បុរស​«Designated Survivor»​ដ៏​អាថ៌កំបាំង ​អាច​ជំនួស​តំណែង ត្រាំ

នៅក្នុងអំឡុងពេល នៃពិធីស្បថចូលកាន់តំណែង ជាប្រធានាធិបតី​អាមេរិក របស់​លោក ដូណាល់ ត្រាំ (Donald Trump) មនុស្ស​ម្នាក់ទៀ​ត ត្រូវ​បាន​ប្រធានាធិបតី​ផុត​តំណែង លោក បារ៉ាក់ អូបាមា (Barack Obama) តែង​តាំង​ឡើង​យ៉ាង​សម្ងាត់ និង​ស្ថិត​ក្រោម​ការ​ការពារ យ៉ាង​ខ្ពស់​បំផុត។ មនុស្ស​ម្នាក់​នេះ នឹងទទួល​តំណែង​ជា​ប្រធានាធិបតី​អាមេរិក ហើយត្រូវ​គ្រប់គ្រង​ស្ថានការណ៍ ក្នុង​ករណី​ដែល​មាន​អំពើ​ភេរវកម្ម និង​គ្រោះ​ធម្មជាតិ​អ្វី​មួយ ដែលអាច​បណ្ដាល​ឲ្យ​លោក ដូណាល់ ត្រាំ និង​ក្រុម​ការងារ​របស់​លោក ស្លាប់​ទាំង​អស់។
បុរស​«Designated Survivor»​ដ៏​អាថ៌កំបាំង ​អាច​ជំនួស​តំណែង ត្រាំ
លោក ដូណាល់ ត្រាំ ប្រធានាធិបតីទី៤៥ នៃសហរដ្ឋអាមេរិក។ (រូបថត Reuters)
Loading...
  • ដោយ: ឈូករ័ត្ន ([email protected]) - ប៉ារីស ថ្ងៃទី២០ មករា ២០១៧
  • កែប្រែចុងក្រោយ: January 20, 2017
  • ប្រធានបទ: ប្រធានាធិបតីអាមេរិក
  • អត្ថបទ: មានបញ្ហា?
  • មតិ-យោបល់

វរជន«ជ្រើសតាំងដែលមិនស្លាប់» ដែលហៅ​ជាភាសាអង់គ្លេស «Designated Survivor»​ ភាសាបារាំង «Survivant Désigné» ជា​មនុស្ស​​អាថ៌កំបាំងមួយរូប ស្ថិតនៅពីក្រោយ ពិធីស្បថចូលតំណែង ជា​ប្រធានាធិបតី​អាមេរិក របស់លោក ដូណាល់ ត្រាំ (Donald Trump)។ ជននេះនឹងក្លាយជាប្រធានាធិបតីថ្មី របស់​សហរដ្ឋ​អាមេរិក ប្រសិន​ជា​លោក ដូណាល់ ត្រាំ និងសមាជិករដ្ឋាភិបាលថ្មី បាន​ទទួល​គ្រោះ​«ស្លាប់»​ទាំងអស់ នៅ​ក្នុង​អំពើ​ភេរវកម្ម ឬ​នៅ​ក្នុង​គ្រោះ​ធម្មជាតិ​ណា​មួយ ដែលកើតឡើងជាយថាហេតុ។

ជននេះ មិនត្រូវបានគេ​បង្ហាញ​​អត្តសញ្ញាណទេ រហូតលុះត្រាដល់ដំណាក់កាលចុងក្រោយ បើសូម្បីតែ​ខ្លួន​ឯង​ក៏​ដោយ។ នៅនាទី​ចុង​ក្រោយ​នោះ វរជន​«ជ្រើសតាំង​ដែល​មិនស្លាប់»ម្នាក់នេះ នឹងត្រូវដឹកយ៉ាងសម្ងាត់ តាម​ឧទ្ធម្ភាគចក្រ ទៅកាន់ទីកន្លែង ដ៏អាថ៌កំបាំងមួយ​ ដែលជាទូទៅ​អាចជាមូលដ្ឋានយោធា។

លោក «François Durpaire» អ្នកស្រាវជ្រាវជាតិបារាំងមួយរូប បានថ្លែងឡើងថា៖ «គំនិត ឲ្យមានជាវរជន​"ជ្រើស​តាំង​ដែល​មិន​ស្លាប់"​នេះ បានកើតឡើង នៅក្នុងសម័យកាល​សង្គ្រាមត្រជាក់ ជាមួយនឹងការ​យល់ឃើញ ទាក់​ទង​នឹង​គ្រោះថ្នាក់​ធម្មជាតិ ឬគ្រោះថ្នាក់​ដោយ​គ្រាប់បែក​នុយក្លេអ៊ែរ ដែលអាចកើតមានឡើង»។

គឺប្រធានាធិបតីផុតតំណែង លោក​ បារ៉ាក់ អូបាម៉ា ជាអ្នកតែងតាំងវរជន «ជ្រើសតាំងដែលមិនស្លាប់» នេះឡើង។ អ្នកស្រាវជ្រាវ​បារាំង​ដដែល បានបញ្ជាក់ទៀតថា៖ «ក្រោមមូលហេតុសុវត្ថិភាព និងសន្តិសុខជាតិ សាមីខ្លួន​​មិន​ត្រូវ​​បាន​​ប្រាប់​​ឲ្យ​​ដឹង​ខ្លួន​ជា​មុន​ទេ រហូត​ដល់​ដំណាក់កាលចុងក្រោយ។ បើសូម្បីក្រុមគ្រួសាររបស់ជននេះ ក៏មិន​បាន​ដឹង​អ្វី​ទាំង​អស់​ដែរ។»។

ជាទូទៅ វរជន​«ជ្រើសតាំងដែលមិនស្លាប់»​​នេះ អាចជារដ្ឋលេខាធិការក្រសួងមហាផ្ទៃ ក្រសួងកសិកម្ម ឬ​ក្រសួង​ពាណិជ្ជកម្ម របស់​សហរដ្ឋអាមេរិក ដែលបានកាន់តំណែង នៅក្នុងអាណត្តិ នៃប្រធានាធិបតីផុតតំណែង៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...