សំឡី​អនាម័យ​ស្ត្រី​មាន​សារជាតិ «ចាហួយ» បង្ក​ការ​ព្រួួយ​បារម្ភ?

ស្រ្តីជាច្រើនបានបារម្ភ ពីការប្រើប្រាស់សំឡីអនាម័យរបស់ខ្លូន បន្ទាប់ពីបានទស្សនាវីដេអូមួយ នៅ​តាម​បណ្ដាញ​សង្គម។​ វីដេអូនោះ ត្រូវបានម្ចាស់អ្នកបង្ហោះ សរសេរប្រាប់ថា៖ «សូមចំនាយ​ពេល៣នាទី ដើម្បីមើល​ការ​ពិសោធន៍ សំលី​អនាម័យ តើ​មាន​អ្វី​ចំលែក?»។ តែនៅចំពោះការព្រួយបារម្ភនេះ ក្រុមហ៊ុនសំឡីអនាម័យមួយនេះ បាន​ចេញ​មក​បក​ស្រាយ។
Loading...
  • ដោយ: មនោរម្យ.អាំងហ្វូ អត្ថបទ និងយកការណ៍៖ ក.សោភ័ណ្ឌ ([email protected]) - ភ្នំពេញថ្ងៃទី ០៥ សីហា២០១៥
  • កែប្រែចុងក្រោយ: August 10, 2015
  • ប្រធានបទ: ជីវិតប្រចាំថ្ងៃ
  • អត្ថបទ: មានបញ្ហា?
  • មតិ-យោបល់

ការបែកធ្លាយវីដេអូឃ្លីបបែបនេះ បានកើតមានម្តងរួចមក នាពេលកន្លងមក តែត្រូវបានតំណាងក្រុមហ៊ុន សំឡី​អនាម័យ «MiMi»ធ្វើការស្រាយ ពីបញ្ហាទាំងអស់នេះ។ ប៉ុន្តែបណ្ដាអ្នកប្រើប្រាស់ នៅតែមានការព្រួយ​បារម្ភ​ទៀត បើទោះជាមាន ការបកស្រាយនោះក៏ដោយ។ ជាពិសេស ការព្រួយបារម្ភ បានកើនឡើងកាន់តែខ្លាំង បន្ទាប់​ពីស្រ្តីម្ចាស់គណនីហ្វេសប៊ុកម្នាក់ ដាក់ឈ្មោះខ្លួនឯងថា «So Theara» បានយកសំឡីអនាម័យម៉ាក MiMi មួយ និងប្រៀបធៀប ជាមួយសំឡីអនាម័យមួយទៀត ម៉ាក Sofy ដោយយកមកពិសោធន៍ ដាក់សំឡី​ទាំងពីរត្រាំ​ទឹក។ បន្តិចក្រោយមក សំឡីអានាម័យ MiMi មានសភាពហើម និងមានចេញ ជាលក្ខណៈចាហួយ​ម្យ៉ាងប៉ោងធំ ចំណែកឯសំឡី Sofy នៅលក្ខណៈធម្មតា ធ្វើឲ្យអ្នកពិសោធ និងអ្នកប្រើប្រាស់ កើតចម្ងល់ថា វត្ថុ​ធាតុដើមទាំងនោះ វាជាអ្វី?

បើតាមការបកស្រាយ របស់តំណាងក្រុមហ៊ុន សំឡីអនាម័យខាងលើ បានបញ្ជាក់ នាពេលកន្លងមក ទៅកាន់​សារធារណៈជនថា៖ «ការជ្រើសរើសវត្ថុធាតុដើមមកប្រើ គឺមិនដូចគ្នាទេ តែ (...) ចំពោះគ្រាប់ចាហួយ ដែល​មាននៅក្នុងសំឡី គឺវាមានតួនាទីសំខាន់ សំរាប់បឺតយកទឹក។ វាមិនប៉ះពាល់ ដល់សុខភាពយើងទេ។ បច្ចុប្បន្ន​គ្រាប់ចាហួយប្រភេទនេះ មានតែនៅក្នុងប្រទេស«ជប៉ុន»មួយប៉ុណ្ណោះ ដែលគេប្រើ សំរាប់ផលិតសំឡី និងខោ​ទឹកនោម ហើយប្រើជាប្រយោជន៏ច្រើនទៀត ជាពិសេសខោទឹកនោមកូនក្មេង។ បើវាមានបញ្ហា ក្មេងមិនអាច​រីកធំធាត់បានទេ។»។

