ទេព រិនដារ៉ូ ហៅអ្នកដៀល«មុខស្រែៗ» ថាមានមុខដូច«ខ្មោច»
- ដោយ: ដារី ([email protected]) - ភ្នំពេញ ថ្ងៃទី២៨ មករា ២០១៧
- កែប្រែចុងក្រោយ: January 28, 2017
- ប្រធានបទ: តារាខ្មែរ
- អត្ថបទ: មានបញ្ហា?
- មតិ-យោបល់
-
នៅពេលដែលលោក ទេព រិនដារ៉ូ កំពូលតារាសម្ដែងខ្មែរជើងចាស់ មិនពេញចិត្តនឹងអ្វីមួយ លោកប្រាកដណាស់ នឹងបញ្ចេញឲ្យឃើញភ្លាម ហើយនោះគឺជាជីវិតពិតៗ និងមិនមែនជាការសម្ដែងឡើយ។ ជាពិសេស ប្រតិកម្មទៅនឹងការហៅនរណាម្នាក់ ថាមានមុខមាត់«ស្រែៗ» លោក ដារ៉ូ បានចំអកមកវិញថា គឺអ្នកដែលហៅគេនោះទៅវិញទេ ដែលមានមុខដូច«ខ្មោច»។
ការថ្លែងរបស់លោក បានធ្វើឡើង នៅក្នុងវីដេអូមួយ ដែលត្រូវបានតារាសម្ដែង នៅក្នុងរឿងភាគ ពស់កេងកង កញ្ញា ដួង ម៉ានិច បង្ហោះផ្សាយផ្ទាល់ នៅលើបណ្ដាញសង្គម កាលពីម្សិលម៉ិញ។ នៅក្នុងវីដេអូនោះ ដំបូងឡើយ គេឃើញលោក ទេព រិនដារ៉ូ កំពុងមើលអ្វីមួយ នៅក្នុងទូរស័ព្ទរបស់លោក។ លុះតារាសំដែងស្រី បានដើរទៅជិត លោក ដារ៉ូ បានបញ្ជាក់ខ្លាំងៗ ជាច្រើនដងថា៖ «និយាយទៅ ដៀលគេសុទ្ធតែអ្នកស្រែ ដល់ទៅខ្លួនឯង មុខដូចខ្មោច»។
លោកមិនបានបញ្ជាក់ថា លោកចង់និយាយពីនរណា ដែលបានដៀលគេឯង ថាជាអ្នកស្រែនោះឡើយ។ តែឃ្លាដ៏ខ្លីនេះ បានកើតឡើង នៅក្រោយហេតុការណ៍ដ៏អាស្រូវមួយ ដែលបានបង្ក ឲ្យមានការភ្ញាក់ផ្អើល និងប្រតិកម្មមកពីគ្រប់ទិសទី។ នោះ គឺការថ្លែងផ្សាយផ្ទាល់ នៅលើរលកធាតុអាកាស ពីសំណាក់ម្ចាស់វិទ្យុ «ABC» លោក សេង ប៊ុនវ៉េង ហៅ អាចារ្យ A ដែលបានហៅកំពូលតារាចម្រៀងខ្មែរ លោក ព្រាប សុវត្ថិ ថាមានមុខ«ស្រែៗ» កាលពីប៉ុន្មានថ្ងៃមុន។
នៅលើគណនេយ្យហ្វេសប៊ុក របស់លោក ទេព រិនដារ៉ូ គេឃើញលោកបានចែករំលែក នូវសារមួយចំនួន ដែលនិយាយពីករណីនេះដែរ តែលោកគ្រាន់តែធ្វើអត្ថាធិប្បាយយ៉ាងខ្លី ទំនងជាអស់សំណើចថា៖ «ហាស ហា»។
រឿងរ៉ាវដ៏អាស្រូវខាងលើ ត្រូវបានក្រុមការងារ របស់វិទ្យុ «ABC» ចេញមុខមកសុំទោសតាមវិទ្យុរបស់ខ្លួន ចំពោះតារាចម្រៀងល្បីវិញ។ តែការសុំទោសនោះ មិនត្រូវបានក្រុមអ្នករិះគន់ភាគច្រើន គិតថា ជាការសុំទោស ដែលផុសចេញ ពីទឹកចិត្តពិតប្រាកដនោះទេ៕
» វីដេអូផ្សាយផ្ទាល់ របស់កញ្ញា ដួង ម៉ានិច៖