Posts tagged as "Séoul"

ប្រធានាធិបតី​កូរ៉េ​ខាង​ត្បូង នឹង​បញ្ជូន​បេសកជន​ពិសេស​ទៅ​កូរ៉េ​ខាង​ជើង សប្ដាហ៍​ក្រោយ

ប្រធានាធិបតី​កូរ៉េ​ខាង​ត្បូង នឹង​បញ្ជូន​បេសកជន​ពិសេស​ទៅ​កូរ៉េ​ខាង​ជើង សប្ដាហ៍​ក្រោយ

សេចក្ដីប្រកាព័ត៌មាន ដែលចេញផ្សាយ ដោយខុទ្ទកាល័យប្រធានាធិបតីកូរ៉េខាងត្បូង បានឲ្យដឹងថា ភាគីខ្លួនបានផ្ញើរសារមួយ កាលពីថ្ងៃពុធកន្លងមក ពីគម្រោងបញ្ជូន​បេសសកជនពិសេស កូរ៉េខាងត្បូង ទៅកាន់ប្រទេសកូរ៉េខាងជើង។ សេចក្ដីប្រកាសព័ត៌មានដដែល បានបញ្ជាក់ថា សាធារណរដ្ឋប្រជាធិបតេយ្យប្រជាមានិតកូរ៉េ (ឈ្មោះផ្លូវការ របស់ប្រទេសកូរ៉េកុម្មុយនីស្ដិ៍) បានឆ្លើយតបមកវិញ ក្នុងរសៀលថ្ងៃសុក្រនេះ ថាខ្លួនយល់ព្រម នឹងត្រៀមទទួលគណៈប្រតិភូនេះ។

បេសកជនពិសេស របស់លោកប្រធានាធិបតី មូន ចេ-អ៊ីន (Moon Jae-in) នឹងពិភាក្សាលំអិត ជាមួយសមភាគីរបស់ខ្លួន នៅក្នុងប្រទេសកូរ៉េខាងជើង ដោយលើកពីកាលវិភាគច្បាស់លាស់ នៃជំនួបកំពូលអន្តរកូរ៉េលើកក្រោយ រវាងមេដឹកនាំកំពូល ទាំងពីររូប គឺលោក មូន ចេ-អ៊ីន និងអគ្គមគុទេសន៍កូរ៉េខាងជើង លោក គីម ជុង-អ៊ុន (Kim Jong-Un)។

មេដឹកនាំទាំងពីរ ធ្លាប់បានអះអាងកាលពីពេលកន្លងមកថា ជំនួបកំពូល​លើកទី៣របស់ផងខ្លួន [...]

គីម និង មូន បាន​ជួប​គ្នា​យ៉ាង​ភ្ញាក់​ផ្អើល ក្នុង​ថ្ងៃ​សៅរ៍​ម្សិលម៉ិញ

គីម និង មូន បាន​ជួប​គ្នា​យ៉ាង​ភ្ញាក់​ផ្អើល ក្នុង​ថ្ងៃ​សៅរ៍​ម្សិលម៉ិញ

ប្រធានាធិបតីកូរ៉េខាងត្បូង លោក មូន ចេ-អ៊ីន (Moon Jae-in) បានជួបជជែកជាមួយ អគ្គមគុទេសន៍កូរ៉េខាងជើង លោក គីម ជុង-អ៊ុន (Kim Jong-Un) កាលពីសៅរ៍ នៅក្នុងតំបន់គ្មានយោធាមួយ ដែលស្ថិតនៅលើព្រំដែន នៃប្រទេសកូរ៉េទាំងពីរ។ នេះ បើតាមការប្រកាសឲ្យដឹង របស់ការិយាល័យប្រធានាធិបតីកូរ៉េខាងត្បូង នៅមួយថ្ងៃក្រោយ ពីការប្រកាសប្ដូរជំហរ របស់ប្រធានាធិបតីអាមេរិក លោក ដូណាល់ ត្រាំ (Donald Trump) ដែលលើកឡើងថា ជំនួបកំពូលរវាងលោក ត្រាំ និងលោក គីម អាចនឹងប្រព្រឹត្តិទៅបាន នៅថ្ងៃទី ១២ ខែមិថុនាខាងមុខ។

