លិខិតចំហរផ្ញើរជូនប្រធានាធិបតីអាមេរិក លោក ដូណាល់ ត្រាំ (Donald Trump) ដែលទស្សនាវដ្ដីមនោរម្យ.អាំងហ្វូ ទទួលបានកាលពីម្សិលម៉ិញ ក៏ត្រូវបានលោក ទូច វិបុល ប្រធានអង្គការសម្ព័ន្ធមិត្តខ្មែរ-អាមេរិកាំង លើកយកមកអាន ផ្សាយដាក់ក្នុងវីដេអូមួយ របស់លោកនោះដែរ។ វីដេអូនោះ ត្រូវបានចែករំលែក យ៉ាងទូលំទូលាយ នៅលើបណ្ដាញសង្គម តាំងពីម្សិលម៉ិញមក។

លិខិតនោះ បានសរសេរថា៖ «ប្រទេសចិន និងវៀតណាម បានស្រោចទឹកដាក់ជី (ឲ្យ)របបហ៊ុន សែន ដើម្បីគៀបសង្កត់ប្រជាពលរដ្ឋរបស់ខ្លួន និងរក្សាអំណាចផ្តាច់ការ របស់ពួកគេ»។ លិខិតដដែល បានបន្តទៀតថា៖ «អ្នកស្រឡាញ់សន្តិភាព ចេញមុខជួយអ្នកទាំងឡាយណា ដែលបោះដៃសុំឲ្យជួយ។ នៅពេលនេះ ប្រជាពលរដ្ឋខ្មែរកំពុងសុំលោកប្រធានាធិបតី (...) ឲ្យជួយហើយ នៅថ្ងៃនេះ យើ​ងបា​នធ្វើ​នូវអ្វី ដែល​យើងត្រូវធ្វើ»។

យ៉ាងណា សម្រាប់មន្ត្រីរដ្ឋាភិបាលកម្ពុជា និងគណបក្សប្រជាជនកម្ពុជា បានច្រានចោលការលើកឡើងកន្លងមក ដែលមានទម្រង់ប្រហាក់ប្រហែលគ្នា នឹងលិខិតចំហរខាងលើ ដោយអះអាងថា កម្ពុជា​កំពុងអនុវត្តន៍ច្បាប់របស់ខ្លួន ប្រកបដោយអធិបតេយ្យភាព និងឯករាជ្យភាព ហើយគ្មានប្រទេសណាផ្សេង មានសិទ្ធិជ្រៀតជ្រែក ចូលមកកកូរកកាយកិច្ចការផ្ទៃក្នុង របស់កម្ពុជានោះបានឡើយ។

លិខិតចំហរទាំងស្រុង របស់អង្គការសម្ព័ន្ធមិត្តខ្មែរ-អាមេរិកាំង៖