ក្មេង​ស្រី​ជំទង់​វាយ​គ្នា នៅ​ប៊ែលហ្សិក

បើឈុតឆាកបែបនេះ មានច្រើនរាប់មិនអស់ នៅប្រទេសស្ថិត​ក្រោម​ការអភិវឌ្ឍន៍ តែមិនមែនមានន័យថា នៅ​ប្រទេស​កំពុង​អភិវឌ្ឍន៍ មិនមានករណីនេះ កើតឡើងនោះទេ។ ឈុតឆាកហិង្សានេះ បានកើតឡើង រវាង​ក្មេង​ស្រី​ជំទង់ កាល​ពី​យប់​ថ្ងៃ​ពុធ​កន្លង​មក ក្នុងក្រុង «Willebroek» នៃប្រទេសប៊ែលហ្សិក បង្កឲ្យមាន ការ​ភ្ញាក់​ផ្អើល​យ៉ាង​ខ្លាំង។
ការវាយតប់គ្នា របស់ក្មេងស្រីជំទង់ៗ នៅក្នុងក្រុងមួយ នាងប្រទេសប៊ែលហ្សិក។
Loading...
  • ដោយ: សេក មនោរកុមារ អត្ថបទ ៖ សេក មនោរកុមារ ([email protected]) - ប៉ារីស ថ្ងៃទី ០៣ កក្កដា ២០១៥
  • កែប្រែចុងក្រោយ: July 04, 2015
  • ប្រធានបទ: បទល្មើស
  • អត្ថបទ: មានបញ្ហា?
  • មតិ-យោបល់

យុវតីជំទង់ម្នាក់ ត្រូវបានយុវតីជំទង់ពីរ (ក្នុងវីដេអូឃើញ៣នាក់) នាក់ផ្សេងទៀត វាយរមៀលខ្លួន ទៅលើដី ជា​មួយនឹងការទាត់ធាក់ យ៉ាង​ចាស់ដៃ។ ប៉ុន្តែយុវតីរងគ្រោះ បានព្យាយាមងើបមកវិញ ប៉ុន្តែមើលទឹកមុខរបស់​នាង ដូចជាខំប្រឹងលាក់​ការ​ឈឺចាប់ នៅក្នុងខ្លួននោះយ៉ាងខ្លាំង។ វីដេអូត្រូវបានថត ដោយមនុស្សម្នាក់ទៀត មិន​ស្គាល់អត្តសញ្ញាណ ហើយ​ត្រូវបាន យកមកបង្ហោះ នៅលើគេហទំព័រ យូធូប។ ប៉ុន្តែនៅក្នុងវីដេអូ មានមនុស្ស​ទីប្រាំម្នាក់ទៀត ដែលទំនង​ជា​បុរស។ យុវជននោះ បានស្រែកប្រាប់ ស្ត្រីដៃដល់ទាំងពីរ ឲ្យព្រលែងយុវតី​រង​គ្រោះ។

យុវតីរងគ្រោះ មិនហ៊ានប្ដឹងអាជ្ញាធរទេ។ តែអ្នកដំណើរម្នាក់ ដែលដើរកាត់តាមនោះ បានរាយការណ៍​ទៅ​នគរបាល ក្នុងសង្កាត់ ដែលបានចូលមកធ្វើអន្តរាគមន៍ និងកំណត់បាន ពីអត្តសញ្ញាណយុវតីដៃដល់ ដើម្បី​រាយការណ៍ នៅពេលក្រោយមក ទៅឲ្យព្រះរាជអាជ្ញាប៊ែលហ្សិក ជំនាញខាងអនីតិជន ជាអ្នកកំណត់ថា តើ​អ្នកទាំងពីរ គួរត្រូវចាប់ខ្លួន ឬត្រូវយកទៅអប់រំ។

យុវតីរងគ្រោះ ដែលមានរបួស សើរស្បែកបន្តិចបន្តួច ត្រូវបានទទួលការព្យាបាល នៅនឹងកន្លែង និងមិនត្រូវ​បានបញ្ជូនទៅមន្ទីរពេទ្យទេ។ រហូតមកដល់ពេលនេះ នគរបាលមិនទាន់ដឹង ពីមូលហេតុ ដែលឈានទៅ​ដល់ ការវាយតប់គ្នា រវាងក្មេងស្រីជំទង់យ៉ាងដូច្នេះឡើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...