មុននេះប៉ុន្មានថ្ងៃ លោក ដូណាល់ ត្រាំ បានសម្រេច​លប់ជំនួបកំពូល​ចោល ជាឯកតោភាគី តាមរយៈលិខិតមួយ​របស់លោក ដែល​ចុះថ្ងៃទី២៤ ខែឧសភា ឆ្នាំ២០១៨ ផ្ញើរទៅកាន់​លោក គីម ជុង-អ៊ុន។ ប្រធានាធិបតីអាមេរិក បានលើក​ពីមូលហេតុដ៏ខ្លី រុញ​ការទទួលខុសត្រូវ នៃការលប់ចោល​នេះ ទៅលើ «កំហឹងដ៏ធំធេង និងអរិភាព ដែល​បានបង្ហាញ នៅក្នុងសេចក្តី​ថ្លែងការណ៍ថ្មីៗបំផុត» [...]

«លែងមានសង្គ្រាម នៅលើឧបទ្វីបកូរ៉េទៀតហើយ»

«លែងមានសង្គ្រាម នៅលើឧបទ្វីបកូរ៉េទៀតហើយ»

មេដឹកនាំ នៃប្រទេសកូរ៉េគូសត្រូវទាំងពីរ បានចាប់ដៃគ្នា នៅរសៀលថ្ងៃសុក្រនេះ បន្ទាប់ពីបានចុះហត្ថលេខា នៅលើសេចក្ដីថ្លែងការណ៍រួមមួយ ដែលអះអាងថា «នឹងលែងមានសង្គ្រាម នៅលើឧបទ្វីបកូរ៉េទៀតហើយ»។

វាជាការជួបគ្នាដំបូង និងមានលក្ខណៈ ជាប្រវត្តិសាស្ត្រ រវាងប្រធានាធិបតីកូរ៉េខាងត្បូង លោក មូន ចេ-អ៊ីន (Moon Jae-in) និងអគ្គមគ្គុទេសកូរ៉េខាងជើង លោក គីម ជុង-អ៊ុន (Kim Jong-un) បន្ទាប់ពីជំនួបលើកមុនៗ តាំងពីច្រើនជាង ១១ឆ្នាំកន្លងទៅ។ លោក គីម បានក្លាយជាមេដឹកនាំកូរ៉េកុម្មុយនីស្ដិ៍ លើកដំបូងគេ ដែលបានឈានជើង ជាន់លើដីរបស់កូរ៉េខាងត្បូង រាប់តាំងពីសង្គ្រាមកូរ៉េ ត្រូវបានផ្អាក ដោយបទឈប់បាញ់មួយ កាលពី៦៥ឆ្នាំមុន។

សេចក្ដីថ្លែងការណ៍រួម បានសរសេរឡើងថា ប្រទេសកូរ៉េទាំងពីរ នឹងធ្វើការរួមគ្នា ដើម្បីបញ្ចៀសឲ្យបាន ពី«ភាពច្រំដែល នៃអតីតកាលដ៏ជូរចត់ ដែលបានកើតឡើង បន្ទាប់ពីមានកិច្ចព្រមព្រៀងអន្តរកូរ៉េ ក្នុងពេលមុនៗ។ [...]

ជំនួបគីម-មូន៖ «ប្រវត្តិសាស្ត្រថ្មីមួយ ចាប់ផ្ដើមពីពេលនេះ»

ជំនួបគីម-មូន៖ «ប្រវត្តិសាស្ត្រថ្មីមួយ ចាប់ផ្ដើមពីពេលនេះ»

ជាមួយនឹងស្នាមញញឹម ក្នុងអំឡុងពេលដែលអគ្គមគ្គុទេសក៍កូរ៉េខាងជើង លោក គីម ជុង-អ៊ុន (Kim Jong-un) ដើរមកចាប់ដៃ នៅលើបន្ទាត់ព្រំដែន រវាងកូរ៉េទាំងពីរនោះ លោក មូន ចេ-អ៊ីន (Moon Jae-in) ប្រធានាធិបតីកូរ៉េខាងត្បូង បានបន្លឺពាក្យដំបូងថា៖ «ខ្ញុំរីករាយណាស់ ដែលបានជួបលោក»។

