ពិតជាមានភាពអសកម្ម របស់មន្ត្រីខ្លះ នៅក្នុងនាយកដ្ឋាន​ស្ថិតិ ​និង​លិខិត​ឆ្លងដែន។ នេះជាការបញ្ជាក់​ទទួល​ស្គាល់ របស់អ្នកនាំពាក្យក្រសួងមហាផ្ទៃ លោក ខៀវ សុភ័គ តាមរយៈវិទ្យុបារាំងអន្តរជាតិ ដោយបាន​អះអាង​បន្ថែម​ថា មន្ត្រីជាប់ពាក់ព័ន្ធ​ទាំងប៉ុន្មាននាក់នោះ ត្រូវបានទទួល​ការណែនាំ​រួចរាល់ហើយ។

ការប្រកាសទទួលស្គាល់ របស់អ្នកនាំពាក្យក្រសួងមហាផ្ទៃ បានធ្វើឡើង​បន្ទាប់ពីរូបថត និងវីដេអូជាច្រើន ត្រូវ​បាន​ក្រុមអ្នកប្រើប្រាស់​បណ្ដាញ​សង្គម បង្ហោះចែកចាយគ្នា​យ៉ាងព្រោងព្រាត ដោយមានអម​​ទាំង​ពាក្យពេជន៍​រិះគន់​ធ្ងន់ៗ មកជាមួយផង សំដៅទៅមន្ត្រីធ្វើលិខិតឆ្លងដែនមួយចំនួន ដែលបានយកពេលធ្វើការ ទៅ​អង្គុយ​ចុច​ទូរស័ព្ទ​ដៃ ឬនិយាយទូរស័ព្ទ ធ្វើបែបវាហី នៅចំពោះ​ការតម្រង់ជួរ​​រង់ចាំ​ដ៏អន្ទះសារ របស់ពលរដ្ឋ។

» អានអត្ថបទដែលទាក់ទង៖ អ្នក​លេង​ហ្វេសប៊ុក​រិះគន់ មន្ត្រី​ធ្វើ​លិខិត​ឆ្លង​ដែន

នៅចំពោះការរិះគន់ទាំងនេះ លោក ខៀវ សុភ័គ បានពន្យល់ថា វាគឺការ​ឆក​ល្វែង​​បន្តិច​បន្តួច​ នៅក្នុង​ម៉ោង​រដ្ឋបាល ដែលតែងកើតឡើងជាធម្មតា នៅគ្រប់កន្លែងធ្វើការ។

រីឯអនុប្រធាននាយកដ្ឋានស្ថិតិ និងលិខិតឆ្លងដែន លោក កែ សុវ៉ាត វិញ ក៏បានអះអាងប្រហាក់ប្រហែលគ្នា និង​អ្នកនាំពាក្យក្រសួងមហាផ្ទៃដែរ។ លោក សុវ៉ាត បានផ្ដល់កិច្ចសម្ភាស ដល់វិទ្យសម្លេងវាយោថា លោកទទួល​យក​កំហុស​ឆ្គងទាំងនេះ ដែលបង្កឡើងដោយមន្ត្រីក្រោមបង្គាប់ ហើយលោក​បាន​កោះប្រជុំ​ជាបន្ទាន់ ដើម្បី​ធ្វើការ​​ណែនាំ​​ពួកគេ​​រួចជាស្រេចហើយ៕

» រូបភាពរបស់មន្ត្រីធ្វើលិខិតឆ្លងដែន ដែលលួចលេងទូរស័ព្ទ៖