កែប ជុតិមា គាំទ្រ កឹម សុខា ដែល​ចង់​បង្កើត​ទូរទស្សន៍​រដ្ឋសភា

«ដើម្បីឲ្យប្រជាពលរដ្ឋ យល់ដឹងពីយើង លុះត្រាមានការផ្សព្វផ្សាយមួយ ឲ្យទូលំទូលាយ ឲ្យមានតម្លាភាព និង​ឲ្យ​ទាន់​សម័យ។ (...) សភា ជាសភារបស់ជាតិ ហើយទូរទស្សន៍សភា ក៏មិនមែនជារបស់គណបក្សនេះ គណបក្ស​នោះ​ទេ។» នេះ​ជា​ការ​ថ្លែង​របស់​លោក កែប ជុតិមា គាំទ្រគំនិតលោក កឹម សុខា ដែល​ចង់បង្កើត ឲ្យ​មាន​ទូរទស្សន៍​ផ្ទាល់​របស់​រដ្ឋសភា។
Loading...
  • ដោយ: អ៊ុម វ៉ារី អត្ថបទ ៖ អ៊ុម វ៉ារី ([email protected]) - យកការណ៍៖ស្រ៊ុន ទិត្យ -ភ្នំពេញថ្ងៃទី១៦ កញ្ញា ២០១៥
  • កែប្រែចុងក្រោយ: September 23, 2015
  • ប្រធានបទ: ផ្សព្វផ្សាយ
  • អត្ថបទ: មានបញ្ហា?
  • មតិ-យោបល់

តំណាងរាស្រ្ត មកពីគណបក្សប្រជាជនកម្ពុជា និងជាអតីតអភិបាលរាជធានីភ្នំពេញ លោក កែប ជុតិមា បាន​ថ្លែង​គាំទ្រគំនិត ចង់បង្កើតទូរទស្សន៍សភា របស់អនុប្រធានទីមួយនៃរដ្ឋសភា លោក កឹម សុខា មកពី​គណបក្ស​សង្គ្រោះជាតិនោះ ដោយលោកចាត់ទុកថា គំនិតនេះគួរត្រូវលើក មកពីចារណា។

លោក កែប ជុតិមា បានថ្លែងថា រដ្ឋសភាជាអង្គការនីតិបញ្ញតិ ដែលឯករាជ្យ ត្រូវតែមានប្រព័ន្ធ​ផ្សព្វ​ផ្សាយ​​មួយ​របស់ខ្លួន និងមានភាពទាន់សម័យ ហើយរដ្ឋសភាមានតួនាទីសំខាន់ ក្នុងការត្រួតពិនិត្យ​នីតិ​ប្រតិបត្តិ។ លោក​បានបន្តថា ដូច្នេះរដ្ឋសភា ត្រូវការប្រព័ន្ធឃោសនាឯករាជ្យមួយ ពិតប្រាករដ។ អតីតភិបាលរាជធានីភ្នំពេញ បានបន្ថែមថា តំណាងរាស្រ្តត្រូវធ្វើការចុះជាប់លាប់ ជាមួយនឹងរាស្រ្ត ព្រោះខ្លួនជាអ្នកនាំពាក្យឲ្យរាស្រ្ត។ ដើម្បី​ក្លាយជាអ្នកនាំពាក្យ តំណាងរាស្រ្តទាំងអស់ត្រូវធ្វើឲ្យរាស្រ្តទុកចិត្ត ជាមួយនឹងកិច្ចការនានា ដែលខ្លួនបានធ្វើ ត្រូវ​ឲ្យរាស្រ្តបានដឹង ព្រោះខ្លួនជាអ្នកតំណាង របស់ពួកគេ(រាស្រ្ត)។

