ក្លែង​ជា​វេជ្ជបណ្ឌិត​ដើម្បី​ចាប់​រំលោភ យុវតី​អាយុ​១៩ឆ្នាំ​ម្នាក់

ដើម្បីចាប់យុវតីមួយរូបរំលោភ បុគ្គលិកបោសជូតម្នាក់ បានក្លែងខ្លួនជាវេជ្ជបណ្ឌិត ហើយបាន​ចូល​ទៅ​ក្នុង​បន្ទប់ ដែល​យុវតីកំពុងសម្រាកព្យាបាល។ នៅចំពោះការសាកសួរចម្លើយរបស់នគរបាល បុរស​កំហិល​ម្នាក់​នេះ បាន​ទទួល​សារភាព។
ក្លែង​ជា​វេជ្ជបណ្ឌិត​ដើម្បី​ចាប់​រំលោភ យុវតី​អាយុ​១៩ឆ្នាំ​ម្នាក់
រូបភាពជំនួស បង្ហាញពីការពិនិត្យរោគស្ត្រី របស់វេជ្ជបណ្ឌិត នៅក្នុងបន្ទប់ពិគ្រោះជំងឺ។ (រូបថតផ្តិតពីវីដេអូ)
Loading...
  • ដោយ: ឈូករ័ត្ន អត្ថបទ និងយកការណ៍៖ ឈូករ័ត្ន ([email protected]) - បារីស ថ្ងៃទី៣០ មីនា ២០១៦
  • កែប្រែចុងក្រោយ: March 30, 2016
  • ប្រធានបទ: សេពសន្ធវៈ
  • អត្ថបទ: មានបញ្ហា?
  • មតិ-យោបល់

ហេតុការណ៍ បានកើតឡើង កាលពីរសៀល​ថ្ងៃអាទិត្យកន្លងមកនេះ នៅក្នុងមន្ទីរពេទ្យ «Saint-Jean​-de-Dieu» នាក្រុង លីយ៉ុង (Lyon) ភាគខាងត្បូង នៃប្រទេសបារាំង។ សារព័ត៌មានតំបន់របស់បារាំង ឈ្មោះ «Le Progrès» បានរៀបរាប់ថា យុវតីជាអ្នកជំងឺ ដែលមានវ័យ១៩ឆ្នាំមួយរូប បានចេញពីបន្ទប់ ដែលខ្លួន​កំពុង​សម្រាក​ព្យាបាល ដើម្បីស្វែងរកជួបគ្រូពេទ្យណាម្នាក់ ដែលប្រចាំការ នៅទីនោះ។

នៅពេលនាង បានចេញពីបន្ទប់ នាងបានជួបបុរសម្នាក់ ដែលមានស្លៀកពាក់ អាវពេទ្យពណ៌ស និងមាន​វ័យ​ចំណាស់គួរសម។ តាមពិតបុរសម្នាក់នេះ អាយុ៥៨ឆ្នាំ ជាបុគ្គលិកផ្នែកបោសជូត ធ្វើការនៅក្នុងមន្ទីរពេទ្យ តាំង​ពីច្រើនឆ្នាំមកហើយ។ តែនៅចំពោះការសាកសួរ របស់យុវតីវ័យក្មេង បុរសបានកុហកថា ខ្លួននេះហើយ ជា​វេជ្ជបណ្ឌិត និងបានប្រាប់នាង ឲ្យចូលទៅក្នុងបន្ទប់សម្រាកវិញ។

នៅក្នុងបន្ទប់អ្នកជំងឺ បុរសបានប្រាប់ឲ្យយុវតី ស្រាតខោអាវចេញទាំងអស់ ហើយគេងនៅលើគ្រែ។ បន្ទាប់មក បុរសចំណាស់ បានចាប់យុវតីរំលោភ។

ហេតុការណ៍នេះ ត្រូវបានយុវតី ប្ដឹងទៅអាជ្ញាធរ ហើយបុរស ដែលជាវេជ្ជបណ្ឌិតក្លែងក្លាយ ត្រូវបានចាប់​ដាក់​ឃុំ ក្នុងពេលភ្លាមនោះ​​មួយរំពេច។ ជនសង្ស័យ បានសារភាពពីទង្វើរបស់ខ្លួន នៅចំពោះអ្នកស៊ើបអង្កេត ហើយ​ត្រូវ​បាននាំខ្លួន កាលពីថ្ងៃអង្គារម្សិលម៉ិញ ឲ្យឡើង​ទៅឆ្លើយ​បំភ្លឺ​ជាបន្ត​ទៀត នៅចំពោះ​រដ្ឋអាជ្ញា​បារាំង ប្រចាំ​តំបន់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...