ស្តេច​ស្រី​អង់គ្លេស​​ហៀប​ត្រូវ​បាន​សម្លាប់ ដោយ​អង្គរក្ស​ផ្ទាល់

ព័ត៌មានដ៏គួរឲ្យញាប់ញ័រមួយ បានធ្លាយចេញ ពីព្រះបរមរាជវាំង ប៊េកឃីងហ្គាម (Buckingham) របស់​ចក្រភព​អង់គ្លេស នៅ​ព្រឹក​នេះ។ តែថ្ងៃខែពិតប្រាកដ នៃហេតុការណ៍នេះ មិនត្រូវបានបញ្ជាក់ទេ។
ស្តេច​ស្រី​អង់គ្លេស​​ហៀប​ត្រូវ​បាន​សម្លាប់ ដោយ​អង្គរក្ស​ផ្ទាល់
ព្រះមហាក្សត្រីយ៉ានី អេលីហ្សាប៊ែត ទី២ នៃចក្រភពអង់គ្លេស។
Loading...
  • ដោយ: ឈូករ័ត្ន ([email protected]) - ប៉ារីស ថ្ងៃទី០៥ មករា ២០១៧
  • កែប្រែចុងក្រោយ: January 05, 2017
  • ប្រធានបទ: រាជបល្ល័ង្គអង់គ្លេស
  • អត្ថបទ: មានបញ្ហា?
  • មតិ-យោបល់

គឺទស្សនាវដ្ដី «The Times» របស់ចក្រភពអង់គ្លេស ជាអ្នកទម្លាយឲ្យដឹងរឿងវ៉ាវនេះ ប៉ុន្តែមិនបានបញ្ជាក់​ឲ្យ​ច្បាស់​ថា ហេតុការណ៍​បានកើតឡើង នៅ​ពេលណា​ឡើយ។ ហើយវាជាដំណឹងមួយ បង្កភាពញាប់ញ័រ អស់​​ទាំង​បណ្ដា​​ប្រជានុរាស្ត្រ ដែលជ្រក​ក្រោម​ព្រះ​រាជ​បល្ល័ង្គ (រាប់​ទាំង​ប្រទេស​អង់គ្លេស និង​ប្រទេស​​រាប់​​សិប​​​ផ្សេង​ទៀត ដែល​បាន​ចាត់​ទុក​​ព្រះមហាក្សត្រអង់គ្លេស គឺជាព្រះប្រមុខ​រដ្ឋ​របស់​ពួកគេ) ដ៏ធំ និងដ៏ចាស់ជាងគេមួយនេះ នៅ​ក្នុង​ពិភពលោក។

ដំណឹងនោះ បានទម្លាយឲ្យដឹងថា ព្រះមហាក្សត្រីយានី អេលីហ្សាបែត ទីពីរ (Elizabeth II) សឹងតែត្រូវ​បាន​សម្លាប់ ដោយ​កង​រក្សា​ព្រះអង្គ។ ព្រះ​រាជ​វត្តមាន នៅក្នុងយប់មួយ វេលាម៉ោងប្រមាណជា ៣ទាបភ្លឺ ដើម្បី​យាង​ក្រសាល ក្នុងសួនច្បារនៃព្រះបរមរាជវាំង ប៊េកឃីងហ្គាម (Buckingham) បាន​បង្ក​ការ​ភ្ញាក់ផ្អើល ទៅដល់​កង​រក្សា​ព្រះអង្គ​មួយ​រូប ដែលកំពុងឈរយាម នៅទីនោះ។

នៅក្នុងភាពងងឹតសូន្យសុង ភ្នាក់ងារកងរក្សាព្រះអង្គរូបនោះ មិនបានឃើញថា នោះជាព្រះ​មហាក្សត្រី​យានី​របស់​ខ្លួនទេ តែបានគិតថា ជាការឈ្លបចូល របស់ជនណាម្នាក់ផ្សេង។ ភ្នាក់ងារបានអនុវត្តន៍ តាម​តួនាទី​របស់​ខ្លួន ដោយបានយកកាំភ្លើង មកត្រៀមកេះកៃ ហើយ​ភ្ជង់ទៅម្ចាស់ស្រមោល។ ភ្នាក់ងារបានស្រែកគម្រាមថា នឹង​ផ្ទុះ​អាវុធ ប្រសិន​បើម្ចាស់​ស្រមោល មិនបង្ហាញខ្លួន។ រំពេចនោះ កងរក្សា​ព្រះអង្គ​បាន​ភ្ញាក់ខ្លួនព្រើត បន្ទាប់​ពីឮ​សម្លេង របស់​ព្រះ​មហាក្សត្រី​យានី​បន្លឺ​ឡើង។

កិច្ចសន្ទនាដ៏ខ្លីមួយ បានកើតឡើង រវាងស្តេចស្រី និងភ្នាក់ងាររក្សាសន្តិសុខ របស់ព្រះរាជបល្ល័ង្គ។ ព្រះ​មហា​ក្សត្រី​យានី​បាន​មាន​បន្ទូល​ថា ព្រះអង្គ​ចង់​ចេញមក​យក​ខ្យល់អាកាសបន្តិច បន្ទាប់ពីទ្រង់ផ្ទុំមិនលក់។ កង​​អង្គរក្ស​រូប​នោះ បានទូលទៅព្រះអង្គវិលថា ខ្លួន​ហៀប​នឹង​ផ្ទុះ​អាវុធ បាញ់ព្រះមហាក្សត្រ​ខ្លួន​​ឯង។​ ព្រះ​​មហាក្សត្រី​​យានី អេលីហ្សាបែត ទីពីរ បានបន្តព្រះរាជឱង្កា បែបរាងចំអកវិញ​ថា៖ «លើក​ក្រោយ ខ្ញុំនឹងឲ្យ​​សញ្ញា​​ជា​មុន នៅ​​ពេល​​ខ្ញុំចង់​ចេញ​ក្រៅ ដើម្បី​កុំឲ្យ​អ្នកឯង​បាញ់សម្លាប់ខ្ញុំ»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...