លោក គីម បានបោះជំហាន ចូលមកក្នុងទឹកដីកូរ៉េខាងត្បូង ដោយនៅតែឈរចាប់ដៃ ប្រធានាធិបតីកូរ៉េខាងត្បូង ដើម្បីទុកឲ្យបណ្ដាអ្នកថតរូប ផ្តិតចាប់យករូបភាព មុននឹងមេដឹកនាំទាំងពីរ បានដើរថយក្រោយ ជានិមិត្តរូប ចូលទៅក្នុងទឹកដីកូរ៉េខាងជើង មួយជំហានវិញ ទើបចេញដំណើរពីទីនោះ ឆ្ពោះទៅកាន់វិមានសន្តិភាព ដែលស្ថិតក្នុងក្រុង «Panmunjom» នៅជាប់ព្រំដែន ហើយធ្លាប់​ជាកន្លែង​ចុះហត្ថលេខា​ឈប់បាញ់ រវាងភាគីគូសត្រូវទាំងពីរ កាលពីឆ្នាំ១៩៥៣។

ពេលមកដល់វិមានសន្តិភាព លោក គីម ជុង-អ៊ុន បានសរសេរនៅក្នុងក្រាំងមាសមួយ យ៉ាងដូច្នេះថា៖ «ប្រវត្តិសាស្ត្រថ្មីមួយ [...]

ប្រមុខ​ដឹកនាំ​នៃ​ប្រទេស​គូ​សត្រូវ​ទាំង​ពីរ នឹង​ជួប​គ្នា​ស្អែក

ប្រមុខ​ដឹកនាំ​នៃ​ប្រទេស​គូ​សត្រូវ​ទាំង​ពីរ នឹង​ជួប​គ្នា​ស្អែក

នាយកខុទ្ទកាល័យប្រធានាធិបតី នៃប្រទេសកូរ៉េខាងត្បូង លោក «Im Jong-seok» បានប្រកាសនៅថ្ងៃព្រហស្បត្តិ៍នេះថា លោកប្រធានាធិបតី មូន ចេ-អ៊ីន (Moon Jae-in) នឹងទទួលជួបសមភាគីរបស់លោក ជាលក្ខណៈនិមិត្តរូប នៅលើផ្នែកម្ខាង នៃខ្សែបន្ទាត់ខណ្ឌចែក រវាងប្រទេសកូរ៉េខាទាំងពីរ ដែលជាតំបន់គ្មានយោធា។

«ផ្នែកម្ខាង»នេះ ស្ថិតក្នុងទឹកដី នៃប្រទេសកូរ៉េខាងត្បូង។ បើសិនជាលោក គីម ជុង-អ៊ុន (Kim Jong-un) អគ្គមគ្គុទេសក៍ នៃប្រទេសកូរ៉េខាងជើង បានឈានជំហាន ឆ្លងកាត់ខ្សែបន្ទាត់នេះ លោកនឹងក្លាយ​ជា​មេដឹកនាំ​កូរ៉េ​កុម្មុយនីស្ដិ៍​លើក​ដំបូង​បង្អស់ ដែលបានជាន់ដីកូរ៉េខាងត្បូង រាប់ចាប់តាំងពីសង្គ្រាមកូរ៉េ ដែលបានបញ្ចប់ទៅ ដោយកិច្ចព្រមព្រៀងឈប់បាញ់មួយ កាលពី៦៥ឆ្នាំមុន។

នៅក្នុងគម្រោងជំនួប រវាងមេដឹកនាំទាំងពីរ លោក គីម នឹងធ្វើការត្រួតពល ដែលជាពិធីការកិត្តិយស សម្រាប់ទទួលមេដឹកនាំបរទេស ហើយបន្ទាប់មក លោក​ទាំងពីរ នឹងដើរដោយថ្មើរជើង [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...