ប៉ីប៉ី ឌី៖ ព្រាប សុវត្ថិ វា​ខុស​ពី​គ្នា ច្រិប ឯង!

ការមិនតបតរ ទៅនឹងការសុំអភ័យទោស ជុំវិញរឿង​មាត់​អត់គម្រម និងសកម្មភាពលោតហក់ ទះតប់ របស់​ក្រុម​ការងារ​ នៅ​ក្នុង​វិទ្យុ​ផ្សាយសម្លេង ក្នុងស្រុកមួយ ឈ្មោះ «ABC» ក្នុងមួយរយៈពេលចុងក្រោយនេះ មិនមែនមាន​សេចក្ដី​ថា គ្រប់​គ្នា​ដែល​ស្ងាត់​មាត់ ទទួល​យក​បាន​ទាំងអស់នោះទេ។ ហើយនេះ ក៏ជាអ្វី ដែលតារា​ហ្វេសប៊ុកមួយ​រូប ដាក់​រហស្សនាម «PeyPey DY» ថ្លែង​បញ្ជាក់ និងពន្យល់​ពី​សារបាន របស់​ក្រុម​ការងារ​ទាំង​នេះ ត្រឡប់ទៅ​វិញ​ដែរ។
ប៉ីប៉ី ឌី៖ ព្រាប សុវត្ថិ វា​ខុស​ពី​គ្នា ច្រិប ឯង!
ពីឆ្វេងទៅស្ដាំ៖ ប៉ីប៉ី ឌី តារាហ្វេសប៊ុក និងលោក សេង ប៊ុនវ៉េង ម្ចាស់វិទ្យុ អេប៊ីស៊ី។ (រូបថតផ្តិតពីវីដេអូ)
Loading...
  • ដោយ: ដារី ([email protected]) - ភ្នំពេញ ថ្ងៃទី២៦ មករា ២០១៧
  • កែប្រែចុងក្រោយ: January 26, 2017
  • ប្រធានបទ: ប្រព័ន្ធផ្សព្វផ្សាយ
  • អត្ថបទ: មានបញ្ហា?
  • មតិ-យោបល់

មនុស្សច្រើននាក់ណាស់ ដែលចេញមកនិយាយ នៅតាមបណ្ដាញផ្សព្វផ្សាយ មានទេពកោសល្យ (ឬ​បាន​ហ្វឹក​ហាត់) ធ្វើ​ឲ្យ​ប្រិយមិត្តរបស់ខ្លួនផ្ទុះសំណើច ដោយមិនចាំបាចធ្វើកាយវិការ លោតហក់ ទះ​តប់ ប្រើ​ប្រាស់ភាសា​«អាស» ឬ​និយាយ​ចេញមក ដោយគ្មានការពិចារណា និងមិនអាងការសុំទោស នៅពេលក្រោយមក។ ហើយ​ក៏​មិន​មាន​មនុស្ស​ច្រើនប៉ុន្មានដែរ ដែលរស់ដើម្បីតែការសុំទោស ពីមួយថ្ងៃទៅមួយថ្ងៃ​ កាន់​តែ​និយាយ កាន់​តែ​ភ្លាវ។

រឿងខាងលើនេះ ផ្ទុយពីក្រុមការងារ របស់វិទ្យុក្នុងស្រុកមួយ ឈ្មោះ «ABC» ដែលបន្ទាប់​ពីបាន​​ប្រើ​ប្រាស់​សកម្មភាព លោតហក់ ទះតប់ ប្រើប្រាស់ភាសា «អាស» ដោយគ្មានការពិចារណា តាមបណ្ដាញ​ផ្សព្វផ្សាយ​រួច បាន​ចេញ​មក​សុំទោស។ សុំទោសម្ដង-ពីរ នៅមិនគ្រប់គ្រាន់ ម្ចាស់វិទ្យុ «ABC» នេះម្នាក់ទៀត នៅ​បាន​ចេញ​មក​បក​ស្រាយ តែបែរជាបាននិយាយចោទ ទៅលើមនុស្សផ្សេងទៀត ជាច្រើននាក់ ជាពិសេស​​បាន​​ហៅ​​លោក ព្រាប សុវត្ថិ កំពូល​​​អ្នក​​ចម្រៀង ដ៏ល្បីល្បាញ ថាជា«អ្នកស្រែ»។ ជាលទ្ធផល ក្រុមការងារ​របស់​វិទ្យុនេះ បាន​ចេញ​​មក​សុំទោស​​ជាថ្មី​ទៀត ពី​ភាសា​«មាត់​អត់គម្រប» ដែលបានជ្រុលជ្រោះទាំងនោះ។

បើទោះជាមកដល់ល្ងាចនេះ ហេតុការណ៍ទាក់ទងនឹង រឿងរ៉ាវអាស្រូវខាងលើ​ បានស្ងប់ស្ងាត់ខ្លះៗ​ហើយ​ក៏​ដោយ តែ​មិន​ប្រាកដ​ថា មនុស្សដែលមានឈ្មោះ ក្នុងការលើកឡើង របស់ក្រុមការងារវិទ្យុមួយនេះ ស្ងប់​អារម្មណ៍​នោះ​ដែរ។ ក្នុង​ចំណោមនោះ តារាដ៏ល្បីឈ្មោះមួយរូប ដាក់រហស្សនាម «PeyPey Dy» នៅ​​លើ​​បណ្ដាញ​​សង្គម បានប្រតិកម្មឲ្យដឹង ទាក់ទងនឹងការសុំទោសទាំងនោះ ដោយ​បាន​និយាយ​ជំនួស កំពូល​អ្នក​ចម្រៀង​ល្បី រួម​នឹង​លើក​យក ពីចំណុចខ្វះខាត របស់ក្រុមការងារវិទ្យុនោះ ត្រឡប់មកវិញផង។

» វីដេអូឆ្លើយតប របស់តារាហ្វេសប៊ុក «PeyPey Dy»៖

» វីដេអូសុំទោស របស់ពិធីការិនីមួយរូប របស់វិទ្យុ «ABC»៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...