ហ៊ុន សែន ការពារ ខឹម វាសនា រឿង«ជេរបញ្ចោរ»

លោក ហ៊ុន សែន នាយករដ្ឋមន្ត្រី-​ប្រធានគណបក្សប្រជាជនកម្ពុជា បានចេញមុខការពារ ការ«ជេរ»​របស់​ប្រធាន​គណបក្ស​សម្ព័ន្ធ ដើម្បី​ប្រជាធិបតេយ្យ ដោយ​ប្រៀបធៀប ការ​«ជេរបញ្ចោរ» របស់ប្រធាន​គណបក្ស​មួយ​នេះ ទៅ​នឹង​«ភាព​ល្អប្រសើរ»។
ហ៊ុន សែន ការពារ ខឹម វាសនា រឿង«ជេរបញ្ចោរ»
ពីឆ្វេងទៅស្ដាំ៖ លោក ហ៊ុន សែន នាយករដ្ឋមន្ត្រី-​ប្រធាន​គណបក្សប្រជាជនកម្ពុជា និងលោក ខឹម វាសនា ប្រធានគណបក្សសម្ព័ន្ធ ដើម្បីប្រជាធិបតេយ្យ។ (រូបថតលើហ្វេសប៊ុក)
Loading...
  • ដោយ: មនោរម្យ.អាំងហ្វូ ([email protected]) - ភ្នំពេញ ថ្ងៃទី១៦ មិថុនា ២០១៧
  • កែប្រែចុងក្រោយ: June 16, 2017
  • ប្រធានបទ: នយោបាយខ្មែរ
  • អត្ថបទ: មានបញ្ហា?
  • មតិ-យោបល់

ចាប់ពីថ្ងៃទី១៥ ខែមិថុនាម្សិលម៉ិញមក យ៉ាងហោចណាស់ គណបក្សសម្ព័ន្ធដើម្បីប្រជាធិបតេយ្យ ហៅ​«បក្ស​ជួង» រកបាន«អ្នកយល់ LDP»ម្នាក់ទៀត ដែលមានឥទ្ធិពលក្រៃ។ លោក ហ៊ុន សែន នាយករដ្ឋមន្ត្រី-​ប្រធាន​គណបក្ស​ប្រជាជនកម្ពុជា បានចេញមុខការពារ«ការជេរ» របស់ប្រធានគណបក្ស«ជួង» ដោយប្រៀបធៀប ពាក្យ​​ជេរ​​បញ្ចោរ​ដូច​ខាង​ក្រោម របស់លោក ខឹម វាសនា ទៅនឹង«ភាពល្អប្រសើរ»មួយ។

«អាគុក» និង«អាចោរថង់យាម»

នៅចំពោះនិស្សិតបញ្ចប់ការសិក្សា ជាច្រើនរយនាក់ ក្នុងពិធីចែកសញ្ញាបត្រមួយ កណ្ដាលរាជធានីភ្នំពេញ លោក ហ៊ុន សែន បានថ្លែងព្រមាន ក្រុមអ្នក​ជេរបញ្ចោរ ឬជេរប្រមាថ ថាអ្នកទាំងនោះ នឹងមិនរួចខ្លួនឡើយ បើ​ទោះ​ជាខ្លួន​អ្នកជេររូបនោះ​ នៅទីកន្លែងណា ក្នុងកម្ពុជា ឬនៅបរទេសក្ដី។ បន្ទាប់មក បុរសខ្លាំងកម្ពុជា និង​ជា​ម្ចាស់​ពាក្យ «អាគុក» ដ៏​ល្បីល្បាញ បាន​ដក​ឃ្លា​បន្តិច ដើម្បី​ងាក​មកសរសើការជេរ របស់លោក ខឹម វាសនា ដោយ​​មិន​​ចេញ​​ឈ្មោះ។

នាយករដ្ឋមន្ត្រីកម្ពុជា បានថ្លែងឡើងថា៖ «ហើយការជេរបញ្ចោរគ្នានេះ ខ្ញុំក៏ដូចជាវា [សុំ]បើករវង់ក្រចក ជាមួយ​នឹង[ការជេរ ដែលមាន]ភាពល្អប្រសើរ។ ប៉ុន្តែថ្ងៃមុន ខ្ញុំករុណាខ្ញុំ អត់ដែលឮសូរអាចោរថង់យាម [ស្រាប់​តែ​មាន]​ក្មេងស្រី​ម្នាក់ គាត់ថា មេរបស់គាត់ អត់បានជេរលោក[សង្ឃ]ទេ តែជេរមនុស្សហ្នឹង ថាអាចោរថង់យាម។»។

ពាក្យ «អាចោរថង់យាម» ប៉ុន្មានម៉ាត់នេះ ត្រូវបានគេស្គាល់ថា ជាពាក្យដែលលោក ខឹម វាសនា និង​ក្រុម​សកម្ម​ជន សមាជិក និង​អ្នកគាំទ្ររបស់លោក ឧស្សាហ៍​យកទៅប្រើប្រាស់ ដើម្បីវាយប្រហារទៅលើព្រះសង្ឃ ឬ​សាមណេរ​អង្គ​ណា ដែល​ក្រុម​​គណបក្សមួយនេះយល់ថា ធ្វើខុសវិន័យ ឬមិនត្រូវនឹងក្រុមខ្លួន៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...