បណ្ដាជនថៃ ចំនួន៩គូរ បានចាប់តាំងពីថ្ងៃអង្គារទី១២ខែកុម្ភះមក ការប្រកួតប្រលងប្រណាំង យ៉ាងពិសេសមួយ ដែលនឹង​អាចដណ្ដើមយក ឯកត្តកម្មពិភពលោក ខាង«ថើបជញ្ជក់គ្នា» បានយូរជាងគេ។ ជាកម្មវិធីមួយ សម្រាប់ចូលរួមជាមួយបុណ្យ​នៃសេចក្ដីស្រឡាញ់ ថ្ងៃទី១៤ខែកុម្ភះ។

កម្មវិធី ដណ្ដើមឯកត្តកម្មពិភពលោក ខាង«ថើបជញ្ជក់គ្នា» បានចាប់ផ្ដើមហើយ។

អ្នកដែលអាចបំបែកឯកត្តកម្មនេះបាន ត្រូវថើបជញ្ជាក់មាត់គ្នាជាប់រហូត យ៉ាងហោចណាស់ដល់ទៅ៥០ម៉ោង២៥នាទី និង​មួយវិនាទី ដោយមិនបានដាក់មាត់ចេញពីគ្នា សូម្បីបន្តិចឡើយ។ កាលពីឆ្នាំមុន អ្នកដែលឈ្នះក្នុងការ«ថើបជញ្ជាក់មាត់គ្នា» បានយូរជាងគេនេះ ជាយុវជនស្រឡាញ់ភេទដូចគ្នាពីរនាក់ ហើយបានដាក់តំណែងរបស់ខ្លួន ទៅក្នុងការប្រកួតនេះ ដើម្បី​ចូលរួមប្រកួតឡើងវិញ ក្នុងការដណ្ដើមយកឯកត្តកម្មនេះ ដែលរៀបចំដោយសារមន្ទីមួយ នៅប៉ាតាយ៉ា (Pattaya) ផ្នែក​ខាង​ត្បូងនៃប្រទេសថៃ។

ដៃគូរមួយនោះ បានចូលរួមប្រកួតនេះ ដើម្បីប្រារព្ធខួបប្រាំឆ្នាំ នៃអាពាហ៍ពីពាហ៍របស់ពួកគេ។ តែពួកគេបានបោះបង់ចោល នៅពេលការប្រកួតចាប់ផ្ដើម បានតែមួយម៉ោងប៉ុណ្ណោះ។ អនុប្រធានសារមន្ទីលោក ស៊ុមពន ណាកស៊ូអេត្រង (Somporn Naksuetrong) និយាយប្រាប់អ្នកសារព័ត៌មានថា «ពួកគាត់បានបោះបង់ចោល ការប្រកួត នៅប្រហែលជាមួយម៉ោង​ក្រោយ​មក។ ជាលើកទីមួយដែល មានមនុស្សចាស់បែបនេះ មកចូលរួមប្រកួត។» លោកមានសង្ឃឹមថា ក្នុងឆ្នាំនេះ នឹងមានអ្នក​ដណ្ដើមឯកត្តកម្ម បានទៀតជាពុំខាន។

អ្នកចូលរួម ដែលមានខ្លះចាំបាច់ត្រូវឡើងឈរលើប្រអប់មួយ ដើម្បីអោយមានកំពស់ ស្មើនឹងដៃគូររបស់ខ្លួននោះ មិនមាន​សិទ្ធិអង្គុយ ហើយត្រូវថើបជញ្ជាក់មាត់គ្នាមិនលែង បើសូម្បីតែជញ្ជាក់ទឹក ឬទឹកដោះគោ ជាមួយនឹងទុយ៉ោបឺតនោះ ក៏មិន​បានដែរ។

អ្នកនាំពាក្យម្នាក់ របស់កម្មវិធី បាននិយាយថា «បើចូលបង្គន់ ពួកគាត់ត្រូវតែបន្តថើបគ្នាជាប់រហូត»។ វិញ្ញាសារនេះ ត្រូវបាន​អ្នករៀបចំបង្ហាញពីមោទនភាព ពីកម្រិតនៃការស្រឡាញ់គ្នាដល់កំពូល របស់គូរស្នេហាទាំងនេះ។ «ពួកគាត់មិនអាចធ្វើ​យ៉ាងដូច្នេះបានទេ បើពួកគាត់មិនស្រឡាញ់គ្នាដល់កំពូលនោះ។ ការបូជារបស់គាត់ ក្នុងការធ្វើបែបនេះ គឺមានន័យ​សម្បើម​ណាស់។»

យើងនឹងតាមដាន រកអ្នកដណ្ដើមឯកត្តកម្មចុងក្រោយ ដែលអាចនឹងឈ្នះពីកម្មវិធីនេះ មកជម្រាបលោកអ្នកក្នុង​អត្ថបទ​ក្រោយ៕

សូមអញ្ចើញទស្សនាវីដេអូ ខាងក្រោម៖

--------------------------------------------------
ដោយ៖ ឈូករ័ត្ន - ប៉ារីស ថ្ងៃទី ១៤ ខែកម្ភះ ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