អនាថា​គ្មាន​ញាតិ មក​ស្លាប់​ផ្កាប់​មុខ​ក្នុង​វត្ត​សាសា​គូ សង្ស័យ​ខ្យល់​គ

បុរសម្នាក់ ត្រូវបានប្រទះឃើញ ដេកស្លាប់ទាំងផ្គាប់មុខ នៅសួនសារធារណៈមួយកន្លែង ក្នុងវត្តសាសាគូ ហៅ​វត្ត​អំពិល​បី ខេត្ត​កណ្តាល។ គេនៅមិនទាន់ស្គាល់​អត្តសញ្ញាណ បុរសម្នាក់នេះនៅឡើយ។ បន្ទាប់ពីធ្វើ​កោសល្យ​វិច័យ​រួច ក្រុម​សមត្ថកិច្ច​បាន​សន្និដ្ឋាន​ថា បុរសបានស្លាប់ ដោយសារខ្យល់គ។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ១៨កញ្ញា ២០១៥
  • កែប្រែចុងក្រោយ: September 23, 2015
  • ប្រធានបទ: គ្រោះថ្នាក់
  • អត្ថបទ: មានបញ្ហា?
  • មតិ-យោបល់

ប្រភពពីកន្លែងកើហេតុបានឲ្យដឹងថា សាកសពបុរសខាងលើ ដែលមានអាយុ ប្រមាណជា៤០ឆ្នាំ ស្លៀកពាក់​ខោ​ជើងវែង អាវដៃវែង ពណ៍ខ្មៅ ពាក់ស្បែកជើងផ្ទាត់ពណ៍ខៀវ ត្រូវបានគេប្រទះឃើញ នៅក្បែរសួនក្នុងវត្ត​សាសាគូ ហៅវត្កអំពិលបី ក្នុងភូមិម្លូម៉ឺន ឃុំផ្សារដែក ស្រុកពញាឮ ខេត្តកណ្តាល។ អ្នកភូមិប្រទះឃើញសាកសព​នេះ កាល​ពី​វេលាម៉ោង១០ ថ្ងៃទី១៨ ខែកញ្ញា ឆ្នាំ២០១៥ នៅជិតដើម ផ្កា។

ក្រោយពីបានប្រទះឃើញ សាកសពបុរសរងគ្រោះរួច អ្នកស្រុកបានផ្តល់ព័ត៌មាន ទៅកាន់មន្រ្តីមានសមត្ថកិច្ច នៅមូលដ្ឋាន ដើម្បីចុះធ្វើអន្តរាគមន៍ ក្នុងវត្ត។ រីឯសមត្ថកិច្ច បានសន្និដ្ឋាន នៅក្នុងការ​ធ្វើកោសល្យវិច័យបឋមថា សាកសពទំនងជាស្លាប់ ដោយសារខ្យល់គ។ តាមការបញ្ជាក់ ពីអ្នកជិតខាងក្នុងភូមិននេះ បានឲ្យដឹងថា បុរស​ខាង​លើជាជនអនាថា គ្មានសាច់ញាតិ ហើយតែងតែមកលេង នៅក្នុងវត្តខាងលើ ស្ទើរាល់ថ្ងៃ។

ប្រភពបានបន្តទៀតថា គ្មានអ្នកណាម្នាក់បានដឹងថា សាកសពបុរសស្លាប់ផ្គាប់មុខនេះ ដោយសារ​​មូលហេតុ​អ្វី​នោះ​ទេ តែនៅនឹងកន្លែងស្លាប់ មានដើមផ្កាមួយដើម ដែលគល់វាព័ទ្ធជុំវិញដោយថ្ម។ ដូច្នេះ បុរស​រងគ្រោះ ទំនង​ជាបានខ្យល់គរដួល ហើយបានបោកក្បាលត្រូវថ្ម ធ្វើឲ្យស្លាប់ភ្លាមៗ តែម្នាក់ឯង។ បច្ចុប្បន្នសព កំពុង​ត្រូវបាន​ធ្វើ​បុណ្យតាមប្រពៃណី នៅក្នុងវត្តនេះតែម្ដង ក្រោមការរៀបចំឡើង របស់អាចារ្យគណៈកម្មាការវត្ត និង​ព្រះសង្ឃ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...