Posts tagged as "Thorng Sarath"

ខ្សែអាត់ ថោង សារ៉ាត់ បញ្ចូល​សម្លេង​ដោយ ខ័ណ្ឌ ច័ន្ទសុផល?

ខ្សែអាត់ ថោង សារ៉ាត់ បញ្ចូល​សម្លេង​ដោយ ខ័ណ្ឌ ច័ន្ទសុផល?

ខ្សែអាត់«សម្លេង»ចំនួនពីរ​ខ្សែ ដែល​អះអាង​ថា​ខ្លួន​ឈ្មោះ ថោង សារ៉ាត់ នោះ ត្រូវ​បាន​បង្ហោះ​ក្នុង​បណ្តាញ​ព័ត៌មាន​សង្គម​ជា​បន្ត​បន្ទាប់។ យ៉ាង​ណា​ក៏​ដោយ មិន​ទាន់​មាន​ការ​បញ្ជាក់ ពី​ជំនាញ​មាន​សមត្ថកិច្ច​ណា​មួយ​ថា ជា​សម្លេង​របស់​បុគ្គល​ណា​មួយ ឲ្យ​ពិត​ប្រាកដ​នៅ​ឡើយ។ ប៉ុន្តែ​ខ្សែ​អាត់​សម្លេង​នោះ ត្រូវ​បាន​អ្នក​ប្រើប្រាស់​បណ្តាញ​សង្គម​ហ្វេសប៊ុក​មួយ​ចំនួន ធ្វើការ​ប្រៀប​ធៀប​ទៅ​នឹង​សម្លេង​របស់​លោក ខ័ណ្ឌ ច័ន្ទសុផល។

ខ្សែអាត់សម្លេង​«ទី​ពីរ» ដែល​បាន​បញ្ជាក់​ជា​«ថ្មី»​ថា​ខ្លួន​ឈ្មោះ ថោង សារ៉ាត់ បាន​ចេញ​ផ្សាយ​ជា​ថ្មី​លើ​បណ្តាញ​សង្គម​ហ្វេសប៊ុក ដោយ​ស្នើ​ដល់​លោក សម រង្សី និង​លោក កឹម សុខា អន្តរាគមន៍​ជួយ​ដល់​ខ្លួន និង​គ្រួសារ ឲ្យ​បាន​រួច​ពី​ការ​ចោទ​ប្រកាន់​របស់​អាជ្ញាធរ និង​តុលាការ។ ខ្សែ​អាត់​សម្លេង​នេះ ក៏​ត្រូវ​បាន​ចេញផ្សាយ​ត​ៗគ្នា ដោយ​បណ្តាញ​ព័ត៌មាន​ក្នុង​ស្រុក មួយ​ចំនួន​នា​ថ្ងៃ​ទី៩ ខែ​ធ្នូ [...]

សមត្ថកិច្ច​វិភាគ​សម្លេង​ ថោង សារ៉ាត់ និង​តាម​​ចាប់​​ខ្លួន​ប្រពន្ធ​ទី​១ ​និង​ប្អូន​ថ្លៃ​៣​នាក់​

សមត្ថកិច្ច​វិភាគ​សម្លេង​ ថោង សារ៉ាត់ និង​តាម​​ចាប់​​ខ្លួន​ប្រពន្ធ​ទី​១ ​និង​ប្អូន​ថ្លៃ​៣​នាក់​

កាលពីថ្ងៃទី៩ ខែធ្នូម្សិលម៉ិញនេះ អ្នក​នាំ​ពាក្យ​នគរបាល​ជាតិ​លោក គៀត ចន្ទថារិទ្ធ បាន​បញ្ជាក់​ប្រាប់​អ្នក​សារព័ត៌មាន​ថា មន្រ្តី​ជំនាញ​របស់​លោក កំពុង​ធ្វើការ​ផៀង​ផ្ទាត់​សម្លេង ដែល​ត្រូវ​បាន​បង្ហោះ​តាម​បណ្តាញ​សង្គម។ តាម​រយៈ​សម្លេង​នោះ បាន​បង្ហាញ​ថា ខ្លួន​ឈ្មោះ ថោង សារ៉ាត់ បាន​រង​នូវ​ការ​ចោទ​ប្រកាន់​យ៉ាង​អយុត្តិធម៌ និង​ស្នើ​សុំ​ឲ្យ​លោក​នាយក​រដ្ឋមន្រ្តី ហ៊ុន សែន ជួយ​ផ្តល់​យុត្តិធម៌​សម្រាប់​ក្រុម​គ្រួសារ​របស់​លោក​ផង​ដែរ។

