មហា​គ្រោះ​ថ្នាក់​រថយន្ដ​ប្រណាំង​ដ៏​រន្ធត់ តែ​អ្នក​បើក​បរ​នៅ​រស់!

គ្រោះថ្នាក់ដ៏សាហាវ និងរន្ធត់ បែកផ្កាភ្លើង រថយន្ដក្រឡាប់ហោះឡើងលើ... តែម្ចាស់កាន់ចង្កូត ជាតិអាមេរិកាំង លោក អូស្តាំង ឌីយ៉ុង (Austin Dillon) បែរជារួចរស់មកវិញ ដោយធម្មតា។
គ្រោះថ្នាក់ នៃការប្រកួតរថយន្ដ Nascar បង្កភាពរំជួលចិត្ត ដល់ទស្សនិកជន។
  • ដោយ: សុបិន្ដ អត្ថបទ៖ សុបិន្ត ([email protected]) - ម៉ុងរ៉េអាល់ ថ្ងៃទី១០ កក្កដា ២០១៥
  • កែប្រែចុងក្រោយ: July 13, 2015
  • ប្រធានបទ: ប្រណាំងយាន
  • អាន និងបញ្ចេញយោបល់

ជាការប្រកួត រថយន្ដប្រណាំងល្បឿនលឿន កាលពីថ្ងៃអាទិត្យសប្ដាហ៍មុន នៅក្នុងក្រុង ដេតូណា (Daytona) ក្នុងរដ្ឋផ្លរីដា ភាគខាងកើតនៃសហរដ្ឋអាមេរិក។ នៅក្នុងការប្រកួត ជុំចុងក្រោយ នៃ«Coke Zero 400» គ្រោះ​ថ្នាក់ដ៏រន្ធត់ សម្បើមអស្ចារ្យមួយ បានកើតឡើង ដោយបានគាស់រថយន្ដ «Chevrolet» មួយគ្រឿង បើកបរ​ដោយ​ជនជាតិអាមេរិកាំង លោក អូស្តាំង ឌីយ៉ុង ឲ្យប៉ើងក្រឡាប់ឡើងលើ ជាច្រើនជុំ មុននឹងទៅបុកមួយ​ទំហឹង លើជញ្ជាំងសុ​វត្ថិភាព ដែលដាក់ខណ្ឌរវាងផ្លូវប្រកួត និងទស្សនិកជន។

គ្រោះថ្នាក់នេះ ស្ថិតក្នុងចំណោមគ្រោះថ្នាក់ ដ៏ខ្លាំងជាងគេ កម្រកើតមាន នៅក្នុងការប្រកួតរថយន្ដកន្លងមក។ ប៉ុន្តែផ្ទុយទៅវិញ អ្នកបើកបរជាតិអាមេរិកាំង បានរួចរស់ជីវិត គ្មានរបួសអ្វីទាំងអស់ និងបន្ទាប់ពីការជួយសង្គ្រោះ របស់ក្រុមការងារ បានដើរចេញពីរថយន្ដ ហាក់ដូចជា គ្មានហេតុភេទអ្វីទាំងអស់។ ចំណែកឯទស្សនិកជនវិញ បានរងរបួសស្រាល ចំនួន៥នាក់។

» សូមទស្សនាវីដេអូបន្ថែម៖


Loading...

អត្ថបទទាក់ទង


មតិ-យោបល់