ចាក់​២កាំបិត​ដើម្បី​ប្លន់​យក​ម៉ូតូ និង​ទូរស័ព្ទ តែ​មិន​បាន​សម្រេច!

យុវជនម្នាក់ ត្រូវបានក្រុមចោរកំណាច ចាក់ត្រូវ ២ កំបិតធ្លាយពោះ និងរបួសត្រង់ទ្រូងខាងឆ្វេង ដើម្បីប្លន់យកម៉ូតូ និងទូរស័ព្ទ ខណះកំពុងរងចំាទទួលប្អូនស្រី ពីធ្វើការនៅម្តុំស្ថានីយ៍បូមទឹកបឹងត្របែក។
Loading...
  • ដោយ: ក. ស្រីនាង អត្ថបទ៖ ក. ស្រីនាង ([email protected])- យកការណ៍៖ ហេង វុទ្ធី - ភ្នំពេញ ថ្ងៃទី សីហា ២០១៥
  • កែប្រែចុងក្រោយ: August 08, 2015
  • ប្រធានបទ: ប្លន់
  • អត្ថបទ: មានបញ្ហា?
  • មតិ-យោបល់

ហេតុការណ៍ប្លន់ដ៏រន្ធត់នេះ បានកើតឡើង នៅម៉ោង ២៣ និង ៥០ នាទីយប់ថ្ងៃទី ០៧ ខែ សីហា ឆ្នាំ២០១៥។ នៅតាមបណ្តោយផ្លូវ ២៧១ ដែលស្ថិតនៅម្តុំស្ថានីយ៍បូមទឹក បឹងត្របែក សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ បណ្តាលឲ្យម្ចាស់ម៉ូតូ រងរបួសចំនួន ២ កាំបិត និងរបួសទ្រូងខាងឆ្វេង។

លោក ឌុច សុគា ជាជនរងគ្រោះ មានអាយុ ២៤ ឆ្នាំ មុខរបរជាជាងជួសជុលរថយន្ត នៅម្តុំចំការមន បាន​និយាយ ទាំងមានមុខរបួសថា លោកជិះម៉ូតូ គ្លិក (click) ពណ៍ស ស្លាកលេខ ភ្នំពេញ ១AI-4241 ដើម្បីទៅទទួល​ប្អូនស្រី ចេញពីធ្វើការនៅហាងមួយ។ ស្រាប់តែពេលកំពុងរងចាំប្អូន លើម៉ូតូនោះ ស្រាប់តែមានបុរសម្នាក់ ដើរ​មក​ជិត​ហើយសុំខ្ចីទូរស័ព្ទ ពេលកំពុងនិយាយគ្នា ក៏មានបុរស ២នាក់ទៀត ដើរមកជិត បានទាញកាំបិត​មក​ចាក់​លោក ត្រង់ពោះ និងទ្រូងខាងឆ្វេង បណ្តាលឲ្យរងរបួស។

ភ្លាមៗនោះ ប្រជាជននៅម្តុំទីនោះ ដែលឃើញហេតុការនេះ បានរត់មកជួយ ធ្វើឲ្យក្រុមចោរភ័យស្លន់ស្លោរ រត់​ចោលម៉ូតូជនរងគ្រោះបាត់ ដោយយកបាន តែទូរស័ព្ទមួយគ្រឿង ទៅជាមួយប៉ុណ្ណោះ។ ប្រជាជននៅ​កន្លែង​​កើត​ហេតុ បានជួយយកជនរងគ្រោះទៅមន្ទីពេទ្យ ចំណែកអ្នកខ្លះទៀត បានរាយការណ៍ទៅ​សមត្ថកិច្ច ដើម្បី​​ស្រាវ​ជ្រាវ​ចាប់ខ្លួនជនសង្ស័យ។

បន្ទាប់ពីទទួលដំណឹង ពីក្រុមពលរដ្ឋរួច ក្រុមសមត្ថកិច្ច បានចុះធ្វើអន្តរាគមន៍ភ្លាមៗ ហើយឡោមព័ទ្ធ​ចាប់​បាន ជនសង្ស័យទាំង ៣ នាក់ភ្លាមៗ។ ជនសង្ស័យទី១ ឈ្មោះ អ៊ុក ភារក្ខ មានអាយុ ២០ ឆ្នាំ ស្នាក់នៅខណ្ឌ​ចំការមន រាជធានីភ្នំពេញ - ទី២ ឈ្មោះ ចាន់ សុទី មានអាយុ ២៤ ឆ្នាំ មុខរបរជាយោធា នៅកងពលលេខ ៤ មាន​ស្រុក​កំណើត នៅស្រុកអង្គជ័យ ខេត្តកំពត និងទី៣ ឈ្មោះ ចា គង្គា មានអាយុ ២៨ ឆ្នាំ មុខរបរ ជាអ្នក​បញ្ជូល​ហ្គាស​រថយន្ដ នៅក្រុមហ៊ុន អិនធីធី (NTT) ស្នាក់នៅភូមិចំរើន សង្កាត់បឹងទំពុន ខណ្ឌមានជ័យ រាជធានី​ភ្នំពេញ។ នេះ​បើតាមការបញ្ជាក់របស់សមត្ថកិច្ច។

បច្ចុប្បន្ន ក្រុមសមត្ថកិច្ច ខណ្ឌមានជ័យ បានឃុំខ្លួនជនសង្ស័យទាំងបី និងកំពុងរៀបចំសំនុំរឿង តាមនីតិវិធី​ច្បាប់ ដើម្បីបញ្ជូនពួកគេឡើងទៅតុលាការ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...