ការបញ្ជាក់ខាងលើ​របស់​អ្នក​នាំ​ពាក្យ​នគរបាល​ជាតិ​រូប​នេះ បាន​ធ្វើ​ឡើង​បន្ទាប់​ពី​បណ្ដាញ​សង្គម និង​សារព័ត៌មាន​មួយ​ចំនួន បាន​ធ្វើការ​ផ្សព្វផ្សាយ​ជា​បន្ត​បន្ទាប់ ចាប់​ពី​ថ្ងៃ​ទី០៨ ខែ​ធ្នូ​មក។ លោក​បន្ថែម​ដូច្នេះ​ថា ក្នុង​ពេល​ឆាប់ៗ​ខាង​មុខ​នេះ ក្រុម​ជំនាញ​នឹង​អាច​បញ្ជាក់​បាន​ថា តើ​សម្លេង​នេះ​ពិត​ប្រាកដ​ជា​សម្លេង របស់​លោក ថោង សារ៉ាត់ ឬ​មិន​មែន? [...]

ខ្សែ​អាត់​សម្លេង ថោង សារ៉ាត់ ថា​ករណី​ខ្លួន​ជា​រឿង​«ស្វា​ស៊ី​បាយ​លាប​មាត់​ពពែ»

ខ្សែ​អាត់​សម្លេង ថោង សារ៉ាត់ ថា​ករណី​ខ្លួន​ជា​រឿង​«ស្វា​ស៊ី​បាយ​លាប​មាត់​ពពែ»

ជាមួយនឹងសម្លេងយំយែក លោកឧកញ៉ា ថោង សារ៉ាត់ ដែល​កំពុង​រត់​គេច​ខ្លួន បាន​អំពាវនាវ​ឱ្យ​លោក​នាយក​រដ្ឋមន្ត្រី ជួយ​រក​យុត្តិធម៌​ដល់​គ្រួសារ​របស់​លោក ព្រម​ទាំង​បាន​បដិសេធ នូវ​រាល់​ការ​ចោទ​ប្រកាន់​ទាំង​អស់ របស់​សមត្ថកិច្ច​ដែល​ចោទ​ប្រកាន់​ថា លោក​គឺ​ជា​ឃាតករ​សម្លាប់​លោក​ឧកញ៉ា អ៊ឹង ម៉េងជឺ។

ឧកញ៉ា​វ័យ​ក្មេង​រូប​នោះ បាន​និយាយ​ថា មាន​តែ​លោក​នាយក​រដ្ឋមន្រ្តី ហ៊ុន សែន តែ​ប៉ុណ្ណោះ ដែល​អាច​ជួយ​រក​យុត្តិធម៌​ឱ្យ​ខ្លួន និង​ក្រុម​គ្រួសារ​បាន។ លោក​សំណូមពរ​ឱ្យ​នាយក​រដ្ឋមន្រ្តី ជួយ​ធ្វើ​អន្តរាគមន៍​ធ្វើការ​ស៊ើប​អង្កេត​ករណី​នេះ​ឡើង​វិញ ព្រោះ​វា​ជា​រឿង​អយុត្តិធម៌​ខ្លាំង​ណាស់ សម្រាប់​គ្រួសារ​របស់​លោក ដែល​ត្រូវ​គេ​មូល​បង្កាច់។

លោក ថោង សារ៉ាត់ ទទូចដល់បុរសខ្លាំងតែមួយ នៅកម្ពុជាថា៖ «សុំក្តីមេត្តាទៅ សុំត្រួតពិនិត្យឡើងវិញ ស៊ើប​អង្កេតឡើងវិញគ្រប់​ការងារហ្នឹង ការងារនេះអយុត្តិធម៌ខ្លាំងណាស់។ [...]

