល់ដូ តែព័រទុយហ្គាល់ឈ្នះជើងឯកអ៊ឺរ៉ុប បន្ទាប់ពីផ្ដួលបារាំង
ក្ដីសុបិន្តរបស់ក្រុមជម្រើសជាតិ ព័រទុយហ្គាល់ បានក្លាយជាការពិត ខណៈក្រុមបារាំង ដែលជាម្ចាស់ផ្ទះ បានត្រឹមតែឈរមើលភ្ញៀររបស់ខ្លួន លើកពានជើងឯកប្រចាំទ្វីបអ៊ឺរ៉ុប ឆ្នាំ២០១៦នេះប៉ុណ្ណោះ។ នៅក្នុងការប្រកួតផ្ដាច់ព្រ័ត្រ យប់ថ្ងៃទី១០ ខែកក្កដា ឆ្នាំ២០១៦ នាកីឡាដ្ឋាន «Stade de France» (ខាងជើងជាប់រដ្ឋធានីប៉ារីស) នេះ ក្រុមបារាំងបានធ្លាក់ជើង នៅចុងបញ្ចប់នៃការបន្ថែមម៉ោងលើកទីពីរ (៤៥+៤៥+១៥+១៥) ដោយបណ្ដាលឲ្យកីឡាករខ្សែប្រយុទ្ធឈ្មោះ «Eder» របស់ក្រុមព័រទុយហ្គាល់ ទាត់បាល់រាបផ្ទាល់នឹងដី រកពិន្ទុឲ្យក្រុមខ្លួន បាន១ទល់នឹង០។
ប៉ុន្តែបើពិនិត្យទៅលើសាច់បាល់ពីដំបូងមកវិញ ក្រុមព័រទុយហ្គាល់មិនបានផ្ដល់ក្ដីសង្ឃឹមប៉ុន្មាន សម្រាប់ក្រុមអ្នកគាំទ្រទេ ជាពិសេសនៅចំពោះការចាកចេញ នៅនាទីទី២៥ [...]
