បើគេកម្រឃើញ តារាចម្រៀង សុខ ពិសី រាំកន្ត្រាក់ញ៉ាក់ តាមចម្រៀងរបស់នាងនោះ នៅពេលនេះ តារា​ចម្រៀង​ដ៏មានប្រជាប្រិយ នៅក្នុងចិត្តយុវវ័យរូបនេះ បានចេញបទញាក់សារជាថ្មី ជាមួយនិងក្បាច់រាំរបស់ខ្លួន បង្ក​ឲ្យ​ទស្សនិជន​ជាច្រើន មិនងាកមកចាប់អារម្មណ៍មិនបាន។

ជាចម្រៀងថ្មី របស់ផលិតកម្មសាន់ដេ ដែលតារាចម្រៀងសំនៀងស្រទន់ កញ្ញា សុខ ពិសី ដែលមានសាច់សខ្ចី ចេញមកបកស្រាយ។ ចម្រៀងនេះ មានចំណង់ជើងថា «រាង(ឬ)នៅ?»។ តារាចម្រៀងវ័យក្មេង ដែលតែង​ច្រៀង តែបទចម្រៀងបែបមនោសញ្ចាតនាកំសត់ និងបទប្រពៃណីខ្មែរតែប៉ុណ្ណោះ បានបកស្រាយចម្រៀងនេះ ជា​ចង្វាក់​ញ៉ាក់ ដោយភ្ជាប់នឹងក្បាច់រាំ ដ៏ប្លែកភ្នែកផងដែរ។

បទ «រាង(ឬ)នៅ?» នេះបានច្រៀងរៀបរាប់ ពីចិត្តសាវារបស់មនុស្សប្រុស ដែលក្បត់ចិត្តស្រីច្រើនស្ទើរាប់មិន អស់ តែចុងក្រោយក៏ត្រូវស្រីក្បត់វិញ ទើបធ្វើឲ្យ សុខ ពិសី សួរទៅបុរសម្នាក់នោះ ថា«ម៉េចរាងឬនៅ បង​ឯង?»។ នៅលើបណ្ដាញសង្គម ចម្រៀងនេះ ទទួលបានការគាំទ្រ ចូលចិត្ត និងការចែករំលែកយ៉ាងច្រើន។ គ្រាន់តែរយៈពេលប៉ុន្មានថ្ងៃប៉ុណ្ណោះ ការផ្សាយពាណិជ្ជកម្មខ្លី នៃចម្រៀងនេះ ទទួលបានមនុស្សចុចចូល​ទៅ​មើល ច្រើនជាង២ម៉ឺននាក់ ហើយមានការចែករំលែងជិត៥០០ដង៕

» ចង់ដឹងថាបទនេះ កញ្ញា សុខ ពិសី ច្រៀងយ៉ាងណានោះ សូមទស្សនាដូចតទៅ៖