ថោង សារ៉ាត់ ​​គេច​​ខ្លួន​បាត់​ឈឹង ខណៈ​ឪពុក​ម្តាយ​​ចូល​​ពន្ធនាគារ​​ជំនួស

ថោង សារ៉ាត់ ​​គេច​​ខ្លួន​បាត់​ឈឹង ខណៈ​ឪពុក​ម្តាយ​​ចូល​​ពន្ធនាគារ​​ជំនួស

ខណៈពេលដែលអង្គរក្សទាំងបួន និង​ឪពុក​ម្តាយ ត្រូវ​បាន​តុលាការ​សាលា​ដំបូង​រាជធានី​ភ្នំពេញ សម្រេច​ឃុំ​ខ្លួន​នៅ​ពន្ធនាគារ​ព្រៃសរ​នោះ លោក ថោង សារ៉ាត់ ឯ​ណេះ​វិញ កំពុង​ស្ថិត​ក្នុង​ការ​គេច ឬ​លាក់​ខ្លួន​បាត់​ដំណឹង​ឈឹង។ បញ្ហា​នេះ​ត្រូវ​បាន​ប្រធាន​អនុ​គណៈកម្មការ ការពារ រក្សា​សន្តិសុខ លោក នេត សាវឿន បញ្ជាក់​ប្រាប់​អ្នក​សារព័ត៌មាន​ថា កម្លាំង​ជំនាញ​កំពុង​តាម​ចាប់​ខ្លួន​មេ​ឧក្រិដ្ឋ​ជន​រូប​នេះ  ហើយ​លោក​រំពឹង​ថា នឹង​អាច​ចាប់​បាន ក្នុង​ពេល​ឆាប់ៗ​ដ៏​ខ្លី​នេះ។

ឯអ្នកស្រី ឌួង ថាវរី ដែល​ត្រូវ​ជា​ភរិយា​ទី​មួយ​របស់​លោក ថោង សារ៉ាត់ រួម​ទាំង​បង​ប្អូន​បី​នាក់​ផ្សេង​ទៀត មាន​ឈ្មោះ តាំង សុខ, សុខ ខេង និង​ សុខ ឡាយ ក៏​ស្ថិត​ក្នុង​ការ​រត់​គេច​ខ្លួន​ដែរ។ មក​ទល់​ពេល​នេះ អ្នក​ទាំង​បួន​នាក់ នៅ​មិន​ទាន់​មាន​ការ​បញ្ជាក់​ពី​សមត្ថកិច្ច ឬ​តុលាការ ថា​នឹង​មាន​ជាប់​ពាក់​ព័ន្ធ ឬ​យ៉ាង​ណា​នោះនៅ​ឡើយ​។

សូមរំលឹកថា [...]

អង្គរក្ស ថោង សារ៉ាត់ អាច​ជា​ឃាតករ​«សិប្បនិមិត្ត»?

អង្គរក្ស ថោង សារ៉ាត់ អាច​ជា​ឃាតករ​«សិប្បនិមិត្ត»?

ក្រោមការចោទប្រកាន់ និង​ចាប់​ខ្លួន​ក្រុម​គ្រួសារ និង​អង្គរក្ស​លោក​ឧកញ៉ា ថោង សារ៉ាត់ ត្រូវ​បាន​មតិ​មួយ​ចំនួន​ធ្វើការ​បង្ហាញ និង​នឹក​ឃើញ​ដល់​ករណី ប៊ន សំណាង និង​សុខ សំអឿន ដ៏​អាស្រូវ ដែល​ត្រូវ​បាន​ចោទ​ប្រកាន់ ថា​ជា​«ឃាតក ឬ​ជន​ដៃដល់» សម្លាប់​លោក​ ជា វិជ្ជា នា​ពេល​កន្លង​មក។

ចំពោះករណីរបស់លោក ថោង សារ៉ាត់ នេះ ដោយ​សារ​អវត្តមាន​នៃ​ការ​បង្ហាញ​ភស្តុតាង​«រឹង» ពី​សំណាក់​សមត្ថកិច្ច បាន​ធ្វើ​ឲ្យ​អ្នក​ផង​យល់​ថា វា​បាន​ស៊ី​ចង្វាក់​ទៅ​នឹង​រឿង​ក្តី​របស់ ប៊ន សំណាង និង​សុខ សំអឿន រហូត​ដល់​តុលាការ​កំពូល​បាន​សម្រេច​ដោះ​លែង​ឲ្យ​មាន​សេរីភាព​វិញ។ តែ​ទម្រាំ​មាន​សេរីភាព​វិញ ជន​ទាំង​ពីរ​បាន​ជាប់​ក្នុង​ពន្ធនាគារ ដោយ​គ្មាន​កំហុស​និង​គ្មាន​សំណង​ជំងឺ​ចិត្ត អស់​រយៈ​ពេល​ជាង​១០​ឆ្នាំ។

រីឯការចាប់ខ្លួនអង្គរក្ស របស់លោក ថោង សារ៉ាត ក្រៅពីការបញ្ជាក់ថា ជនទាំងបួនសារភាពនោះ សមត្ថកិច្ច​នៅមិនទាន់បង្ហាញភស្តុតាងណាមួយ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...