មេធាវី​សុំ​ឲ្យ គឹម សុខ ​នៅ​ក្រៅ​ឃុំ ខណៈ​ត្រូវ​​ជំម្រះក្ដី​​នៅ​ចុង​ខែ​នេះ

ក្ដីក្ដាំរបស់លោក ហ៊ុន សែន ប្រឆាំងលោក គឹម សុខ អ្នកវិភាគបញ្ហាសង្គម នឹងត្រូវសាលាដំបូងរាជធានីភ្នំពេញ បើកសវនាការ​ជំនុំជម្រះ នៅថ្ងៃទី២៦ ខែកក្កដា ខាងមុខ។ ប៉ុន្តែនៅក្នុងអំឡុងពេលនេះ មេធាវីការពារក្ដី ឲ្យលោក គឹម សុខ គឺលោក​មេធាវី ជូង ជូងី បានស្នើសុំទៅតុលាការ ឲ្យដោះលែងកូនក្ដីលោក ឲ្យនៅក្រៅឃុំ ជាបណ្ដោះអាសន្ន។
មេធាវី​សុំ​ឲ្យ គឹម សុខ ​នៅ​ក្រៅ​ឃុំ ខណៈ​ត្រូវ​​ជំម្រះក្ដី​​នៅ​ចុង​ខែ​នេះ
ពីឆ្វេងទៅស្ដាំ៖ លោក គឹម សុខ អ្នកវិភាគបញ្ហាសង្គម និងលោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា។ (រូបថតលើហ្វេសប៊ុក)
Loading...
  • ដោយ: មនោរម្យ.អាំងហ្វូ ([email protected]) - ភ្នំពេញ ថ្ងៃទី១៤ កក្កដា ២០១៧
  • កែប្រែចុងក្រោយ: July 14, 2017
  • ប្រធានបទ: យុត្តិធម៌
  • អត្ថបទ: មានបញ្ហា?
  • មតិ-យោបល់

សវនាការជំនុំជម្រះក្ដី លើករណីលោក គឹម សុខ អ្នកវិភាគបញ្ហាសង្គម ក្រោមបណ្ដឹងរបស់លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា ពីបទ«ញុះញង់​ឲ្យ​ប្រព្រឹត្ត​បទឧក្រិដ្ឋ​ជា​អាទិ៍​ និង​ បទ​បរិហារកេរ្តិ៍​ជា​សាធារណៈ» នឹងត្រូវសាលាដំបូងរាជធានីភ្នំពេញ បើកធ្វើនៅថ្ងៃទី ២៦ ខែកក្កដា ឆ្នាំ២០១៧នេះ វេលាម៉ោង១៤រសៀល។ នេះ បើតាមលិខិតមួយ ចុះថ្ងៃទី៧ ខែកក្កដា ឆ្នាំ២០១៧ របស់លោក សៀង សុខ ព្រះរាជអាជ្ញារង នៃអយ្យការអមសាលាដំបូងរាជធានី ដែលបានអញ្ជើញលោក ជូង ជូងី ដែលជាមេធាវីការពារក្ដី ឲ្យលោក គឹម សុខ។

ការប្រកាសបើកសវនាការនេះ បានធ្វើឡើងមុនប៉ុន្មានថ្ងៃ ពី​ពាក្យសុំ​មួយ​របស់លោកមេធាវី ជូង ជូងី ដែលដាក់ទៅ​សាលាដំបូង នៅថ្ងៃទី១៣ ខែកក្កដានេះ ស្នើឲ្យកូនក្ដីរបស់លោក​ បាននៅក្រៅឃុំ​ជាបណ្ដោះអាសន្ន។

លោកមេធាវី បានសរសេរនៅក្នុងលិខិតនោះថា មកដល់ពេលនេះ ការស៊ើបអង្កេត ត្រូវបានបំពេញចប់សព្វគ្រប់អស់ហើយ ហើយសំណុំរឿង ក៏ត្រូវបានបញ្ជូនទៅជំនុំជម្រះ និងបានកំណត់កាលបរិច្ឆេទសវនាការ រួចហើយដែរ ដូចនេះ មិនមានភាពចាំបាច់ ត្រូវរក្សាលោក គឹម សុខ ដើម្បីបន្តការស៊ើបអង្កេតទៀតនោះទេ។

លោក​ គឹម​ សុខ​ បានរងបណ្ដឹងពីរផ្ទួនៗគ្នា ពីសំណាក់លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា ទាក់ទងនឹងការលើកឡើង របស់អ្នកវិភាគបញ្ហាសង្គមរូបនេះ នៅលើប្រព័ន្ធផ្សព្វផ្សាយ ថាគណបក្ស​ប្រជាជន​កម្ពុជា​ថា​ ជា​អ្នក​សម្លាប់​លោក​បណ្ឌិត​កែម​ ឡី​ និងរដ្ឋាភិបាល​កម្ពុជា​ បាន​បង្កើតឲ្យមាន នូវ​ប្រព័ន្ធ​សម្លាប់​មនុស្ស​ ដែល​រក​ឃាតក​មិន​ឃើញ​។ 

អ្នកវិភាគរូបនេះ ត្រូវបានតុលាការ​បញ្ជូន​ទៅ​ឃុំ​ខ្លួន ជាបណ្ដោះអាសន្ន ក្នុង​ពន្ធនាគារ​ព្រៃស​ ចាប់តាំងពីការបង្ហាញខ្លួន​លើកទីមួយ នៅក្នុងសាលាដំបូង កាលពី​រសៀល​ថ្ងៃ​ទី​១៧​ ខែ​កុម្ភៈ​ ឆ្នាំ​២០១៧។​ ការតស៊ូប្ដឹងឧទ្ធរណ៍ ទៅកាន់តុលាការជាន់ខ្ពស់ ពីរថ្នាក់ទៀត ដើម្បីស្នើឲ្យមានការលប់ចោល នូវការសម្រេច«ឃុំខ្លួន» របស់សាលាដំបូងនេះ មិនទទួលបានលទ្ធផលអ្វីទេ។ លោក គឹម សុខ បានហៅរាល់ការសម្រេចទាំងនោះ ជាការធ្វើឡើង ដោយសារមានគំនាបនយោបាយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...