រលំ​ដើមឈើ​អាយុ​២០០​ឆ្នាំ រក​ឃើញ​ឆ្អឹង​មនុស្ស​តាំង​ពី១ពាន់​ឆ្នាំ​មុន

ជារឿងគួរឲ្យសោកស្ដាយណាស់ ដែលដើមឈើដែលមានវ័យចំណាស់មួយដើម បានរំលើងគល់រលំ ដោយ​សារ​តែ​ខ្យល់​ព្យុះ។ ប៉ុន្តែ​ក៏​ដោយ​សារតែហេតុការណ៍នេះដែរ ទើបអ្នករស់នៅ ក្រុង ខូលូណី (Collooney) ក្នុង​ប្រទេស​អៀឡង់ រក​ឃើញ​នូវគ្រោងឆ្អឹង បូរាណមួយ ដែលមានអាយុកាល តាំងពីយុគសម័យ​កណ្ដាល​មក​ម្លេះ។
Loading...
  • ដោយ: សេក មនោរកុមារ អត្ថបទ និងយកការណ៍៖ សេក កុមារ ([email protected]) - បារីស ថ្ងៃទី១៨ កញ្ញា ២០១៥
  • កែប្រែចុងក្រោយ: September 20, 2015
  • ប្រធានបទ: របកគំហើញ
  • អត្ថបទ: មានបញ្ហា?
  • មតិ-យោបល់

បន្ទាប់ពីរងនូវខ្យល់ព្យុះ ដែលបានបោកបក់យ៉ាងខ្លាំងក្លារួចមក អ្នករស់នៅទីក្រុង ខូលូណី ដ៏តូច​មួយ នៃ​ប្រទេស​អៀឡង់ ចាំបាច់ត្រូវធ្វើតុល្យភាពឡើងវិញ ជាពិសេសនៅពេល ដែលដើមឈើមួយដើម ដែលមាន​ចំណាស់​តាំង​ពី២១៥ឆ្នាំមកហើយ ត្រូវបានរំលើងឫស រលំទាំងជំហរ។ ប៉ុន្តែនៅពេលដែលអ្នកភូមិ បានទៅដល់ជិត​ឫសឈើ ដែលមានវ័យដ៏ចំណាស់នេះ ពួកគេបានរកឃើញ គ្រោងឆ្អឹងជាច្រើន ដែលមានលក្ខណៈយ៉ាងចាស់​បូរាណ។

បន្ទាប់ពីត្រូវបានហៅ ឲ្យទៅពិនិត្យមើលហេតុការណ៍ រកឃើញខាងលើ ក្រុមអ្នកបូរាណវិទូ បានអះអាងថា សំណង់​ឆ្អឹងរបស់មនុស្សទាំងនេះ មានប្រវត្តិរបស់វា តាំងពីយុគសម័យបូរាណមកម្លេះ។

មរណៈភាពមួយ យ៉ាងទាន់ហន់

ការពិនិត្យស្រាវជ្រាវ បានបង្ហាញថា គ្រោងឆ្អឺងនេះ ជារបស់យុវជនវ័យក្មេងមួយរូប ដែលមានអាយុពី១៧ ទៅ​២០ឆ្នាំ និងបានរស់នៅ រវាងពីឆ្នាំ១០៣០ ទៅឆ្នាំ១២០០ ក្រោយគ្រឹស្ដ៍សករាជ។ បើតាមការស្រាវជ្រាវ ជំហាន​ដំបូងនេះ បានឲ្យដឹងថា យុវជនវ័យក្មេង បានរលត់សង្ខានាពេលនោះ ដោយមរណៈភាពមួយ​យ៉ាងទាន់​ហន់។ នៅលើឆ្អឹងជំនីចំហៀង និងនៅលើដៃ គេបានរកឃើញស្លាកស្នាម ដែលទំនងជាប៉ះពាល់ ជាមួយ​នឹង​កាំបិត ឬ​អាវុធស្រួច។

ក្រុមអ្នកវិទ្យាសាស្ត្រ កំពុងខំប្រឹងស្វែងរក ការពន្យល់ទៀត ប្រសិនជាយុវជនម្ចាស់គ្រោងឆ្អឹងនេះ អាចជា​យុទ្ធជនជំនាញ របស់កងទ័ពណាមួយ។ ជើងទាំងគូរបស់យុវជន បានកប់ផុងជ្រៅ ទៅក្នុងដី ខណៈ​គ្រោង​ឆ្អឹងផ្នែកខាងលើ បានជាប់ប្រទាក់ជាមួយឫសឈើ ដែលទើបនឹងរំលើងឫសដួល៕



Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...