ISIS បោះ​យុវជន​ជំទង់​ស្រឡាញ់​ភេទ​ដូច​គ្នា​ម្នាក់ ពី​លើ​ដំបូល​ផ្ទះ

ក្រុមរដ្ឋអ៊ីស្លាម បានប្រហារជីវិតយុវជនជំទង់ អាយុ១៥ឆ្នាំម្នាក់ ដោយចាប់បោះពីលើដំបូលផ្ទះ ក្នុងក្រុង ឌើអៀ (Deir នៃ​ប្រទេស​ស៊ីរី) បន្ទាប់​ពីយុវជននោះ ត្រូវបានចោទថា បានស្រឡាញ់ភេទដូចគ្នា និងបន្ទាប់ពី​យុវជន​​ត្រូវបាន​រំលោភ ជា​ច្រើន​ដង ដោយ​មេដឹកនាំ​ក្រុម​រដ្ឋអ៊ីស្លាម ថ្នាក់តំបន់ម្នាក់រួច។
Loading...
  • ដោយ: មនោរម្យ.អាំងហ្វូ អត្ថបទ និងយកការណ៍៖ សេក កុមារ ([email protected]) - បារីស ថ្ងៃទី០៦ មករា ២០១៦
  • កែប្រែចុងក្រោយ: January 07, 2016
  • ប្រធានបទ: ភេរវកម្ម
  • អត្ថបទ: មានបញ្ហា?
  • មតិ-យោបល់

បន្ទាប់ត្រូវបានចាប់រំលោភ ដោយមេដឹកនាំតំបន់ម្នាក់ របស់ក្រុមរដ្ឋអ៊ីស្លាម (ពាក្យអារ៉ាប់ហៅ Daech ពាក្យ​កាត់​បារាំង​ហៅ EI ពាក្យ​កាត់​អង់គ្លេស​ហៅ ISIS) រួច យុវជនជំទង់អាយុ១៥ឆ្នាំម្នាក់នេះ ត្រូវបានសមាជិក ​របស់​ក្រុម​រដ្ឋអ៊ីស្លាមផ្សេងទៀត ចាប់បោះទម្លាក់ ពីលើដំបូលផ្ទះ ក្នុងក្រុងតូចមួយឈ្មោះ ឌើអៀ នៃប្រទេសស៊ីរី នៅ​ចំពោះ​មនុស្សរាប់សិបនាក់ ដែលចូលរួមក្នុងការប្រហារជីវិត។ នេះបើតាមការផ្សាយឲ្យដឹង របស់ទីភ្នាក់ងារ​ព័ត៌មាន របស់ប្រទេសស៊ីរី ដែលបានផ្សាយ កាលពីម្សិលម៉ិញ។

ទីភ្នាក់ងារព័ត៌មាន បានស្រង់យកការអះអាង របស់សាក្សីជាច្រើននាក់ មកធ្វើសេចក្ដីរាយការណ៍ថា យុវជន​ជំទង់​រងគ្រោះ ដែលស្រឡាញ់ភេទដូចគ្នា ត្រូវបានកងកម្លាំងរបស់ក្រុមរដ្ឋអ៊ីស្លាម ចាប់ខ្លួននៅក្នុងផ្ទះ របស់​មេ​ដឹកនាំ​តំបន់ របស់ក្រុមរដ្ឋអ៊ីស្លាម ដែលបានចាប់រំលោភយុវជននោះ ជាច្រើនដង។ មេដឹកនាំតំបន់នោះ មាន​ឈ្មោះ​ថា «Abu Zaid al-Jazrawi»។

អន្តរាគមន៍...

ចំណែកឯ «Abu Zaid al-Jazrawi»វិញ ក៏ត្រូវបានផ្ដន្ទាទោស ជាលើកដំបូង ដោយការប្រហារជីវិតដែរ។ ប៉ុន្តែ​នៅទីបំផុត ដោយមានអន្តរាគមន៍ ពីថ្នាក់ដឹកនាំជាន់ខ្ពស់ របស់ក្រុមរដ្ឋអ៊ីស្លាម ទើបមេដឹកនាំតំបន់រូបនេះ  ត្រូវ​បាន​បន្ធូរបន្ថយទោស ដោយគ្រាន់តែបណ្ដេញចេញ ពីក្រុងនោះ តែត្រូវបញ្ជូន ឆ្ពោះទៅកាន់សមរភូមិក្ដៅ នៅ​តំបន់​ផ្សេង​ទៀត ក្នុងប្រទេសអៀរ៉ាក់។

មិនមែនជាលើកទីមួយទេ!

កាលពីខែតុលាកន្លងទៅ បុរសពីរនាក់ ដែលត្រូវបានចោទប្រកាន់ ថាមានទំនាក់ទំនងស្រឡាញ់គ្នានោះ ក៏​ត្រូវ​បានកងកម្លាំង របស់ក្រុមរដ្ឋអ៊ីស្លាម ចាប់បោះទម្លាក់ពីលើដំបូលអាគារដ៏ខ្ពស់មួយ។ បើនិយាយនៅក្នុង​ឆ្នាំ​២០១៥​ទាំងមូល ជនរងគ្រោះ​ប្រមាណជា ១២នាក់ បានត្រូវប្រហារជីវិត ក្នុងលក្ខណៈ​​ប្រហាក់ប្រហែល​គ្នា​នេះ នៅក្នុងប្រទេសស៊ីរី និងប្រទេសអៀរ៉ាក់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...