ឡាន​លុចស៊ីស បុក​ឡាន​សាំយ៉ុង តែ​រង​របួស​ម្ចាស់​ម៉ូតូ​ទៅ​វិញ

លិចស៊ីស បុក សាំយ៉ុង ចំពីមុខ និងរេទៅ ប៉ះម៉ូតូ បង្កឲ្យម្ចាស់ម៉ូតូ បាក់ជើង។ ដំណោះស្រាយចុងក្រោយ ម្ចាស់លិចស៊ីស ចេញសងជនរងគ្រោះ ទាំងពីរ។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី១១ ឧសភា ២០១៥
  • កែប្រែចុងក្រោយ: May 13, 2015
  • ប្រធានបទ: ចរាចរណ៍
  • អត្ថបទ: មានបញ្ហា?
  • មតិ-យោបល់

ឡានមួយសាំយ៉ុងមួយគ្រឿង រងការខូចខាតផ្នែកខាងមុខ ស្ទើទាំងស្រុង ដោយសារឡានឡុចស៊ីសមួយគ្រឿង បាន​បើក​បុកចំពីរមុខ។ មិនត្រឹមតែភាគីទាំងសងខាង ជាអ្នកខូចខាតទេ នៅមានម៉ូតូមួយគ្រឿងទៀត ក៏បានរងគ្រោះ ក្នុង​ហេតុ​ការណ៍​នេះដែរ បណ្តាលឲ្យអ្នកបើកម៉ូតូ រងរបួសជើងខាងស្តាំ យ៉ាងធ្ងន់ធ្ងរ។ ដំណោះស្រាយចុងក្រោយ ភាគីទាំងពីរ (រថយន្ដ​សាំយ៉ុង និងម៉ូតូ) ត្រួវបានម្ចាស់រថយន្តលុចស៊ីស ចេញថ្លៃខូចខាត។

ករណីនេះ បានបង្ករការភ្ញាក់ផ្អើល កាលពីវេលាម៉ោង៦ ព្រឹកថ្ងៃទី១១ ខែឧសភា ឆ្នាំ២០១៥ នៅតាមបណ្តោយផ្លូវ​សហព័ន្ធ​រុស្ស៊ី ត្រង់ចំណុច ទល់មុខក្រសួងកាងារ ស្ថិតក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ដែលបង្ករឡើង ដោយ​រថយន្តលុចស៊ីសមួយគ្រឿង បុករថយន្តសាំយ៉ុងចំពីមុខ បណ្តាលឲ្យឡានទាំងពីរគ្រឿង រងការខូចខាត រួមទាំង​ម្ចាស់​ម៉ូតូ​មួយ​​គ្រឿងទៀត រងបួសជើង។

ប្រភពត័ត៌មានពីកន្លែងកើតហេតុ បានឲ្យដឹងថា គេមិនបានស្គាល់ពីអត្តសញ្ញាណ ជនបង្ក ដែលជាម្ចាស់ឡានលុចស៊ិស OX ៣០០ ពណ៍ពាក់ស្លាកលេខភ្នំពេញ ២AB-១១៣១ នោះទេ គ្រាន់តែដឹងថា ជាជនជាតិជប៉ុន។ ចំណែកឯជនរងគ្រោះ ឈ្មោះ គង់ ផល អាយុ៤៥ឆ្នាំ រស់នៅភូមិឬស្សីសាញ់ ឃុំស្សីសាញ់ ស្រុកស៊ីធរកណ្តាល ខេត្តព្រៃវែង បើកបរឡាន​សាំយ៉ុង​ពណ៍ស្លែ ពាក់ស្លាកលេខ ភ្នំពេញ ២K-០៥៨០ រងការខូចខាតរថយន្ដរបស់ខ្លួន ផ្នែកខាងមុខ។ រីជនរងគ្រោះម្នាក់ទៀត ដែល​រងរបួសក្នុងហេតុការណ៍នេះដែរ ជាស្ត្រី បើកបរម៉ូតូ បានបាក់ជើងខាងស្តាំ និងត្រូវបានបញ្ជូន ទៅមន្ទីពេទ្យ។

សាក្សីបានឲ្យដឹងថា ស្ត្រីរងគ្រោះ ដែលត្រូវបានបញ្ជូនទៅមន្ទីពេទ្យ ឈ្មោះ លីវ ចន្រ្ទា ជិះម៉ូតូម៉ាកវេវ ពណ៍ក្រហមស្លាក​លេខ ភ្នំពេញ 1BD-៣៨៤៨ ស្របផ្លូវគ្នា ជាមួយឡានសាំយ៉ុង ស្រាប់តែមកដល់កន្លែងកើតហេតុ ឡានលុចស៊ីសបាន​បុក​ឡានសាំយ៉ុងចំពីមុខ ហើយជ្រុលចង្កូត ទៅប៉ះម៉ូតូរបស់នាង ដែលនៅជិះក្បែរនោះ បណ្តាលឲ្យនាងរងរបួសជើងខាងស្តាំ។ បន្ទាប់ពីការចុះវាស់វែង របស់សមត្ថកិច្ចចររាចរណ៍ ខណ្ឌទួលគោក បានឲ្យដឹងថា ម្ចាស់រថយន្តលុចស៊ីសជាអ្នកខុស ភ្លាមៗ​នោះ ជនបង្ករបានយល់ព្រម ចេញសងថ្លៃខូចខាតទាំងអស់ ទៅកាន់ជនរងគ្រោះទាំងពីរ។

យ៉ាងណាក៏ដោយ គេនៅមិនទាន់ដឹង ពីមូលហេតុពិតប្រាកដណាមួយ ដែលបណ្តាលឲ្យឡានលុចស៊ីស បើកបុកចំពីមុខ​ឡានសាំយ៉ុងបែបនេះទេ ព្រោះម្ចាស់ឡាន មិនចេះនិយាយភាសាខ្មែរ។ បន្ទាប់ពីបញ្ជូនស្រ្តីរងគ្រោះ ទៅមន្ទីពេទ្យ ម្ចាស់​ឡាន​សាំយ៉ុង បានយកឡានរបស់ខ្លួនទៅជុសជុល ក្រោមការចំណាយ របស់ភាគីបង្ករទាំងអស់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...