ទោះជាបែបនេះក្តី ក៏នៅមានស្រ្តីមួយចំនួន មិនទាន់ទុកចិត្ត បានបង្ហាញពីក្តីបារម្ភរបស់ខ្លូនថា សំឡីដែលមាន​ជាតិ ជែល (Gel ឬចាហួយ) នេះហើយ ដែលប្រើទៅ បណ្ដាលអោយមនុស្ស មានការរលាក និងរមាស់។ ហើយ​ប្រើយូរៗទៅ អាចបង្កើតអោយកើត មានរោគស្រី្ដ បន្ទាប់មកនឹងអាច ឈានដល់ដំណាក់កាលមួយធ្ងន់ធ្ងរ គឺបង្ក​អោយមាន ជាជំងឺមហាររីកជាដើម។

តបនឹងការរិះគន់ ក៏ដូចជាការព្រួយបារម្ភ របស់អ្នកប្រើប្រាស់ តំណាងម្នាក់ពីក្រុមហ៊ុនសំឡីអនាម័យ មីមី បាន​ចេញមកអះអាងថា វត្ថុធាតុទាំងនោះ មិនប៉ះពាល់ដល់សុខភាពទេ ដោយមានបង្ហាញជាវីដេអូ​មួយ​ផង។​ តំណាងក្រុមហ៊ុនសំឡីអនាម័យ មីមី បានអះអាងថា ខ្លូនក៏ជាស្រ្តីខ្មែរមួយរូបដែរ ដូច្នេះបញ្ហាសុខភាពស្រ្តី ជា​បញ្ហាចម្បងសម្រាប់ស្រ្តីទូទៅ។ រីឯការផលិតសំឡី អនាម័យនេះទៀតសោធ ក៏មានការទទួលស្គាល់ ពីក្រសួង​សុខាភិបាលដែរ ទើបអាចចររាចរណ៍នៅទីផ្សារ ដាក់ឲ្យសារធារណៈជនប្រើប្រាស់បាន។ ស្ត្រីតំណាង​ក្រុម​ហ៊ុន​រូបនោះ បានបញ្ជាក់ជាចុងក្រោយថា ក្រុមហ៊ុន មីមី បានប្រើប្រាស់វត្ថុធាតុដើម ជាសំឡីដូចគ្នា តែគ្រាប់ៗ​ដែល​ចេញមក នៅពេលត្រាំទឹកនោះ គឺជាគ្រាប់ជក់ទឹកម្យ៉ាង ដែលបានផលិតលាយជាមួយសំឡី ដោយមិន​ប្រើ​សំឡី​សុទ្ធទេ ដែលទាំងនេះជាបច្ចេកទេសថ្មី ហើយមានប្រទេសជាច្រើន ទទួលស្គាល់។

រាល់ការបកស្រាយ និងការបង្ហាញការពីឯកសារមួយចំនួន របស់ក្រុមហ៊ុន ហាក់ដូចជាធ្វើឲ្យអតិថិជនមួយ​ចំនួន ដែលបានទស្សនា មានភាពជឿជាក់ជាងមុន ជាពិសេស គឺមានការបញ្ជាក់ ពីក្រសួងសុខាភិបាលនៃ​ប្រទេស​កម្ពុជា។ ម្ចាស់គណនីម្នាក់ឈ្មោះ Ly Ny បានសរសេរឡើងថា៖ «យល់បានច្បាស់លាស់ មិនស្រពិចស្រពិល​ទៀត​ឡើយ»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...