លោក ខេម ជាម្ចាស់បទផ្ទាល់ ធ្លាប់បានសន្យាជាមួយអ្នកគាំទ្រខ្លូន នៅស្ថានីយ៍ទូរទស្សន៍ អាស៊ីអាគ្នេយ៍ថា លោក​នឹងពាំនាំបទថ្មី ដែលមានចំណងជើងថា «លើលោកនេះ គ្មានអ្នកណាចង់ក្រ» ដែលត្រៀមចេញ ក្រោយ​បទ «ទឹកភ្នែកក្មេងពាល» របស់លោក។ ហើយដូចការសន្យានោះមែន ព្រោះកាលពីថ្មីៗកន្លងមក តារាចម្រៀង បានមកបកស្រាយ បទថ្មីរបស់ខ្លួនមួយនេះ នៅស្ថានីយ៍ទូរទស្សន៍ អាស៊ីអាគ្នេយ៍ ម្តងទៀត។

បទ «លើលោកនេះ មានអ្នកណាចង់ក្រ» ទទួលបានការគាំទ្រជាច្រើន ពីអ្នកទស្សនា។ មានទម្រង់​បែបកំសត់​នោះ បទចម្រៀងនេះ មានបង្កប់ ទៅដោយអត្ថន័យ បញ្ជាក់ពីភាពតស៊ូព្យាយាម របស់ពលករចំណាកស្រុក ដើម្បី​គ្រួសារ ព្រោះតែចង់ឲ្យគ្រួសារ មានការីកចំរើននឹងគេ។ បទចម្រៀងនេះផងដែរ ក៏បានច្រៀងត្អូញត្អែរ ពី​ទុក្ខ​លំបាករបស់ជិវិតអ្នកក្រ ដែលខុសពីភាពសុខស្រួល នៃអ្នកមានអន្ទ្រើសៗ នៅក្នុងសង្គមសព្វថ្ងៃ។

តាមរយៈបទថ្មី របស់លោក ខេម ដែលជាលំនាំបទ «ដឹកប្រពន្ធទៅរាំ» របស់លោក ធឹង សុន (អ្នកចម្រៀង​ខ្មែរ​-អាមេរិក) នោះ បានធ្វើឲ្យអ្នកទស្សនាផ្ទាល់ និងអ្នកទស្សនា​តាមបណ្តាញសង្គម ចាប់អារម្ភយ៉ាងខ្លាំង។ អ្នក​គាំទ្រមួយចំនួន បានសរសេរបញ្ចេញយោបល់ថា៖ «ពិរោះហើយ មានន័យណាស់​ ចំពោះពលករនៅ​ស្រុក​គេ​ដូចខ្ញុំ»។ អ្នកខ្លះទៀតថា៖ «ស្តាប់ហើយ​ចង់ហូរទឹកភ្នែក ពិតជាពិរោះមែន បងខេម»៕

» សូមទស្សនាបទដើម «ដឹកប្រពន្ធទៅរាំ» ដូចតទៅ៖