អាយុ​២ឆ្នាំ តែ​ចេះ​ជួយ​សង្គ្រោះ​ប្អូន​ប្រុស​ភ្លោះ ចេញ​ពី​ទូ​សង្កត់

ឪពុករបស់កុមារភ្លោះទាំងពីរ បានសម្រេចចិត្តចែករំលែកវីដេអូ ដ៏អស្ចារ្យនេះ នៅតាមបណ្ដាញសង្គម ដើម្បី​ផ្ដល់​ជា​មេរៀន ទៅ​ឲ្យ​ឪពុក​ម្ដាយទាំងឡាយ នៅក្នុងពិភពលោក។
អាយុ​២ឆ្នាំ តែ​ចេះ​ជួយ​សង្គ្រោះ​ប្អូន​ប្រុស​ភ្លោះ ចេញ​ពី​ទូ​សង្កត់
រូបភាពបង្ហាញ ពីកុមារភ្លោះជាបង ដែលមានអាយុទើបតែ២ឆ្នាំ រុញទូដើម្បីជួយសង្គ្រោះប្អូនប្រុសភ្លោះ របស់ខ្លួន។ (រូបថតផ្តិតពីវីដេអូ)
Loading...
  • ដោយ: ឈូករ័ត្ន ([email protected]) - ប៉ារីស ថ្ងៃទី០៤ មករា ២០១៧
  • កែប្រែចុងក្រោយ: January 04, 2017
  • ប្រធានបទ: មេរៀនជីវិត
  • អត្ថបទ: មានបញ្ហា?
  • មតិ-យោបល់

វីដេអូនោះ មានភាពរន្ធត់ នៅប៉ុន្មានវិនាទីដំបូង តែបានក្លាយជាអស្ចារ្យ និងពោរពេញ ដោយវីរភាព នៅចុង​បញ្ចប់​នៃវីដេអូ។ ដូចម្ចាស់វីដេអូ លោក រីគី សូហ្វ៍ (Ricky Shoff) ដែលជាឪពុករបស់កូនភ្លោះពីរនាក់ បាន​សរសេរ នៅលើគណនេយ្យហ្វេសប៊ុក របស់លោក ដូច្នេះថា៖ «ខ្ញុំបានរារែក ក្នុងការចែករំលែកវីដេអូនេះ។ ប៉ុន្តែ ខ្ញុំ​គិត​ថា រូបភាពក្នុងវីដេអូ នឹងអាចផ្ដល់ជាមេរៀន ទៅឲ្យមេបាទាំងឡាយ ត្រូវ​ប្រុងប្រយ័ត្នទ្វេរឡើង។ ម្យ៉ាងទៀត វីដេអូ​​នេះ មាន​សភាព​អស្ចារ្យណាស់។»។

ប្រាកដហើយ ថាលោក រីគី សូហ្វ៍ ច្បាស់ជាមានអការៈភ័យភិត មិនតិចទេ ក្នុងនាមជាឪពុក នៅពេល​ដែល​បាន​ទស្សនា ក្នុងគ្រាដំបូង នូវវីដេអូសុវត្ថិភាព ដែលថតជាប់ពីសកម្មភាព របស់កូនភ្លោះអាយុ២ឆ្នាំទាំងពីរនាក់ របស់​លោក។ នៅពេលនោះ ទូដ៏ធំបានរលំ ដួលមកខាងមុខ ហើយបានសង្កត់លើកុមារម្នាក់ បណ្ដាលឲ្យ​កុមារ​រូប​នោះ ស្រែក​យំ​ឡើង។ នៅក្នុងសភាពជាទារក ដែលទើបនឹងចេះដើរ «តិះតះ» បងប្រុសភ្លោះ មិនបានចាប់​អារម្មណ៍​ពី​គ្រោះថ្នាក់ ដែលកំពុងកើតមាន ចំពោះប្អូនប្រុសភ្លោះ របស់ខ្លួនទេ។ ប៉ុន្តែ នៅទីបំផុត... វីរភាព​របស់​កុមារ​ជា​បង បាន​ធ្វើឲ្យ​អ្នក​ទស្សនា មិនរំភើប មិនបាន។

លោក រីគី សូហ្វ៍ បានសរសេរបន្តថា៖ «យើងមានសំណាងណាស់ ដែលកូនតូចជាងគេ របស់យើង មិនមាន​រង​គ្រោះអ្វី។ ប៉ុន្តែ សូមអ្នករាល់គ្នា ប្រុងប្រយ័ត្ន ក្នុងការវាយភ្ជាប់ទូ ទៅជញ្ជាំងឲ្យជាប់ ជៀសវាងវាដួល​រលំ​ដូច្នេះ។»។ មិន​ខុស​ទេ ព្រោះសំណាង មិនមែនចេះតែកើតមាន ចំពោះគ្រប់ឪពុកម្ដាយ​នោះឡើយ៕

» វីដេអូ បង្ហាញពីវីរភាពដ៏អស្ចារ្យ របស់កុមារភ្លោះ៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...