បាល់ទាត់អង់គ្លេស៖ ហារី រ៉េដណេប នឹងនៅបន្តជាមួយក្រុម ឃ្យូភីអរ
ម្ចាស់ក្លឹប ឃ្យូភីអរ (QPR) លោក តូនី ហ្វឺណាន់ដេស (Tony Fernandes) បានចេញមកបដិសេធចំពោះសេចក្តីរាយការណ៏ថាគ្រូបង្វឹក លោក ហារី រ៉េដណេប (Harry Redknapp) អាចនឹងចាកចេញពីក្លឹប បន្ទាប់ពីក្រុមមួយនេះ បានធ្លាក់ចេញពីក្របខ័ណ្ឌព្រីមែលីក (Premier League)។
គ្រូបង្វឹក លោក ហារី រ៉េដណេប របស់ក្រុម ឃ្យូភីអរ របស់អង់គ្លេស។
លោក ហ្វឺណាន់ដេស បានជួបលោក រ៉េដណេប កាលពីថ្ងៃច័ន្ទ និងបានពិភាក្សាអំពី អនាគតរបស់ក្រុម ហើយក្នុងនោះក៏បានលេចលឺពត៌មានថា គ្រូបង្វឹករូបនេះ អាចនឹងចាកចេញពីក្លឹបនាកីឡាដ្ឋាន លូហ្វទូស រ៉ូដ (Loftus Road)។
ទោះបីជាយ៉ាងណា លោក ហ្វឺណាន់ដេស បាននិយាយប្រាប់ថា លោក ហារី រ៉េណេប នឹងនៅធ្វើជាគ្រូបង្វឹកក្រុមឃ្យូភីអរ បន្តទៀត បន្ទាប់ពីគាត់បានពិភាក្សាជាមួយអតីតគ្រូបង្វឹកក្រុម [...]
