«សម រង្ស៊ី នឹង​ចូល​ស្រុក​ទោះ​ត្រូវ​អស់​ជីវិត ដើម្បី CNRP ឈ្នះ​ឆ្នោត​ឆ្នាំ​២០១៨»

អនុប្រធានគណបក្សសង្គ្រោះជាតិ លោក អេង ឆៃអ៊ាង បានធ្វើប្រតិកម្មនៅថ្ងៃនេះ ទៅនឹងការចំអក របស់​លោក​នាយក​រដ្ឋមន្ត្រី ហ៊ុន សែន ដែលបានថ្លែងជាសាធារណៈ កាលពីម្សិលម៉ិញ ជុំវិញការវិលត្រឡប់​ចូល​ប្រទេស​កម្ពុជា​វិញ របស់អតីតប្រធាន​គណបក្សប្រឆាំង លោក សម រង្ស៊ី ។
«សម រង្ស៊ី នឹង​ចូល​ស្រុក​ទោះ​ត្រូវ​អស់​ជីវិត ដើម្បី CNRP ឈ្នះ​ឆ្នោត​ឆ្នាំ​២០១៨»
ខាងមុខ និងពីឆ្វេងទៅស្ដាំ៖ លោក សម រង្ស៊ី អតីតប្រធាន​សង្គ្រោះ​ជាតិ និង​លោក ហ៊ុន សែន នាយករដ្ឋមន្ត្រី-​ប្រធាន​គណបក្ស​ប្រជាជន​កម្ពុជា។ (រូបថតសហការី)
Loading...
  • ដោយ: មនោរម្យ.អាំងហ្វូ ([email protected]) - ភ្នំពេញ ថ្ងៃទី១៦ មិថុនា ២០១៧
  • កែប្រែចុងក្រោយ: June 16, 2017
  • ប្រធានបទ: នយោបាយខ្មែរ
  • អត្ថបទ: មានបញ្ហា?
  • មតិ-យោបល់

រឿងថាលោក សម រង្ស៊ី ក្លាហាន ឬកំសាក ក្នុងការវិលត្រឡប់ចូលស្រុកខ្មែរវិញនោះ មិនសំខាន់សម្រាប់​គណបក្ស​សង្គ្រោះជាតិទេ។ នេះ ជាការលើកឡើង របស់អនុប្រធានគណបក្សសង្គ្រោះជាតិ លោក អេង ឆៃអ៊ាង ដើម្បី​ប្រតិកម្ម​ទៅនឹងការចំអក របស់លោក ហ៊ុន សែន នាយករដ្ឋមន្ត្រី-​ប្រធាន​គណបក្ស​ប្រជាន​កម្ពុជា ដែល​បាន​ហៅ​អតីត​ប្រធានគណបក្សសង្គ្រោះជាតិ លោក សម រង្ស៊ី កាលពីម្សិលម៉ិញថាជាអ្នកក្លាហាន ក្នុងការ​វិល​ត្រឡប់​មក​ប្រទេស​កម្ពុជា​វិញ ដើម្បីឲ្យអាជ្ញាធរចាប់ដាក់ក្នុងពន្ធនាគារ។

ផ្ទុយទៅវិញ លោក អេង ឆៃអ៊ាង បានសរសេរនៅមុននេះបន្តិច លើបណ្ដាញសង្គមថា៖ «រឿងដែលសំខាន់ បើ​លោក​ប្រធាន សម រង្សុី ចូលមក នាំឲ្យ​គណបក្ស​សង្គ្រោះជាតិ ទទួលជោគជ័យក្នុងការបោះឆ្នោត ឆ្នាំ២០១៨ នោះ​លោក​ប្រធាន ដាច់ខាតត្រូវតែចូលទោះជាប់គុក ឬបាត់បង់ជីវិតក៏ដោយ ។»។ 

កាលពីថ្ងៃទី១៥ ខែមិថុនាម្សិលម៉ិញ លោក ហ៊ុន សែន បានហៅ​លោក សម រង្ស៊ី ជា«អ្នកក្លាហាន» បើសិនជា​មេ​ដឹកនាំប្រឆាំងរូបនេះ ត្រឡប់មកកម្ពុជាវិញ  ដើម្បីឲ្យអាជ្ញាធរចាប់ដាក់ពន្ធនាគារ។  នាយករដ្ឋមន្ត្រីកម្ពុជា បាន​ថ្លែង​ដូច្នេះ នៅ​មួយ​ថ្ងៃ បន្ទាប់​ពីបុរសខ្លាំងកម្ពុជារូបនេះ បានលុបចោលនូវបទបញ្ជា ដែលហាមប្រាម​ក្រុមហ៊ុន​យន្ដហោះ មិន​ឲ្យ​ដឹក​​មេ​ដឹកនាំ​​​ប្រឆាំង ​ត្រឡប់ចូល​ស្រុកខ្មែរវិញ។

នៅចំពោះនិស្សិតបញ្ចប់ការសិក្សា ជាច្រើនរយនាក់ លោក ហ៊ុន សែន បានថ្លែងថា៖ «ពីមុន​ខ្ញុំគិត​សុវត្ថិភាព​លោក (លោក សម រង្ស៊ី) តែឥឡូវដោយ​សារ​លោក​ថា​មក​ភ្លាម ខ្ញុំក៏អុកភ្លាមដែរ។ អត់ទាន់បាន ១០ម៉ោងផង ប្តូរ​ចិត្ត​ថា​អត់​មកទេ។ អ៊ីចឹង បានក្នុងបទអត្ថាធិប្បាយ​បិទ​កន្ទុយ​ចុងក្រោយ​របស់ខ្ញុំ លើក​ជា​សំណួរថា អ្វីជា​ឧបសគ្គ សម្រាប់​ការ​វិល​ត្រឡប់ គឺ​គុក។ ហើយបើគុក ជា​ឧបសគ្គ មួយ​ជីវិត​នេះ គាត់អត់មកទេ»។

លើកពេល​ការបោះឆ្នោតជាតិ?

សម្រាប់លោក អេង ឆៃអ៊ាង ដែលហាក់ដូចជាដឹងពីអាថ៌កំបាំង សម្រាប់ស្ថានភាពនយោបាយចុងក្រោយបង្អស់ នៅក្នុងប្រទេសកម្ពុជានោះ បានពន្យល់​បន្ត​ទៀត​ថា៖ «តែបើ[លោក សម រង្ស៊ី] ចូល ឬមិនទាន់ចូល នាំឲ្យគេ​យក​លេស លើក[ពេល]​ការបោះឆ្នោតជាតិ ឬរំលាយគណបក្សសង្គ្រោះជាតិ នោះ​ដាច់ខាត​មិនត្រូវចូលឡើយ ។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...