ប៊ែកខេម នៅ​តែ​ជា​កីឡាករ ដែល​រក​ចំណូល​បាន​ច្រើន​ជាង​គេ

កីឡាករជើងចាស់ សញ្ជាតិអង់គ្លេស ដែលទើបតែទៅចូលរួមជាមួយនឹងក្រុម ប៉ារីស ហ្សិន ជឺម៉ិន (Paris Saint-Germain) ក្នុងកិច្ចសន្យារយះពេលខ្លីរូបនេះ នឹងលេងឲ្យក្រុមប៉ារីសរហូតដល់ចប់រដូវកាល។ បន្ទាប់មកគាត់នឹងបញ្ចប់អាជីព ជាកីឡាករបាល់ទាត់ ប៉ុន្តែទោះជាមានវ័យចំណាស់បន្តិចក្តី ក៏កីឡាកររូបនេះ មានចំណូលច្រើនជាង កីឡាករឆ្នើមប្រចាំឆ្នាំ របស់ពិភពលោក លីយ៉ូនែល ម៉េស៊ី (Lionel Messi) និងកីឡាករ របស់ក្រុមរៀលម៉ាឌ្រីដ (Real Madrid) គ្រីស្ទែណូ រ៉ូណាល់ដូ (Cristiano Ronaldo)។

ទស្សនាវដ្តីបាល់ទាត់របស់ប្រទេសបារាំង បានឲ្យដឹងថា កីឡាករ ដេវ៉ីដ ប៊ែកខេម (David Beckham) គឺជាកីឡាករមួយរូប ដែលមានប្រាក់ ចំណូលខ្ពស់ជាងគេ ក្នុងពិភពលោក។


កីឡាករ ដេវ៉ីដ ប៊ែកខេម ទាត់អោយក្រុមបាល់ទាត់របស់ទីក្រុងប៉ារីស។

កីឡាករជើងចាស់ សញ្ជាតិអង់គ្លេស ដែលទើបតែទៅចូលរួមជាមួយនឹងក្រុម ប៉ារីស ហ្សិន ជឺម៉ិន (Paris Saint-Germain) ក្នុងកិច្ចសន្យារយះពេលខ្លីរូបនេះ នឹងលេងឲ្យក្រុមប៉ារីសរហូតដល់ចប់រដូវកាល។ បន្ទាប់មកគាត់នឹងបញ្ចប់អាជីព ជា​កីឡាករបាល់ទាត់ ប៉ុន្តែទោះជាមានវ័យចំណាស់បន្តិចក្តី ក៏កីឡាកររូបនេះ មានចំណូលច្រើនជាង កីឡាករឆ្នើមប្រចាំឆ្នាំ របស់ពិភពលោក លីយ៉ូនែល ម៉េស៊ី (Lionel Messi) និងកីឡាករ របស់ក្រុមរៀលម៉ាឌ្រីដ (Real Madrid) គ្រីស្ទែណូ រ៉ូណាល់ដូ (Cristiano Ronaldo)។

ទស្សនាវដ្តីរបស់បារាំង បានរាយការណ៏ថា ប៊ែកខេម បានទទួលប្រាក់ចំណូល ៣៦លាន អ៊ឺរ៉ូ (៤៦,៧លានដុល្លា ឬ​៣០,៩​លានផោន) ក្នុងរដូវកាលឆ្នាំ២០១២-២០១៣ ដែលធ្វើឲ្យគាត់នាំមុខ ទៅលើកីឡាករ បាឡន់ដរ (Ballon d'Or) ៤សម័យ​កាល លីយ៉ូនែល ម៉េស៊ី។

ប៊ែកខេម បានចេកចេញពីក្រុម ឡូស អេនជេឡេស កាឡាស៊ី (Los Angeles Galaxy) កាលពីខែធ្នូរ។ នៅក្នុងក្រុមប៉ារីស គាត់មានប្រាក់ខែ ១,៧លានអ៊ឺរ៉ូ ហើយមានចំណូលផ្ទាល់ខ្លួន ១,៣លានអ៊ឺរ៉ូ និង ៣៣លានអ៊ឺរ៉ូទៀត បានមកពីប្រភពផ្សេងៗ បូករួមទាំងការចុះកិច្ចសន្យាផ្សព្វផ្សាយពាណិជ្ជកម្មនានា។

កីឡាករវ័យ ៣៧ឆ្នាំ ប៊ែកខេម បាននិយាយ បន្ទាប់ពីចុះកិច្ចសន្យាជាមួយនឹងក្រុមប៉ារីសថា លុយរបស់គាត់ ដែលបានមក​ពីកិច្ចសន្យាជាមួយនឹងក្រុមបាល់ទាត់នៃប្រទេសបារាំងមួយនេះ គាត់នឹងបរិច្ចាគជូនដល់អង្គការកុមារកំព្រាទាំងអស់។

ផ្ទុយទៅវិញ ចំណូល៣៥លានអ៊ឺរូ របស់កីឡាករ លីយ៉ូនែល ម៉េស៊ី មាន១៣លានអ៊ឺរ៉ូ បានមកពី ប្រាក់ខែ និងប្រាក់លើក​ទឹកចិត្តរបស់គាត់ និងចំនួនដ៏ច្រើនទៀត បានមកពីការផ្សាយពាណិជ្ជកម្ម និងប្រភពផ្សេងៗ។

កីឡាករ រ៉ូណាល់ដូ ស្ថិតនៅចំណាត់ថ្នាក់លេខ៣ មានចំណូលសរុប ៣០លានអ៊ឺរ៉ូ ក្នុងនោះ ១៣,៥លានអ៊ឺរ៉ូ បានមកពី​ប្រាក់​ខែ និងប្រាក់លើកទឹកចិត្ត និងចំនួនផ្សេងទៀត បានមកពីការចុះកិច្ចសន្យាជាមួយនឹងក្រុមហ៊ុននានា ក្នុងការផ្សាយ​ពាណិជ្ជកម្ម។

ទស្សនាវដ្តីក៏បានបង្ហាញផងដែរថា គ្រូបង្វឹករបស់ក្រុមរៀលម៉ាឌ្រីដ លោក ចូសេ ម៉ូរីញ៉ូ (Jose Mourinho) ជាគ្រូបង្វឹក​ដែល​មានប្រាក់ចំណូលច្រើនជាគេក្នុងពិភពលោក ដែលមានចំណូលប្រមាណ ១៤លានអ៊ឺរ៉ូ ក្នុងមួយឆ្នាំ។

តាមពីក្រោយដោយបុរសសញ្ជាតិអ៊ីតាលី ២រូបទៀត លោក កូឡូ អេនសេឡូទី (Carlo Ancelotti) ដែលជាគ្រូបង្វឹក​របស់​ក្រុមប៉ារីស ហ្សិន ជឺម៉ិន មាន១២លានអ៊ឺរ៉ូ និងលោក ម៉ាស្សែឡូ លីពី (Marcello Lippi) ដែលជាគ្រូបង្វឹកក្រុមបាល់ទាត់ ក្វាងស្ស៊ូ អេវើក្រែន(Guangzhou Evergrande) របស់ប្រទេសចិន មានចំណូល ១១លានអ៊ឺរ៉ូ៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៩ ខែមិនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ


Loading...

អត្ថបទទាក់ទង


មតិ-យោបល់

0 Comments