កាលពីថ្ងៃទី១៥ ខែកញ្ញា ឆ្នាំ២០១៥ ក្នុងសិក្ខាសាលាមួយ ស្តីពី«បច្ចេកវិទ្យាគមនាគមន៍ និងព័ត៌មាន និងតម្លា​ភាព​សភា» នៅសណ្ឋាគារឡឺរ៉ូយ៉ាល់ លោក កឹម សុខា អនុប្រធានទីមួយនៃរដ្ឋសភា និងជាអនុប្រធាន​គណបក្ស​សង្គ្រោះជាតិ បានលើកឡើងថា ទាំងរដ្ឋសភា ទាងព្រឹទ្ធិសភា របស់កម្ពុជាបច្ចុប្បន្ននេះ បើទោះ​ជាមាន​ប្រព័ន្ធ​បច្ចេកវិទ្យា ទូរគមនាគន៍ និងព័ត៌មានក៏ពិតមែន តែនៅមានលក្ខណៈមួយចំនួន ត្រូវធ្វើការកែលំអបន្ថែម។

អនុប្រធានទីមួយនៃរដ្ឋសភា និងជាអនុប្រធានគណបក្សសង្គ្រោះជាតិ បានថ្លែងលើកឡើង នូវចំណុចដែលត្រូវ ធ្វើការកែលំអនោះរួមមាន ការផ្សព្វផ្សាយនូវសេចក្តីព្រាង ឬសេចក្តីស្នើច្បាប់ ជូនដល់សាធារណៈជន ដើម្បី​បានជាមតិយោបល់បន្ថែម មុនដាក់ច្បាប់នេះឲ្យអនុម័ត ត្រូវមានការផ្សព្វផ្សាយនូវច្បាប់ និងឋានានុក្រមច្បាប់ ដូចប្រទេសបារាំង ឬប្រទេសផ្សេងទៀត ដើម្បីងាយក្នុងការឲ្យមានការអនុវត្តច្បាប់ និងក៏ងាយស្រួល ក្នុងការ​ត្រួតរពិនិត្យមើលការអនុវត្តច្បាប់។ ដើម្បីឲ្យការផ្សាព្វផ្សាយនេះ មានប្រសិទ្ធភាព លោក កឹម សុខា បានថ្លែង​ឲ្យ​ប្រើប្រាស់ ប្រព័ន្ដផ្សាព្វផ្សាយសង្គម ដែលកំពុងរីកចម្រើនសម្រាប់ផ្តល់ និងទទួលព័ត៌មាន ពីសាធារណៈជន បានឆាប់រហ័ស និងទូលំទូលាយទាំងក្នុងតំបន់ និងពិភពលោក ហើយពិសេស សភាត្រូវមានទូរទស្សផ្ទាល់ខ្លួន ក្នុងការផ្សព្វផ្សាយ នូវសកម្មភាពរបស់ខ្លួន ជូនសាធារណៈជនទូទៅបានដឹង។

ថ្លែងក្នុងសិក្ខាសាលានេះ ដែលបង្កើតឡើងដោយ គណកម្មការអចិន្ត្រៃយ៍ នៃសភានិយាយភាសាបារាំង ដែល​បានគាំទ្រសំណើរ របស់ក្រុមសភាកម្ពុជា APF ក្នុងការរៀបចំឲ្យមាននូវកម្មវិធី ណូរីយា (Noria) នោះ លោក កឹម សុខា បញ្ជាក់បន្ថែមពាក់ព័ន្ធ និងបញ្ហាបច្ចេកវិទ្យា និងការដាក់ឲ្យមានទូរទស្សន៍ ប្រចាំសភាផ្ទាល់ថា៖ «សមាជិក​សភា អាចទំនាក់ទំនងជាមួយមន្រ្តី និងពលរដ្ឋរបស់ខ្លួន យ៉ាងមានប្រសិទ្ធិភាព និងអាចបើកចំហរជា​​សាធារណៈ និងតម្លាភាពដល់ប្រជាពលរដ្ឋ។ បច្ចេកវិទ្យាគមនាគមន៍សភា និងព័ត៌មាននេះ បានធ្វើឲ្យ​សភា​ក្លាយ​ជា​ឧបករណ៍​ឯករាជ្យមួយ ដែលមានលទ្ធភាព បំពេញតួនាទី លើគោលការណ៍ប្រជាធិបតេយ្យ ជាអ្នក​ជម្រុញ​តួនាទី​ធ្វើ​ច្បាប់ និងក៏ជាជនគំរូ ក្នុងការគោរពច្បាប់ សិទ្ធិមនុស្សបានជោគជ័យ។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...