អេង ឆៃអ៊ាង៖ អ្នក​ចាក​ចេញ ព្រោះ​ជា​មនុស្ស​«ឱកាស​និយម»

នៅចំពោះចលនាចាកចេញ ពីគណបក្សប្រឆាំង និងការចុះចូល «រួមរស់ជីវភាពនយោបាយ» ជា​មួយ​គណបក្ស​កាន់​អំណាច នៅ​តែ​ប៉ុន្មាន​ថ្ងៃ មុនការបោះឆ្នោត​ជ្រើសរើសក្រុមប្រឹក្សា ឃុំ-សង្កាត់ មកដល់នេះ លោក អេង ឆៃអ៊ាង អនុ​ប្រធាន​គណបក្ស​សង្គ្រោះ​ជាតិ មាន​ទស្សនៈ ហៅក្រុមអ្នកចាក​ចេញ​ទាំងនោះ ថា​ជា​«មនុស្ស​ឱកាស​និយម»។
អេង ឆៃអ៊ាង៖ អ្នក​ចាក​ចេញ ព្រោះ​ជា​មនុស្ស​«ឱកាស​និយម»
លោក អេង ឆៃអ៊ាង អនុប្រធានគណបក្សសង្គ្រោះជាតិ។ (រូបថតលើហ្វេសប៊ុក)
Loading...
  • ដោយ: កេសរ កូល ([email protected]) - ភ្នំពេញ ថ្ងៃទី០១ មិថុនា ២០១៧
  • កែប្រែចុងក្រោយ: June 01, 2017
  • ប្រធានបទ: នយោបាយ
  • អត្ថបទ: មានបញ្ហា?
  • មតិ-យោបល់

«គណបក្សនយោបាយមួយ ដែលមានការគាំទ្រខ្លាំង ពីប្រជាពលរដ្ឋហើយ ត្រៀមទៅដឹកនាំប្រទេស តែងតែមានមនុស្សឱកាសនិយម មកជ្រកកោន» នេះ ជាឃ្លាប្រកបដោយទំនុកចិត្ត សរសេរនៅលើបណ្ដាញសង្គម ដោយលោក អេង ឆៃអ៊ាង អនុប្រធានគណបក្សសង្គ្រោះជាតិ បើទោះជាក្នុងឃ្លានោះ លោកមិនបានបញ្ចេញឈ្មោះ របស់គណបក្សណាមួយក៏ដោយ។ លោកបានបន្តទៀតថា៖ «ហើយពួកគេ នឹងចាកចេញទៅវិញ នៅពេលណាដែលខ្លួនគេ មិនអាចរកប្រយោជន៍បាន ពីគណបក្សនោះ»។

ការលើកឡើង របស់លោក អេង ឆៃអ៊ាង បានធ្វើឡើង នៅថ្ងៃនេះ បន្ទាប់ពីរលកចាកចេញ នៃអតីតសមាជិក អ្នកគាំទ្រ និងជាពិសេសបេក្ខជន-បេក្ខនារី ឈរឈ្មោះបោះឆ្នោត ជ្រើសរើសក្រុមប្រឹក្សា ឃុំ-សង្កាត់ របស់គណបក្សសង្គ្រោះជាតិ បានកើតឡើងជាបន្តបន្ទាប់។ នៅថ្ងៃទី១ ខែមិថុនានេះ កញ្ញា ធី សុវណ្ណថា និងកញ្ញា សូ ធារ៉ា អតីតអ្នកគាំទ្រគណបក្សប្រឆាំង បានប្រកាសភ្ជាប់ខ្លួន ទៅគណបក្សប្រជាជនកម្ពុជា ដោយម្នាក់ៗ​សុទ្ធតែរិះគន់​អតីត​គណបក្ស ដែលខ្លួនធ្លាប់គាំទ្រ និងងាកទៅសរសើរគណបក្សថ្មី ដែលខ្លួនប្រកាសចូលរួម។


ប៉ុន្តែសំដីរបស់អ្នកចាកចេញរូបនេះ គឺកញ្ញា សូ ធារា ដែលគេស្គាល់តាមរយៈ ចម្រៀង «យួនចូលស្រុកហើយ» ត្រូវបានក្រុមអ្នកស្គាល់កញ្ញា អះអាងថា ជាសំដីកុហក។

យ៉ាងណា សម្រាប់ប្រិយមិត្តម្នាក់ របស់លោក អេង ឆៃអ៊ាង បានឆ្លើយតប​ ទៅនឹងការលើកឡើងខាងលើ ​របស់អនុប្រធានគណបក្សប្រឆាំងវិញថា៖ «អាវៀចធ្វើកង់ អាត្រង់ធ្វើកាំ ត្រូវថែរក្សា​ទាំងអាវៀចទាំងអាត្រង់ ឲ្យបានទាំងអស់ ទើបប្រសើរ»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...