តៃកុងរថយន្ដរបស់ ពូទីន ស្លាប់​ក្នុង​គ្រោះ​ថ្នាក់​បុក​ចំ​ពី​មុខ​ដ៏​រន្ធត់

សំណាងល្អ លោក វ្លាឌីមៀ ពូទីន (Vladimir Poutine) មិនមានវត្តមាន​ក្នុង​រថយន្ដនោះ នៅពេលមាន​គ្រោះថ្នាក់​ដ៏រន្ធត់​នេះទេ។
តៃកុងរថយន្ដរបស់ ពូទីន ស្លាប់​ក្នុង​គ្រោះ​ថ្នាក់​បុក​ចំ​ពី​មុខ​ដ៏​រន្ធត់
ទិដ្ឋភាពរថយន្ដ បន្ទាប់ពីបុកមួយទំហឹង ចំពីមុខ នៅនឹងកន្លែងគ្រោះថ្នាក់ និងលោកប្រធានាធិបតីរ៉ូស្ស៊ី វ្លាឌីមៀរ ពូទីន។ (រូបថតផ្តិតពីវីដេអូ)
  • ដោយ: ជ័យវិបុល ([email protected]) - ប៉ារីស ថ្ងៃទី២៣ វិច្ឆិកា ២០១៦
  • កែប្រែចុងក្រោយ: January 11, 2017
  • ប្រធានបទ: គ្រោះចរាចរណ៍
  • អាន និងបញ្ចេញយោបល់

តៃកុងរថយន្ដសំណព្វចិត្ត របស់ប្រធានាធិបតីរ៉ូស្ស៊ី លោក វ្លាឌីមៀរ ពូទីន (Vladimir Poutine) បានស្លាប់ នៅ​ក្នុង​គ្រោះថ្នាក់ចរាចរណ៍ដ៏រន្ធត់មួយ កាលពីថ្ងៃអង្គារ ទី២២ ខែវិច្ឆិកា ឆ្នាំ២០១៦នេះ រវាងរថយន្ដផ្លូវការ ធុន «BMW» ដែលធ្លាប់ដឹកប្រធានាធិបតី និងរថយន្ដមួយទៀត ប្រភេទ «Mercedes»។ ហេតុការណ៍ បាន​កើត​ឡើង នៅ​លើ​មហាវិថី​ល្បឿនលឿន «Koutouzov» ស្ថិតនៅភាគខាងលិច នៃរដ្ឋធានីម៉ូស្គូ។

ដូចនៅក្នុងវីដេអូសុវត្ថិភាព បានបង្ហាញស្រាប់ (វីដេអូខាងក្រោម) រថយន្ដពណ៌ខ្មៅទាំងពីរគ្រឿង បានបើក​បញ្ច្រាស​ទិសគ្នា ក្នុងល្បឿនដ៏លឿន ហើយបានបុកគ្នា ចំពីមុខយ៉ាងខ្លាំង។

បើតាមប្រព័ន្ធផ្សព្វផ្សាយ របស់ប្រទេសរ៉ូស្ស៊ី បានឲ្យដឹងថា តៃកុងរថយន្ដសំណព្វ នៃប្រធានាធិបតីរ៉ូស្ស៊ី បាន​ប្រកបមុខរបប ជាអ្នកបើកបរថយន្ដនេះ តាំងពី៤០ឆ្នាំមកហើយ។ នៅក្នុងពេលគ្រោះថ្នាក់នោះ មិនមានវត្តមាន​ប្រធានាធិបតី ឬក្រុមគ្រួសារណាម្នាក់ របស់ប្រធានាធិបតី នៅក្នុងរថយន្ដទេ៕


Loading...

អត្ថបទទាក់ទង


មតិ-យោបល់